Sofoni 2:3 - Yálá laawoo hɛɓɛ (dc)

³ Kaai kpɔwɔmąą yɛɛ laa kaa ka yəi nɔi, kaa Yai-Laa woo hon, 'ka Yai-Laa ɲɛ̨ilaa kwɛli, gbəli hu kiɛ, gaa pai ka ɲɛ̨imąąwɛli kaai, a Yai-Laa nwɔ liiɲąnwąną hvólói.

Yálá laawoo hɛɓɛ

³ Kaai kpɔwɔmąą yɛɛ laa kaa ka yəi nɔi, kaa Yai-Laa woo hon, 'ka Yai-Laa ɲɛ̨ilaa kwɛli, gbəli hu kiɛ, gaa pai ka ɲɛ̨imąąwɛli kaai, a Yai-Laa nwɔ liiɲąnwąną hvólói.

Bible

³ Ka tínaŋ Yâwɛɛ pɔ́ káai kálii maa yeŋɔɔ̂i ǹɔii sui, káai kà ŋɔtɔ̂ŋ mɛi kâai, ká mɛni sãa kɛ́. Ka ká maa yéŋ Yâwɛɛ ŋɛ́i-tuɛ tãi da ka pɔ̂ri kɛ̂i a káloɔɔ a Yâwɛɛ ŋɔlii-ŋwâna ɣelei.

Sofoni 2:3 Iomraidhean Croise

Samia Veerɛi 12:22

Davidə yɛ diɛ: «Ɓɛlɔwai nokoloi tii ə kɛ la a vulú, ŋą́ hin nɔ, gɛ́ wɔlɔ mąąhɔlɔɓo, ŋą́ kɛi kɛ diɛ: ‹Gbəli hu kiɛ Yai-Laa kaa pai ɲɛ̨́i mąąwɛli kaai nokoloi ə lɛɛ yɛnɛ̨ɛ̨!›

Mąątɛ̨nɛ̨ 105:4

'Ka Yai-Laa kwɛli, da ŋą huwalawalai 'ka ɲɛ̨ilain gwɛli a hvąŋąlɔ.

Mąątɛ̨nɛ̨ 149:4

Mąąhɔlɔɓo Yai-Laa a tɔɔ nwɔ nuąi pulu, nuąi hvaŋą hvo di yəi, a kɔ́ nɛ̨ɛ̨ diɛ.

Mąątɛ̨nɛ̨ 22:26

Yɛ́ ɓə ŋą́ ə́ tɛ̨nɛ̨, ɲąąkpɔn gbɛa-kpɛa hu! Mɛ̨nįɠaai ŋą́ di laakwɛlanmo, ŋą́ di kɛ ə́ ɲɔwmąą nuą ɲɛ̨i ɓa.

Mąątɛ̨nɛ̨ 31:20

Mɛ̨inɛ̨ɛ̨ɠaai yáá ɉee ə́ ɲɔw nuą tɔwɔ, gɛnɛ̨i nuąi da di mąąkilɛ ə́ pɔ pələ, diɛ ɓə yá gɛ diɛ, nu kəlee ɲɛ̨i ɓa.

Mąątɛ̨nɛ̨ 45:4

Ee kə! Kuláá kpəɠɛ! 'Kɔ-kɔ-ɓɔwa kpulɔn ə́ ləŋəi, ə́ mąąɲinɛ̨n ni, ə́ ɲɛ̨i pɔ̨nɔ̨ hɛn ni.

Mąątɛ̨nɛ̨ 57:1

Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ; a ɓɛlɔwai ə kɛi pu la Saulə tɔwɔ.

Mąątɛ̨nɛ̨ 76:9

Yá lɛɛ yələ kɔ́lɔn ɉu, ə́ giti tee, lɔi ə ɲɔw, ə tɔɔ kpɔ kpɛ-kpɛ.

Mąątɛ̨nɛ̨ 91:1

Ɓɛi Hɛn Gəlee Mɛ̨imun Yálá a noo laa, nui a hee laa, mąą nu a yíi Huwalawala Kəlee Nąmu hvaŋą mu.

Lɛɛ gbɔwɔ ɓa 12:27

Ka kɛ diɛ: ‹Yai-Laa nwɔ pakə haláá li, yai ku gulɔ mą, ɓɛlɔwai ə kɛi Eziptə nuą kɛlɛ la, yɛ Israɛlə nwɔ pɛ́lɛ́i nwun mąąɓo.›» Israɛlə lonnii kəlee di pɛlɛ nɔi ɓa, di kwɛli hvilɛn.

