Sofoni 1:6 - Yálá laawoo hɛɓɛ (dc)

⁶ Nuąi daa di pulu tɔɔ Yai-Laa ɓa, di hva gɛ di hvo ɲɛ̨ilaa kwɛli mɛ̨nį ta hu, di hva mąąnikɛ, Gáá gəlee nwun napilii.

Yálá laawoo hɛɓɛ

⁶ Nuąi daa di pulu tɔɔ Yai-Laa ɓa, di hva gɛ di hvo ɲɛ̨ilaa kwɛli mɛ̨nį ta hu, di hva mąąnikɛ, Gáá gəlee nwun napilii.

Bible

⁶ Ŋa pâi diai su-karâi da kûla ḿbôlui, da diai dífa ŋ́gɔ̀ri kpaa máŋ dí marê kɛ́ a gɛ́ɛ ŋá dímɛi kaai.”

Sofoni 1:6 Iomraidhean Croise

Samia Veerɛi 22:22

Mąąhɔlɔɓo, kpaaləi Yai-Laa ə kɛ yɛ ŋą́ hiɛ la, ya ɓə ŋą́ hiɛ laɉu. Və́ kɛ kulɔ li nwɔ́ Yálá woo mu.

Kɔlɔnikɔ Veerɛi 15:13

Ɛlɛɛ, nuąi lɔpee hvo pai gɛi hvo hvilɛn Yai-Laa Israɛlə nwɔ Yálái pului, da baa; ə kɛ a nu kɛnɛ̨, ə kɛ a lokolo. Ə kɛ a nɛ̨ɛ̨nu, ə kɛ a hulɔnu.

Mąątɛ̨nɛ̨ 10:4

Nu ɲɔ̨nwɔ̨ɔ̨ a tɛɠɛɓo Yálá hu, yɛ ɲąŋąɲąŋąlaa kulɔ la; hva kpɛli giliŋą hiɛ, a kɛ kɛi diɛ Yálá hvo laa; gwəi kili kəlee ka tii.

Mąątɛ̨nɛ̨ 125:5

Kɛlaa, nuąi daa həɠə bələ mɛ̨i, di hiɛ pələ kpɛli kpəlaanŋąąi, Yai-Laa ə di kpɛ, da mɛ̨nį ɲɔ̨n gɛ nuą; Liilaa ə kɛ Israɛlə mɛ̨i.

Mąątɛ̨nɛ̨ 36:3

Gaa gbɔwɔ ɲɛ̨i ɓa a nu kɛnɛ̨ɛ̨, hva pɛli ɉɔn gaai, yɛ həɠə bulu.

Azaya 1:4

Kpalo ɓɛlaa yɛ́, nɛ̨ŋɛ̨n ɉəɠə lɔi, a nwąnąlɔ nu huwui tii; a ɉįi túwɔ́ pələ ɲɔ̨nwɔ̨ɔ̨ ti; Ka mɛ̨nį ɲɔ̨n gɛ nuą lonnii ŋɛ̨i, kaa həɠə Yai-Laa pulu, kaa Israɛlə nwɔ Mąąhəɠəmun mɛlɛ too, kaa ka pulu tɔɔ mą.

Azaya 43:22

Ɉakɔbə, yili kulɔ ə́ wɔ kiliŋąhiɛ hu kpɔ tɛ̨ɛ̨ tɛ̨ɛ̨, yɛ́ hvəi də́li, ɛlɛɛ, Israɛlə, hvo kpɛli kpaan nɔpee da paa li, mą́ą́ mɛ̨nį hu.

Azaya 9:12

Bələ ɓə Yai-Laa ə nwɔ nuąi kɛlɛ la, bələi mąn ə kɛ la tii, di hvo pənə di hvo pa di nwɔ Yálái pɔ, yai a Yai-Laa Mɛ̨nį Kəlee ŋą Hééɓomun.

Azaya 9:13

Yili ɓə gɛ, Yai-Laa ə Israɛlə nwun dee da nwon, ə mɛ̨nį ɲąąnwąnąą laa diɛ a voló tɔ̨nɔ̨i tii.

Ɉeremi 10:25

Yai-Laa! Ə wɔ liiholi ɲąątɔɔ nuą tii di hvo ə́ kɔ́lɔn diɛ; a diɛi tii di hva ə́ təli a ə́ laa; gbalai tɔɔ di kaa Ɉakɔbə mįi. Di kaa ɉuwu kpɛɛi, diɛ nwɔ lɔi hukala.

