Taitɔ 2:2 - Yálá laawoo hɛɓɛ (dc)

² Mo hulɔgoloɠaa diɛ, di kɛ a di yee pɛliɛ di koolon ma, di mąąnwumɛ̨ɛ̨, di yee pɛliɛ di kpɔwɔ ɓa mɛ̨nį kəlee hu, laa na laa mąąhəɠɛɛ ə ɓo di yəi, wɛlikɛmąąlaa hu, da kąną mąą laa hu.

Yálá laawoo hɛɓɛ

² Mo hulɔgoloɠaa diɛ, di kɛ a di yee pɛliɛ di koolon ma, di mąąnwumɛ̨ɛ̨, di yee pɛliɛ di kpɔwɔ ɓa mɛ̨nį kəlee hu, laa na laa mąąhəɠɛɛ ə ɓo di yəi, wɛlikɛmąąlaa hu, da kąną mąą laa hu.

Bible

² Núu pɔlɔ-ŋai dí díkpîŋ su soŋ, dí kɛ́ a mɛni-soŋ-ƃela a gbanaŋɔɔ, díkili é kɛ́ díyêei. Dí kɛ́ a tɔ̃yâ-ƃela laa-la su, wɛli-kɛ-maa su, da fɔlɔ-fɔlɔ su.

Taitɔ 2:2 Iomraidhean Croise

Zôo 12:12

Kili mɛ̨nį kaa a nu kpɛa kpɛa di wɔɔ, mɛ̨nį kɔ́lɔn gili ə ɓo a di wɔɔ.

Mąątɛ̨nɛ̨ 92:14

Ɉinŋąąi mɔ̨ɔ̨ Yai-Laa yəi bɛlɛ́n, yɛ kɛnɛ̨ gu wɔ Yálái yəi gwəlii.

Hanwon 16:31

Nwun bowa kaa a mąąwiɛ ɓɔlɔ, nu a ɉɔlɔɓo tələnmo pələ mɛ̨i.

Azaya 65:20

Lon dala hvo kɛa pai haai laa, a yii kuu hveelɛ yee mu lon, ə mą kɛ hulɔgolo, yii hvo nwɔ yɛnɛ̨ɛ̨ laa hvɛɛ li, nui a haa a nwɔ kwɛlan nwundɔ̨nɔ̨, a kɛ tii, aa haa ɉilənon gɔlɔi, ɛlɛɛ, nɛ̨ŋɛ̨n mun a kwɛlan nwun dɔ̨nɔ̨ hɔlɔɓo, da gaa a nɛ̨ŋɛ̨n naa mun.

Levetekɔ 19:32

«Heei tɛɛ nwun bowa nąmu pɔ, pɔlɔlaa mąąwiɛ; bələ ɓə ya ɲɔw la ə́ wɔ Yálái ɓa. Ɲą́ą́ ɓə gáá a Yai-Laa.

Markə 5:15

Nuą tii pa, di həli Jesus ɓa, nui tii ɲinɛ̨nŋąą di kɛ bulu, di gaa heeni, həɠə yɛ ɓo gwaną, kili lɛlɛɛ yɛ ɓo mą, ɲɛ̨i laɠiɛ. Nuą tii kəlee di ɲɔ̨w.

Lukə 8:35

Nuą di pa, əgɛ, mɛ̨nįi tii kɛ laa, di gaa. Di pa di həli Jesus ɓa, ɉulɔnui ŋɛ̨i ɲį́nɛ̨nŋąa di kɛ bului, di gaa hee ni Jesus kɔ́wɔ mu, gɔlɔi ponoɔ̨ kɛa, həɠə yɛ ɓo gwąną, ə lɛɛ, ɲɛ̨i laa tiɛɛ kɛa a nɛlɛɛ. Nuą tii kəlee kwəi ə pili diɛ.

Gɛlaɠaa 24:25

Kɛlaa, yii kɛa nono woo ə hvilɛn, tələnmo yíí ɓa, da nu kpɔwɔ huhon mɛ̨nį, ɛlɛɛ, gitii gaa nuą tɔwɔ; Felisə ə ɲɔw, yɛ mą: «'Li kɛa, gáá pai ə́ təlii a yələ takpɛli.»

