Taitɔ 2:5 - Yálá laawoo hɛɓɛ (dc)

⁵ Di kɛ a tɛ̨ą kɔ́lɔn nuą mąąhəɠə laa hu, diɛ pɛlɛ́n góló kɛ a nɛlɛɛ, di ɲɛ̨i ponoɔ di yəi bɛlɛ́n, di liinɛ̨ɛ̨ di kwəi, diɛ ɓo di hilɛni woo mu; əgɛ, ɓɛlɛ hvo pa kpɛɛ Yálá laa woo ɓa.

Yálá laawoo hɛɓɛ

⁵ Di kɛ a tɛ̨ą kɔ́lɔn nuą mąąhəɠə laa hu, diɛ pɛlɛ́n góló kɛ a nɛlɛɛ, di ɲɛ̨i ponoɔ di yəi bɛlɛ́n, di liinɛ̨ɛ̨ di kwəi, diɛ ɓo di hilɛni woo mu; əgɛ, ɓɛlɛ hvo pa kpɛɛ Yálá laa woo ɓa.

Bible

⁵ Díkili é kɛ́ díyêei. Dílii su é kɛ́ a ŋ̀waa. Dí kɛ́ a pɛ́rɛ-soŋ-ƃela. Dí kɛ́ a sɔŋ-lɛlɛ-ƃela. Dí dísinâai wóo mɛni, a gɛɛ Ɣâla ŋɔwóoi fé kɛ̀ nɔ kpɛni-kpɛni.

Taitɔ 2:5 Iomraidhean Croise

Zɛnɛse 18:9

Nwɛ̨ąąi tii di Abrahamə mąąnikɛ, diɛ mą: «Ə́ nɛ̨ą Sara kaa mį?» Abrahamə yɛ mą: «Gaa bɛlɛ́n.»

Zɛnɛse 3:16

Yai-Laa yɛ nwɔ̨nɔ̨ nɛ̨ɛ̨nu ɓa: «Ya mɔ̨nɔ̨ mį́i koonɛ̨ą lɔwai, ə́ ə́ laanɔ̨nwɔ̨ ɓo ə́ wɔ kwəinwąną kɛi lɔwai, ə́ liiɓa mɛ̨nį kəlee nwun maa pai kɛi a ə́ hilɛ, ɛlɛɛ, yili kaa pai heei ə́ mɛ̨i.»

Samia Veerɛi 12:14

Kɛlaa, gɛ mɛ̨nį yaa Yai-Laa ɓɛlɛkpɛɛ ma a dúwɔ́ ŋɛ̨i ə́ moi, non ɉulɔnui tii hɔlɔɓo, gaa pai haai.»

Mąątɛ̨nɛ̨ 74:10

Ee kə Yálá, ə́ yowo kaa pai lɛɛi ə́ ɓɛlɛ tooi, ə lɛɛ ɉu mįnɛ̨ lɔwai ə həli? Ə́ yowo kaa pai lɛɛi naa pui ə́ laa hu ə lɛɛ ɉu lə yələ ə həli?

Hanwon 7:11

Ɉu pu pələi tii mą, hvo kɛi pɛli gbɔwɔ hu hon ɉii, gɔwɔ hvo kɛi pɛli lɔi hon ɉii.

Gɛlaɠaa 9:36

Laa na nɛ̨ɛ̨nu ta ə kɛ Ɉope daai diɛ kɛ mą: Tabita (mukulaa ɓaa: lómą; akɛ Grɛkə woo hu da kɛ mą: Dɔrkasə) ə kɛli mɛ̨inɛ̨ɛ̨ kɛ yələ kəlee nuą diɛ, yɛ kpɔnmąą tɛɛ yeehvowolo nuą pɔ.

Gɛlaɠaa 9:39

Ɲąąɓa, Piɛrə ə muhəɠə da diɛni diɛ li. Ɓɛlɔwai di həli la, di tɛ ɲələi pɛlɛ́ hu, galanin nɛ̨ąą diɛ ɓo laa diɛ wɔlɔ, diɛ doogwąną həɠəɠaa da yíi-həɠəɠaai Dɔrkasə ə kɛi bala, ɓɛlɔwai ə kɛ la vulú kɔ́wɔ ŋą, diɛ nɛ Piɛrə ɓa.

Lomaŋ 14:16

Hɛn nɛlɛɛ ə́ ɲɛ̨i ɓa, mąą hvo nɛ̨ɛ̨li hvo kɛ ə́ ɓɛlan ɲɛ̨i ɓa a mɛ̨nį ɲɔ̨n.

Lomaŋ 2:24

Yɛ bələi bɛ̨ɛ̨i la Yálá lawoo hɛɓɛ́ hu yɛ kɛ: Káái a Ɉuifəɠaa, kaa kaa ɓə ka gɛ huwu takpɛliɠaa diɛ Yálá ɓɛlɛ too woo ɓo.

Korɛntə dɔlɔɔ 11:3

Kɛlaa, gɛ́ ká mɛ̨nįi ŋɛ̨i kpaɠala kaa: Hinąą kəlee di nwun nąmu ɓaa a Kristə. Nɛ̨ɛ̨nu nwun nąmu ɓaa a hulɔnu. Kristə nwun nąmu ɓaa a Yálá.

Korɛntə dɔlɔɔ 14:34

nɛ̨ąą da kɛ ɲąąkpɔn ɉu, di di laa pilɛ, pələ ɓoɔ mąą laa hvo di yəi, mąąnɛ̨ɛ̨ di lɛɛ nwoo mulaa kɛ, yɛ bələi dɔ́n nwoo ə mo la.

Ifisiɛŋ 5:33

Ə kɛ a pələi lɔpee, vilɛnŋąą káá kpɛlimąn káá: ká ká nɛ̨ąni wɛlilakɛ yɛ gbɔwɔ kpinįlee, nɛ̨ɛ̨nu ə ɉilɛ mąąwiɛ.

Kolosə 3:18

Nɛ̨ąą, 'ká lɛɛ ká hilɛni woo mu yɛ bələi mąąnɛ̨ɛ̨ la gu Ną́mu.

Timote dɔlɔɔ 5:10

hvo kɛli, nu kəlee di kɛ a gɔlɔnŋąą diɛ mąątɛ̨nɛ̨ dúwɔ́ pələ lɛlɛɛɠaa hu, a nɛ̨ɛ̨nui aa lon gulɔ ɉu, ɲɛ̨i ponoɔ, yɛ kpɔnmąą tɛɛ mąąhəɠə nuą pɔ, yɛ kpɔnmąą tɛɛ mąąwɛli nuą pɔ, yɛ mɛ̨nį lɛlɛɛ huwui lɔpee gəlee kɛ nuą diɛ.

Timote dɔlɔɔ 6:1

Nuąi kpɔ di kaa luwɔlaa ŋą kpono hu, di mąąnɛ̨ɛ̨i di di nąmįną mąąwiɛ, yili ɓə a gɛ, Yálá laa hva kala, ɛlɛɛ, da kalan mɛ̨nį.

Taitɔ 2:4

diɛ hilɛtai-nɛ̨ąą mąąkwɛli a di lɛɛ pələ di hilɛni woo mu, diɛ di lonnii wɛlila kɛ,