Taitɔ 1:16 - Yálá laawoo hɛɓɛ (dc)

¹⁶ Da kɛ diɛ di Yálá kɔ́lɔn, kɛlaa, di túwɔ́ pələ yɛ ɓo a dakpɛli. Di ɓɛlɛkpɛɛ diɛ, di kalapiliɛ, di hva pɛli mɛ̨nį lɛlɛɛ lɔpee ta kɛi.

Yálá laawoo hɛɓɛ

¹⁶ Da kɛ diɛ di Yálá kɔ́lɔn, kɛlaa, di túwɔ́ pələ yɛ ɓo a dakpɛli. Di ɓɛlɛkpɛɛ diɛ, di kalapiliɛ, di hva pɛli mɛ̨nį lɛlɛɛ lɔpee ta kɛi.

Bible

¹⁶ Da díkpîŋ lɛ̀ a gɛɛ dí Ɣâla kɔ́lɔŋ, kɛ́lɛ, da m̀aa-sia tòo dítûa-perei su. Nûa dífe díkɛ-naai wɛ̂li ní. Dífe a woo-mɛni-ƃela dífa pɔ̂ri mɛni lɛ́lɛɛ-sii kélee da kɛ̂i.

Taitɔ 1:16 Iomraidhean Croise

Zôo 15:16

Gu hvo mu kɛ yɛ́i ŋɛ̨i a mąą liɓi mun, ə́ kwə́i kili ɲɔ̨nwɔ̨ɔ̨, yɛ́ mɛ̨nį ɲɔ̨n gbələ, yɛ nu a kɛi ya kpələ.

Hanwon 30:12

Nu taɠaa kaa laa, da di kpɔwɔ kaa a di mąąhəɠɛɛ di kpɔwɔ ɲɛ̨i ɓa, yá pa, diɛ ɓo mąąliɓilaa hu.

Azaya 29:13

Mɛ̨nįi Nąmu ə mo nu huwui ŋɛ̨i laa mɛ̨i ya ka, yɛ diɛ: Nu huwui ŋɛ̨i a mą́ą́wiɛ lɔ a naaləi, Kɛlaa, di nįį hu pələ mąąkwɛai mą́ą́; ɲɔw mąą laai gaa di hu mą́ą́ mɛ̨nį ɓa, gaa lɔ a nu mɛ̨nį, gaa a mɛ̨nįi daa di mąąkwɛli mą.

Azaya 48:1

'Ka ka wəli tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i mu nuą, kaa Israɛlə laa kaa kaa, kaai kulɔ Ɉuda huwu hu, kaai ka ka kwɛla a Yai-Laa laa, kaa Israɛlə nwɔ Yálái hvɛli kɛlɛ kɛlɛ, Kɛlaa, hva kɛ tələnmolaa hu da tɛ̨ą mɛ̨nį.

Azaya 58:2

Ɲą́ą́ ɓə da di nwun dɔɔ a ɲą́ą́ hvóló kəlee, nwɔ́ pələɠaai kɔ́lɔn mɛ̨nį ə ɓo a di liiɓa, yɛ nu huwui aa tələnmo yiiɓo, ɛlɛɛ hvo kulɔ li nwɔ Yálái nwɔ tɔ́n nwooi pulu. Di kaa bɔ ŋį́ kiti tee a tələnmolaa, di mąąlɛɠɛ mɛ̨nį Yálá ɓa ə ɓo a di kwəinɛ̨ɛ̨ mɛ̨nį.

Azaya 59:13

Diɛ ɓaa: Ku nwun dɛ mɛ̨nį Yai-Laa pɔ, kuɔ lənə mą, ku pulu tínɛ̨n mɛ̨nį kuɔ Yálái ɓa a ɉukwɛaa, toomɛ̨i da nwuɔ̨-mɛ̨ni mąą kili tee mɛ̨nį ku kwəi, kuɔ lɛɛ mɛ̨nį mąą kiliŋąhiɛ kɛ, ɛlɛɛ kuɔ mo.

