Sofoni 2:4 - Yálá laawoo hɛɓɛ (dc)

⁴ Gaza kaa pai lɛɛi a lɔi pun, Askelɔn hu kaa pai kalai, Asdɔdə nuą kaa həɠəi di heei a hvóló ŋą ɉə-ɉə, ɛlɛɛ, diɛ pa Ɛkrɔn nuą pɔ taai.

Yálá laawoo hɛɓɛ

⁴ Gaza kaa pai lɛɛi a lɔi pun, Askelɔn hu kaa pai kalai, Asdɔdə nuą kaa həɠəi di heei a hvóló ŋą ɉə-ɉə, ɛlɛɛ, diɛ pa Ɛkrɔn nuą pɔ taai.

Bible

⁴ Geza taa-leei a pâi lɛɛ̂i a vólo, Asikɛlɔŋ taa-leei é lɛ́ɛ kpɛ́ni-kpɛni. Da pâi Asɔdɔ-ŋai yée mɛi ɣâlei a fólo tɛ́ɛ ŋuŋ ma tãi, dí Ɛkulɔŋ-taai wólo. Da pâi ǹaa su karâi núu tɔnɔ kpîŋ fé pâi lɛ̂ɛi naa.

Sofoni 2:4 Iomraidhean Croise

Mąątɛ̨nɛ̨ 91:6

yɛi kɛ a lɔi wolo ɲɔ̨n a pa a kpinį, ə mą kɛ, a mɛ̨nį ɲąąnwąnąąi a kɛɛ kala a hvóló haŋąą.

Azaya 14:29

Filisti lɔi pilɛɛ gee mɛ̨i, 'hvó tɔɔ yɛ́ kɛ ə́ kaa kwəinɛ̨ɛ̨ kulɔi, gbɔn kɛi ə́ kɛlɛ, ɉuyali mɛ̨nį ɓa, mąąhɔlɔɓo, tumo kaa pai kulɔi kaalə kpuwɔ hu, gbaatow-gbono kaa pai kulɔi tumo hu yɛ koon.

Ɉeremi 15:8

Ŋą́ galanin damą di lɔwai, dɛɛ gboloyá kwɛlɛ ɲɛa kɔ́w ɓa. Ŋą́ lɔi kalamun dɔɔ, kɔ́kuláá laŋaaɠaa di tɔɔ di leeni mɛ̨i, a hvoló ŋą ɉə-ɉə; ŋį́ ɲɔw yɛɛ a di nwun di tɛɠii pələ, yɛ di hu pu diɛ.

Ɉeremi 25:20

Voló tooi pələ kəlee, Usə lɔi dɔɔɓɛlaa kəlee, Filisti tɔɔɓɛlaa kəlee: Askelɔn, Gaza, Ɛkrɔn da nu kpəlii aa lɛɛ Asdɔdə;

Ɉeremi 6:4

'Ka ka hą́ą́ yili kɔ́ kɔ́ mɛ̨nį ɓa! 'Ka ka muhəɠə! 'Ka ɲili ŋą 'Ka li gɔ́ mɛ̨i a hvoló ŋą ɉə́ ɉə́! 'Ku nwun napiliɛ li! Hvóló mąą kaa laai! Pɛlɛ kɔ́n nįnįn yɛ kwɛa.