Taitɔ 2:10 - Yálá laawoo hɛɓɛ (dc)

¹⁰ di hvo nwuɔ̨ kɛ diɛ. Di gɛ pələ kwɛli mą, diɛ kulɔ di woo ɓa da diɛni di lɔwai, bələ ɓə da pɛli di ɓáálɔ la gu ɓalo Yálá mąą mɛ̨nį ɓa.

Yálá laawoo hɛɓɛ

¹⁰ di hvo nwuɔ̨ kɛ diɛ. Di gɛ pələ kwɛli mą, diɛ kulɔ di woo ɓa da diɛni di lɔwai, bələ ɓə da pɛli di ɓáálɔ la gu ɓalo Yálá mąą mɛ̨nį ɓa.

Bible

¹⁰ kpaa máŋ, dífe kɛ̀ a wôya-sɛŋ siɣe-ƃela. Kɛ́lɛ, fɛ̂ɛ dí díkpîŋ lɛ́ pere-sii kélee su a gɛɛ díkaa a tɔ̃yâ-ƃela sãa-ŋa, a gɛɛ dí Kúƃalo-nuui Ɣâla ŋɔsɛŋ-lɛɛi maa ɣíri mɛni-sii kélee su.

Taitɔ 2:10 Iomraidhean Croise

Mąątɛ̨nɛ̨ 101:6

Nɔi lonnii kpɔ nu a pɛli laai di la, gáá pai ɲɛ̨́i lɛlɛɛ heei diɛ, diɛ pɛli heei gwɛ́lɛ. Nui mąąkulɔ hvo dúwɔ́ pələ ɓa, ya ɓə pai kɛi a nwɔ́ kalanɉon gɛ̨nɛ̨mun.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Maafîu 24:45

«Kólo kɛmun nɛlɛ ɓə dəlimoɔ, kili yɛ ɓo mą? Ya ɓaa yii nwɔ mɛ̨nį nąmu a kɛ mą: Ə́ ɲɛ̨i kɛ ə́ ɓɛlaa diɛ yɛ kɔ̨nɔ̨n dɛɛ di pɔ a dɛɛi lɔwai.

Maafîu 5:16

Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Lukə 1:47

Gwə́inɛ̨ɛ̨i nwún mąąɓomun Yálá nwɔ mɛ̨inɛ̨ɛ̨ mąą mɛ̨nį ɓa

Lukə 1:80

Nokoloi tii ə kɛi kɛnɛ̨, ə lɛɛ, kili yɛ ɓo mą kpɔ kɛnɛ̨, ɉu yɛ walawala. Ə lɛɛ ɲɛa lɔi pun ɉu, ə lɛɛ la ɉu hvo kɛli volói mąąnɛ̨ɛ̨ kɛ ə gbɔwɔ lɛ la Israɛlə nu huwu ɓa, ɲələ ə ɉəli.

Lukə 16:10

Nui a tələnmolaa kɛ mɛ̨nį logolo hu, a pɛli tələnmolaa kɛi mɛ̨nį kɛnɛ̨ hu. Nui a hulu kɛ mɛ̨nį logolo hu, a hulu kɛ lɔ nwɔ̨nɔ̨ gɛnɛ̨ hu.

Ɉaan 12:6

Yee hvowolo nuą mąą liihɛlɛn hvo kɛ mą, yɛ yili ɓo. Ə kɛi mo tii mąąhɔlɔɓo, nwuąi kɛ, ɛlɛɛ, ya ɓa nwali ɓíi ə kɛ ɲəi; yii nwɔ̨nɔ̨ kɛi hɔlɔɓo, yɛ ɲee mąą laa yɛ ɉəɠə.

Korɛntə dɔlɔɔ 4:2

Yaan, yii da ɉuhvɛli hɛn mɛ̨ikaamun ma, ya ɓaa, ə kɛ a dələnmoɔ.