Lomaŋ 12:3

Mɛ̨inɛ̨ɛ̨i Yálá aa gɛ mą́ą́ ɉaalai ɓə gɛi, gɛ́ kɛ káá: 'Ká hvo ka kpɔwɔ hviala ɓo, kiliŋąhiɛ lɛlɛɛ ə kɛ kaa. Laa na laai Yálá aa dɛɛ ka pɔ, nu kəlee ə gbɔwɔ kaa yili hu.

Korɛntə dɔlɔɔ 15:34

'Ká pənə ká hvilɛn tɛ̨ą pələ mɛ̨i, 'ká hvo nɛ̨ŋɛ̨n ɉəɠɛɛ. Gbala ə tɔɔ, ká taɠaa di hvo Yálá kɔlɔn, gáá yili ɓoi a ká nwumɛ̨ mɛ̨nį.

Korɛntə dɔlɔɔ 9:25

Pə́lə́ lɔpee gəlee kɛ nuą da tɔn naa di kpɔwɔ ɓa. Kɛlaa di wɛi, hɛn yii a kala, ya ɓə da mąą gilɛ həɠə, gu wɛi, gaa a yii hva kala.

Korɛntə veelɛ 5:13

Akɛ ɓowo hvaa ɓə ku mo, ku mo Yálá ɓa. Kɛlaa, akɛ kilimąą woo ɓə, akɛtii, ká mąą mɛ̨nį ɓə.

Galatə 5:23

lii nɛ̨ɛ̨ gwəilaa, nu yee pɛliɛɛ gbɔwɔ ɓa, mɛ̨nįɠaai ti nwɛi, tɔ́n və tɔɔ li da ɓa.

Filipə 4:8

Yili ɓa, ną́n nonnii, mɛ̨nįi lɔpee a tɛ̨ą, a kaa-lon-naa, ɉaŋąą, bɛliɛ ɉu, nu yɛ pɛli nwɛli la kɛi, diɛ mąąwiɛ, yii kpɔ mɛlɛ kaa mą, yii kpɔ mąątɛ̨nɛ̨ kaa mą, 'ká yili kəlee kɛ, a ká nwɔɔ mąątíi.

Tɛsalonikə dɔlɔɔ 5:6

Yili ɓa, ká gu hvo yíi yɛ nu takpɛliɠaa, kɛlaa, 'ká gu kɛ a gu ɲɛ̨i, gu kɛ gili-gili.

Tɛsalonikə dɔlɔɔ 5:8

kɛlaa, guɔi a yələɓɔɔ lonnii, 'ká gu kɛ gili-gili, 'ká gu gu kəɠə-mɛ̨i-həɠə too, yai a laa na laa, da wɛlikɛmąą laa, ɛlɛɛ, ɓalo mɛ̨nį ŋą kilitɔɔmąą laa ə kɛ a mɔlɔ.

Timote dɔlɔɔ 1:10

wɛlikɛ nuą, nuąi da laa a di keeni, luwɔ lɔwɔtɔɔ nuą, lɛɛ kɛ nuą, nuąi da di kwɛla a lɛɛ, da nuąi kpɔ da kɔ pɛlɛ laa na laa mąąhəɠɛɛ ɓa, diɛ ɓə tɔn ɉeɛi di mɛ̨i.

Timote dɔlɔɔ 1:14

A tɛ̨ą, gu Ną́mu ŋą ɲɛ̨́imąąwɛlikaa tii, hu ə kɛnɛ̨ bɔ́ pələ, ə mą kɛ, laa na laa da wɛlikɛmąąlaai gaa gu Jesus Kristə hu.

Timote dɔlɔɔ 1:2

Ɲą́ą́ ɓə ɉɛɓɛ́i ŋɛ̨i tɛɛi Timote ɓa, yai nwɛ́likɛmąą lon gbɔɔ-kpɔ laa na laa hu, gɛ́, mɛ̨inɛ̨ɛ̨, ɲɛ̨imąąwɛli kaa liilaa, ə həɠə, gu Nąn Yálá da gu Ną́mu Jesus Kristə di yəi di kɛ ə́ pɔ.