Hanwon 18:10

Yai-Laa laa kaa a nu mąąkpɛɛ hįi. Nu haŋąą a noo ɉu, mɛ̨nį ta hva ɉɔlɔɓo.

Azaya 1:17

'Ka mɛ̨nį lɛlɛɛ kɛɛ mąąkwɛli, 'ka ka kwəi kwələ, 'ka heemɛ̨i laa kulɔ ka lɔwai, 'ka təlilon ɉon a kwəi kwələ laa, 'ka kalanin dɔɔ bulu kɛ.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Ɉeremi 39:18

Hɛa hvo ɉu, gáá pai ə́ nwun mąąɓoi, ɓɔwa kwɛa hvo pai ə paai, ya ə́ kilitɔɔ mą́ą́, ə́ nwun gaa pai kulɔi ɉu. Yai-Laa woo li.›»

Ɉeremi 45:5

Mɛ̨nį kpɛa kpɛaɠaai mąą lii kaa ə́ kwəi, ə́ kili həɠə laa, gáá mɛ̨nį nwąnąą laai nu kəlee ɓa. Kɛlaa, ə́ wɛi, gáá ə́ wɔ yɛnɛ̨ɛ̨ laahɔn moi nɛ̨kpɛlɛɛ ɓɛi lɔpee yá li laa.›»

Izikiɛ 13:5

Ká hvo pɛli li ɉį́i wolo ɓa kpɛli ɔi, ká hvo hįį tɔɔ li Israɛlə nwɔ pɛlɛ́i ɓa, yɛ pɛli tɔɔi la gɔ́ tɔwɔ a Yai-Laa nwɔ hvólói?

Osia 10:12

'Ka tələnmo kɛɛ hin, kaa pɛli liinɛ̨ɛ̨ gwəi mɔ̨nin deei, 'ka tíi nįnɛ̨ kɛ, yiihu, mąąnɛ̨ɛ̨ ka Yai-Laa kwɛli, ə gɛ, ə pa ə tələnmo tulɔ pu ka mɛ̨i.

Osia 7:10

Israɛlə nwɔ kpɔwɔ ɲąąkɛnɛ̨ ɓə giti kala mą, Kɛlaa, di hvo pənəi di hvo pa Yai-Laa di wɔ Yálái pɔ pələ; mɛ̨nįɠaai tii di mą kɛ kɛi, di hvo di wɔ Yálái kwɛlii.

Zôna 3:9

Gbəli hu gwa gɛ tii, Yálá kaa pai gu ɲɛ̨imąąwɛli kaai, ə nwɔ liiɲąnwąną həɠə gu mɛ̨i, gu hvo pa haa.»

Zakari 8:19

Nwooi Yai-Laa Mɛ̨nį Kəlee ŋą Hééɓomun ə mo mą́ą́, ya ka, yɛ mą́ą́: Ɲąnin nąąn nąą nwɔ hin nɔ kuu, ɲąnin nɔɔli nąą nwɔ hin nɔ kuu, ɲąnin mɛ̨ihveelɛnąą nwɛi, da ɲąnin bow nąą nwɛi, gəlee kaa pai kɛi a Ɉuda nwɔ pɛlɛ́i mu nuą di wɔ kwəinɛ̨ɛ̨ kulɔ hvóló, di wɔ mąną kaa hvólóɠaa, da di wɔ hɛli pu hvólóɠaa. Kɛlaa, tɛ̨ą da liilaa, di wɛli ə kɛ kaa.

Maafîu 5:5

Nwun na nɛ̨ɛ̨ nuą ɓaa nuąi di wɔ mɛ̨nį lɛlɛɛ. Mąąhɔlɔɓo, mɛ̨nįi Yálá ə naakwɛlanmo nwɔ nuą diɛ, huwuɠaa diɛ, di ka pai ɉɔlɔɓoi!

Tɛsalonikə dɔlɔɔ 4:1

Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.

Tɛsalonikə dɔlɔɔ 4:10

ɛlɛɛ, ká kɛmun yili kɛi Kristalɛa kəlee diɛ Masedoanə nąą kəlee. Ną́n nonnii, ku kaa ká hvaŋąlɔi, kuɔ ká ká yee mąą tɛ ká ɉon nwɔ̨nɔ̨ a nįnɛ̨;

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Piɛrə dɔlɔɔ 3:4

kɛlaa, ə kɛ a liinɛ̨ɛ̨ gwəi laai noɔ ká hu pələ, yai a mąąyili hɛn hva kala, a lii lɛlɛɛ, a kpɔwɔ hu hon naa; yili ɓə mɛlɛ kaa mą Yálá ɲɛ̨i ɓa.

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!