Ifisiɛŋ 4:1

Gáá kani ká mąąnɛ̨ɛ̨i, gu Nąmu nwɛi hu, ɲą́ą́ ŋɛ̨i gaho ŋą, gɛ́, ká ká wɔɔ yɛnɛ̨ɛ̨ kɛ, a dəliɓo wooi too ká wəlii, mąą hon bələ;

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Filipə 4:8

Yili ɓa, ną́n nonnii, mɛ̨nįi lɔpee a tɛ̨ą, a kaa-lon-naa, ɉaŋąą, bɛliɛ ɉu, nu yɛ pɛli nwɛli la kɛi, diɛ mąąwiɛ, yii kpɔ mɛlɛ kaa mą, yii kpɔ mąątɛ̨nɛ̨ kaa mą, 'ká yili kəlee kɛ, a ká nwɔɔ mąątíi.

Timote dɔlɔɔ 1:1

Polə, Jesus Kristə ŋą kɛla, yɛ bələi gu nwun mąąɓomun Yálá ə dí la, da Jesus Kristə yai a gu wɔ kilitɔɔi.

Timote dɔlɔɔ 5:17

Nu pɔlɔɠaai da di wɔɔ mąą tíi kɛ a nɛlɛɛ, di mąąnɛ̨ɛ̨i, di di hvɛla kulɔ gee hu hveelɛ, gəlee ə mą kɛ, diɛi da tɔɔ a di nwąnąi Yálá laa woo laa həli mɛ̨nį ɓa, ɛlɛɛ, diɛ nuą mąąkwɛli mą.

Timote dɔlɔɔ 6:1

Nuąi kpɔ di kaa luwɔlaa ŋą kpono hu, di mąąnɛ̨ɛ̨i di di nąmįną mąąwiɛ, yili ɓə a gɛ, Yálá laa hva kala, ɛlɛɛ, da kalan mɛ̨nį.

Timote dɔlɔɔ 6:3

Nu ta a kɛi nuą mąąkwɛli a kalan bələ takpɛli, awala kɛ a gąnąnŋąą gu Nąmu Jesus Kristə woo huhəɠəənŋąąi ɓa, ɛlɛɛ, da túwɔ́ pələ yii a galan bələ mąą hon,

Taitɔ 1:3

a yai, guui ə ɉee, ɲələ ə ɉəli lɔ, ə nwoo too pono ɲą, wɛlɛɛ woo hu, yai di galihvaɓo mą́ą́, yɛ bələi gu ɓalo Yálá ə kɛ la bɔ,

Taitɔ 3:4

Kɛlaa, yii kɛa gu ɓalo-Yálá ŋą liinɛ̨ɛ̨ gwəi laa nu kanŋaa pɔ, da ŋą wɛlikɛmąą laa ə too pono ɲą,

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Piɛrə dɔlɔɔ 3:16

Kɛlaa, 'ká gɛ mąąwiɛlaa hu, da liinɛ̨ɛ̨ gwəi laa, əgɛ, nuą daa kɛi ká wɔɔ tuwɔ pələ lɛlɛ laa bələ ɓo Kristə hu, mɛ̨nįi da kɛ ká laa mąą hiɛi ɉu, ká laa mąą hiɛ nuą tii, di nwumɛ̨.

Zɔ̂ŋ Veerɛi 1:9

Nui lɔpee a mąą kwea mą ɛlɛɛ, hvo lɛɛ li Kristə ŋą laa na pələi mɛ̨i, akɛ tii, Yálá nwɛi ta hvə li. Nui a lɛɛ laa na pələ mɛ̨i, kɛ tii aa, Nąn da Non di hɔlɔɓo.

Samuɛlə dɔlɔɔ 22:14

Ahimelɛkə ə tɔɔmun nwoo pulu pənə yɛ mą: «Ə́ wɔ tínuą lɔwai, nu ta kaa laa yii ya pɛli ə́ kilitɔɔi mą, yɛ həli Davidə pɔ? Davidə kaa a tɔɔmun mɔlɔ, ya ɓə a ə́ kpįnį mąą kpɛ, diɛ mąąwiɛ ə́ yəi bɛlɛ́n.

Samuɛlə dɔlɔɔ 26:23

Yai-Laa kaa pai nu kəlee hvɛla kulɔi yɛ bələi dúwɔ́ pələ kaa la. Yai-Laa aa kɛ ə́ lɔ ɲéé ŋą háákələi, kɛlaa, və́ gɛ li və́ ɲéé pɛlɛ nui Yai-Laa aa dɔɔ wulɔ hiɛ mą.