Timote dɔlɔɔ 1:5

Diɓoi ti ŋį́ dɛɛ ə́ pɔ, nwun gaa mą, ya ɓaa a wɛlikɛmąąlaai a kulɔ lii lɛlɛɛ hu, kili lɛlɛɛ hu, da laa na laa kpɔ-kpɔ.

Timote dɔlɔɔ 3:11

Nɛ̨ąąi da kɛ a gbɔn ɉu mɛ̨nįɠaa ɲɛ̨i kulɔ nɛ̨ąą diɛ kpɛlimąn, mąąnɛ̨ɛ̨i di kɛ a nu mąąwiaɠaa, di hvo kɛ a laa pələɓo kɛ nuą, di ɲąąlaa, diɛ kulɔ di woo ɓa mɛ̨nį kəlee hu.

Timote dɔlɔɔ 3:2

Kɛlaa hvo kɛli, gbɔn ɲɛ̨itɔwɔ mun, ə kɛ a nui hɔn və mą, ə ɓo a nɛ̨ą tanɔ̨n nąmu, ɲąąlaa, ɲee pɛliɛ gbɔwɔ ɓa, yɛ gbɔwɔ hon a nɛlɛɛ, ɲɛ̨i ponoɔ, yɛ pɛli nuą mąąkwɛlii,

Timote dɔlɔɔ 3:4

Ə kɛ a pɛlɛ́ nąmu lɛlɛɛ, ɲee pɛliɛ nonnii diɛ, di ɓo nwoo mu, nwumɛ̨ mąą laa hu.

Timote dɔlɔɔ 3:8

Gbɔn ɉu mɛ̨nį ɲɛ̨i kulɔ nuą diɛ kpɛli, mąąnɛ̨ɛ̨ di kɛ a nu mąąwiaɠaa, diɛ kulɔ di woo ɓa, di hvo di kpɔwɔ tɛɛ lɔɔ pɔ, ə mą kɛ, nwumɛ̨ hɛn gwɛliɛ.

Timote dɔlɔɔ 5:1

'Hvó haŋąn nu pɔlɔ-pɔlɔ ɓa a nwumɛ̨ pələ, kɛlaa, pələ ɓo mą, yɛ ə́ nąn. Nu nwunuɠaa hon bələ kɛ yɛ ə́ nąn nonnii.

Taitɔ 1:13

Yan, mɛ̨nįi ti ə mo, gaa a tɛ̨ą. Yili ɓə gaa mą, 'haŋąn diɛ kpɔ a nwalawlaa, əgɛ, di wɔɔ laa na laa mąą ə həɠə.

Taitɔ 1:8

Mąąnɛ̨ɛ̨i ə kɛ a, nui ɲɛ̨i ponoɔ nu kəlee tɔwɔ, mɛ̨nį lɛlɛɛ wɛli ə ɓo mą, ɲee pɛliɛ gbɔwɔ ɓa mɛ̨nį kəlee hu, ɉaŋąą, mąąhəɠɛɛ, bɛliɛ gbɔwɔ mu,

Taitɔ 2:7

Yɛ́ kpinįi ə́ kpɔwɔ lɛ ə́ túwɔ́ pələ hu, a kɔɔmąą lɛlɛɛ, kalan gɛ pələ mąąhəɠɛɛ hu, ə́ ɲąąlaa,

Filemɔn 1:9

Yii viɛlaɓoɔ ɲɛ̨́i ɓa ya ɓaa: ŋą́ Onesimə mąą liɛwoo kɛ yɛ́, yɛ bələi ɲą́ą́ Polə gáá la a hulɔgolo, gɛ́ ɓo gaho ŋą Jesus Kristə laa mąą mɛ̨nį ɓa.

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.

Piɛrə dɔlɔɔ 4:7

Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

Piɛrə dɔlɔɔ 5:8

'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.

Piɛrə veelɛ 1:6

ka ka hvaŋąlɔ ka kpɔɔhon naa pɛlɛ ka wɔ mɛ̨nį kɔ́lɔn ŋąą ɓa, ka liikpələ pɛlɛ ka wɔ kpɔɔhon naa ɓa, ka Yálá kɔ́lɔn ŋąą pɛlɛ ka wɔ liikpələ ɓa;