Ɉeremi 15:6

Yai-Laa woo ka; yɛ diɛ: «Yá ɓə nɛ́ɛ́ laa, yɛ́ ə́ pulu tɔɔ mą́ą́; Ŋą́ ɲee kpuwulu kɛ yɛ́, ə́ hu kala mɛ̨nį ɓa. Vį́į́ aa kpɛɛ kɛa ə́ ɲɛ̨i mąą wɛli kaa mɛ̨nį ɓa.

Ɉeremi 2:13

Mąąhɔlɔɓo, nɛ̨ŋɛ̨n nwɔ́ nuą daa ɉəɠə gaa hveelɛ: Ɲą́ą́ ŋɛ̨i a tɛɛya nwun gulɔi, daa nɛ́ɛ́ laa; diɛ di kpɔ-kpɔɔ ya lɔwaɠaa tee, a lɔwa yii da dee ya hva tɛ ɉuə.

Ɉeremi 2:17

Israɛlə! Mɛ̨nįɠaa tii kaa laai yɛ́ lə mɛ̨nį ɓa? Kɛlɛi Yai-Laa ə́ wɔ Yálái lɛɛi ə́ mɔ laa, ɓɛlɔwai, ə kɛi ə́ tənən dɔɔ la bələ pɔ, yili ɓə gɛ-e?

Ɉeremi 3:10

Mɛ̨nįɠaa tii kəlee di mą kɛ, Ɉuda ŋɛ̨i hvo nwoo pulu, yaai a Israɛlə gaayɔwɔ, hvo pənə li hvo pa bɔ́ gwəi tɔ̨nɔ̨ mɛ̨i; yaamun, mɔ̨nɔ̨ ɓə ə kɛi naa mą́ą́. Ɲą́ą́ Yai-Laa nwoo li.

Izikiɛ 3:20

Tələnmomun a bulu tinɛ̨n ŋą tələnmolaa ɓa, yɛ hvulu mɛ̨nį kɛ, gáá pai gɛi ə kalin; gaa pai haai; gili ɲą pɔ̨nɔ̨i hvó pai moi, yili ɓə pai gɛi yɛ haa la a nwɔ nɛ̨ŋɛ̨nŋąąi, dələnmo yíi ə mo, di hvo kɛa pai di kili lɛɛi ɉu; kɛlaa, yɛ́ ɓə gáá pai ɲąmą wulu lɛɛi ə́ nwuɔ̨.

Osia 11:7

Nwɔ́ nu huwui, di yee kanąn ŋąą kpɔlɔ di wɔ hali mɛ̨nįi ɓa, di kaa di təlii diɛ kɛ di tɛ Hɛn Gəlee Nąmu pɔ, kɛlaa, di ta lɔpee hvo gɛi hvo tɛ.

Osia 7:10

Israɛlə nwɔ kpɔwɔ ɲąąkɛnɛ̨ ɓə giti kala mą, Kɛlaa, di hvo pənəi di hvo pa Yai-Laa di wɔ Yálái pɔ pələ; mɛ̨nįɠaai tii di mą kɛ kɛi, di hvo di wɔ Yálái kwɛlii.

Osia 7:7

Di kəlee di hu kələn ŋąąi yɛ nwɔ̨n dinįi, di kaa giti tee nuą mįi, di wɔ tɔɔɓɛlaai kəlee daa too; ɛlɛɛ, nu hvo hɔlɔɓoi di lɔwai, yɛ vɛ́li.

Sofoni 3:2

Hvo gɛli, hvo nwəli tɔɔ dəli woo ɓa, niɛwoo yii di gɛ mą, hvo ɉon ni, hvo gilitɔɔ li Yai-Laa ɓa, hvo gɛli hvo lɛɠɛ nwɔ Yálái ɓa.

Lomaŋ 3:11

Kili hvo nui lɔpee ta ɓa, nu ta lɔpee hvo Yálá kwɛlii.

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Zasua 23:12

Kɛlaa, ka ka pulu tɔɔ Yai-Laa ɓa, kaa humo a nu huwuɠaai ŋɛ̨i ka kwɛlɛ a diɛ, kaa nɛ̨ą həɠə di pɔɔli, kaa li di pɔɔli; diɛn diɛ pa ka pɔɔli,

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.