Ɉeremi 12:2

Yá di kɔ́wɔ hvilɛn, di hamu yɛ lɔ nɔi mu; diɛ ɓa a damąą, ɛlɛɛ yaan, ə́ mąą mɛ̨nį kaa lɔ di laaləi; Kɛlaa hvo di nii hu;

Ɉeremi 5:2

Nuą di mą kɛ di kwɛlai diɛ kɛ: «Kpɔ Yai-Laa laa hu.» Daa di kwɛla a lɛɛ.

Ɉeremi 6:30

Di kaa pai kɛi nuą tii laa ɓaa: «Walə kwɛli yii mɛlɛ hvo mą.» Yai-Laa hvó di pɔ. Gwɛli gbo hvo gɛi hvo kulɔ mą.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Lonon mo 24:16

nui a Yálá wooɠaa mɛ̨n, nui Hɛn Gəlee mɛ̨i Mun nwɔ Kilii kaa mɛ̨i. Nui Huwalawala Kəlee Nąmu a mɛ̨nį lɛ mą, yɛ gaa hįį hu pələ, ɛlɛɛ ɲɛ̨i kɔ́w yɛ mɛ̨nį mąąkpɛɛ, nwoo ka.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Ifisiɛŋ 5:6

Nu ta hvo ka ɓowo a ká kili ɲąą pɛlɛ wooɠaa, yili kəlee ɓə a pa a Yálá ŋą liiholui, nuąi da di nwun gulɔ ɲee mu di mɛ̨i.

Timote dɔlɔɔ 1:9

'Ká gu mɛ̨nįi ŋɛ̨i ɲąą kaa kpɔ tai a neelee: Dɔn hvə tɔɔ li tələnmomun mąą mɛ̨nį ɓa, kɛlaa gaa a, kulɔ nwoo mu laa kɛ nuą da kwɛitee nua, nu ɲɔ̨nwɔ̨ɔ̨ɠaa da nɛ̨ŋɛ̨n ɉəɠə nuą, nuąi di hva Yálá ɓɛlɛlɔ, ə mą kɛ, hɛn kpɔ Yálá laa kaa mą, nuąi da di nąnni paa, da di leeni, nu paa nuą;

Timote dɔlɔɔ 5:8

Akɛ nu a wala ŋą nuą mąąkpɔnmąą ɓo, gəlee ə mą gɛ, ɲəi bɛlɛ́n nuą, a kɛ ti, aa lənə laa na laa ɓa, mąą nui nwɛi ɲɔ̨nwɔ̨ɔ̨i dɛɛ háli pulumun ma.

Timote veelɛ 3:17

ə gɛ Yálá nwɔ nu, ə mɛ̨nį lɛlɛɛ huwu kəlee kɛi.

Taitɔ 3:1

Gili too nu kəlee ɲą, yɛ́ diɛ: mąąnɛ̨ɛ̨i di lɛɛ nwun nąmįną, da ɲąąwooɓo kɛ nuą kəlee woo mu, di di kpɔwɔ mąąyɛɛ, di hɛ̨ąyiliɛ mɛ̨nį lɛlɛɛ kəlee kɛ mɛ̨nį ɓa.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Zɔ̂ŋ Maa-ŋuŋ 2:4

Nui a kɛ mą: ŋą́ gɔlɔn, kɛlaa, hva Yálá nwɔ tíɓoɠaai pɔ mɛ̨nį kɛ, lɛɛmun ni, ɛlɛɛ, tɛ̨ą heei hvo ɉu.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

M̀ɛni-lɛɛi 21:27

Mɛ̨nį kɔhɔɓoɔ da lɛɛ, di ha lɛɛ nu ta yee pɔ hvo lɔ la laa, kɛlaa, hvo kɛli lɔ nuąi di laa pɛ̨ɛ̨ kaa mɛlaa lon ŋą yɛnɛ̨ɛ̨ kɛ hɛɓɛ́ hu, diɛ ɓə da lɔ laa.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.

Samuɛlə dɔlɔɔ 15:24

Saulə yɛ Samuɛlə ɓa: «Ŋą́ą́ nɛ̨ŋɛ̨n ɉəɠə, ŋą́ą́ kulɔ Yai-Laa woo mu, ŋą́ą́ ə́ woo pili. Ɲɔw ɓə ŋą́ kɛi mo nuą diɛ, gɛ́ hvaa di woo ɓa.