Taitɔ 2:8 - Yálá laawoo hɛɓɛ (dc)

⁸ ə́ hvaa woo mąąhəɠɛɛ mąąkulɔi hvo mą, əgɛ, gu yowo hvo dɔɔi hɔlɔɓo, hvo woo ɲɔ̨n mo gu laa mɛ̨i, nwumɛ̨ ə yɛɛ a nwun.

Yálá laawoo hɛɓɛ

⁸ ə́ hvaa woo mąąhəɠɛɛ mąąkulɔi hvo mą, əgɛ, gu yowo hvo dɔɔi hɔlɔɓo, hvo woo ɲɔ̨n mo gu laa mɛ̨i, nwumɛ̨ ə yɛɛ a nwun.

Bible

⁸ Lóno lɛ́lɛɛ kɛ́ nyíi m̀aa kulâi kélee fé ma, a gɛɛ ǹúui a tɔ̂ɔ kûai, ŋumɛ é zoŋ. Mɛni nyɔ́mɔɔ kélee da fé kɛ̀ ǹá é m̀ó é pîlaŋ kûa.

Taitɔ 2:8 Iomraidhean Croise

Nehemi 5:9

Ɛlɛɛ, gɛ́ diɛ: «Yii ŋɛ̨i ka káá gɛi, hvo pɛli li ɉu. Kɛlaa, mąąnɛ̨ɛ̨ ka gu hiɛ gu wɔ Yálái nwɔ ɲɔw mąą laa hu, ə gɛ, gu hvo pa nwunmɛ̨ hį́i takpɛliɠaa ɲɛ̨i ɓa, diɛi di kaa a gu yowoɠaa.

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Markə 12:17

Jesus yɛ diɛ: «Akɛ yili kaa tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.» Nwoo pulu pənə tii Jesus ə gɛ, di kwəi ə pili kɛa diɛ mąą mɛ̨nį hu.

Markə 12:28

Dɔ́n galamɔ̨ɔ̨ ta ə di woo mɛ̨n diɛ ɉeai tii too, ə gaa yɛ Jesus aa Sadusiɛ̨ɠaa tii woo pulu pənə a nɛlɛɛ, ə lɛɠɛ kɛa Jesus ɓa, ə mąąni kɛ, yɛ mą: «Tɔ́n nə kee ɓə gɛnɛ̨ tɔ́n gəlee ɓa?»

Markə 12:32

Dɔ́n galamɔ̨ɔ̨ tii ə mo Jesus ɓa, yɛ mą: «Gaa tii mąąkwɛli kɛmun! Mɛ̨nįi tii yáá mo ga a tɛ̨ą. Ną́mu Yálá lɔ ɓə gaa a Yálá tɔ̨nɔ̨ gbən, yálá takpɛli hvo laa ə kulɔ yaa bulu.

Markə 12:34

Jesus ə gaa yɛ ɉulɔnu tii aa nwoo pulu pənə a kili mɛ̨nį; ə mo mą yɛ mą: «Ə mąą hvo kwɛa li Yálá-taa tɔɔlaa ɓa.» Yili pulu, nu ta hvo kɛa pɛli mąąni kɛi.

Lukə 13:17

Jesus nwɔ woo pulu pənəi tii ə ɲowoɠaa nwumɛ̨. Kɛlaa, mɛ̨nįɠaa tii ə kɛi gɛ, ə nu kpului tii kwəinɛ̨ɛ̨.

Tɛsalonikə veelɛ 3:14

Akɛ mɛ̨nįi ku kaa moi ɉɛɓɛ́i ŋɛ̨i hu, nui awala lɛɛ nwoo mu, ká ká kili ɲą laa mą, ɛlɛɛ, ká diɛni ká hvo bɛlɛ gee ɓa mɛ̨nį kɛ, ə gɛ, ə nwumɛ̨;

Timote dɔlɔɔ 5:14

Gáá kani bɔ, galaninŋaai a nu nwunuɠaa di pənə, di hilɛ həɠə, di lon gaa, di di wɔ pɛlɛ́i laahɔnmo, di hvo pa nəi pələ tɛɛ gu yowoɠaa di wɔ laa pu ɉu pɔ.

Timote dɔlɔɔ 6:3

Nu ta a kɛi nuą mąąkwɛli a kalan bələ takpɛli, awala kɛ a gąnąnŋąą gu Nąmu Jesus Kristə woo huhəɠəənŋąąi ɓa, ɛlɛɛ, da túwɔ́ pələ yii a galan bələ mąą hon,

Taitɔ 3:14

Mąąnɛ̨ɛ̨ gu wɔ nuąi diɛ kpɛlimąn di kɛnɛ̨ mɛ̨nį lɛlɛɛ kɛɛ hu, əgɛ, mɛ̨nį ta a kulɔ, diɛ pɛli ɲąąlɔi, yili a kɛ tii, di tɔlɔ hva kpɛɛ diɛ.

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Piɛrə dɔlɔɔ 2:15

Mąąhɔlɔɓo, Yálá liiɓa ɓaa, ká kɛli mɛ̨nį lɛlɛɛ kɛ, ɓowo nuąi di tɛɠii, káá di kilaa pono.

Piɛrə dɔlɔɔ 3:16

Kɛlaa, 'ká gɛ mąąwiɛlaa hu, da liinɛ̨ɛ̨ gwəi laa, əgɛ, nuą daa kɛi ká wɔɔ tuwɔ pələ lɛlɛ laa bələ ɓo Kristə hu, mɛ̨nįi da kɛ ká laa mąą hiɛi ɉu, ká laa mąą hiɛ nuą tii, di nwumɛ̨.