Osia 9:7 - Yálá laawoo hɛɓɛ (dc)

⁷ Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Yálá laawoo hɛɓɛ

⁷ Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Bible

⁷ Dɔŋ-kpɛ-maa-tãi à sèri, fela-fei-tãi a sèri, Eezuɛ-ŋai da pâi gɔ́lɔnîi. Ka gâai yɛ̂ɛ “Ɣâla ŋɔlóno kɛ́-nuui ƃoɔ̂i, ǹúui m̀ɔlêŋ káa gbonôi táre fé ŋuŋ su.” Kásɔnyɔ̂ŋ da kákpɔara su kɛ̂tɛi nyii ka gɛ́ a Ɣâlai.

Osia 9:7 Iomraidhean Croise

Tɔɔɓɛlaa veelɛ 9:11

Ɉehu ə kulɔ ə li tɔɔmun nwɔ tínuąi pɔ, yiliɠaa diɛ mą: «Gu mɛ̨n nąą bələ! Lə mɛ̨nį ɓə mowomun ə paa la ə́ pɔ?» Ɉehu yɛ diɛ: «Kaa kpinįi ka nui kɔ́lɔn, da nwoo tɔ̨nɔ̨i lɔ gaa na!»

Azaya 10:3

Ka káá pai gɛi ləi a nwąnąkulɔ yələ? A ɲələi ka hu kala hɛn a həɠə la kwɛala yɛ pa? Gbɛɛ ka káá pai pui kaa li bɔ, yɛ ka mąąkɔ̨nwɔ̨? Mįnɛ̨ ɓə ka káá pai ka wɔ hɛn gɔwɠaai laaikɛi laa?

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Azaya 34:8

Yai-Laa nwąną kulɔ hvóló li, gwɛlan da Siɔn mąą mɛ̨nį ɓo la, mąą kwɛlan ni.

Azaya 44:25

Ɲą́ą́ ɓə ŋą́ kwɛlɛɛn gɛɛ kaa nuą woo lɛɛ a kpɛli, gɛ́ tɔlukpɛ nuą nwun ɉu kɛ wulu-wulu, gɛ́ kilimąą nuą kili laa pɛlɛ pulu pələ, gɛ́ di wɔ kili kɛ ɲəi mɛ̨nįɠaa hu kpinį.

Ɉeremi 10:15

Ɉɛnŋaa tii kaa a kili kpɛɛ gwəi hɛnŋaa di kaa a yɛlɛ kulɔ ɉu hɛn, di nwun na a pili a Yálá nwɔ kiti tee yələ.

Ɉeremi 11:23

Di ta hvo pai lɛɛi yɛnɛ̨ɛ̨ a vulú, gáá pai mɛ̨nį ɲąąnwąnąą laai Anatotə nuą diɛ; a gwɛlan mąąnɛ̨ɛ̨ di di wɔ nɛnɛnŋaa mąą mɔ̨nɔ̨ mį́i la.

Ɉeremi 16:18

Daa nwɔ́ lɔi laa pu, a di wɔ túwɔ́ pələ ɲɔ̨n, da di kɛ nɛ̨ŋɛ̨nŋaa di gɛ, ə mą kɛ, a di wɔ hɛn mąąliɓiɛ powaɠaa, a gwɛ́lin nɔi laahvɛɛi di mo a di wɔɔ hɛn ɲɔ̨nwɔ̨ɔ̨ɠaa. Gáá nɛ̨ŋɛ̨n veelɛi tii mąą kwələ kulɔi diɛ.

Ɉeremi 23:13

«Ŋą́ kili kpɛɛ gwəi mɛ̨nįɠaa kaa, Yálá kwəi mɛ̨nį hukulɔ nuąi Samari di yee pɔ, di kɛi mɛ̨nįɠaa ɓo Baalə laa hu. Diɛ Israɛlə nwɔ́ nu huwui nwun ɉu lan.

Ɉeremi 25:14

Diɛ kpɛli mąn, di kaa pai kɛi a luwɔɠaa, lɔi tamąą yee mu, da tɔɔɓɛlaa huwalawalaa yee mu. Ŋą́ di túwɔ́ pələ da di kɛ mɛ̨nį ɲɔ̨n gwələ kpɛ diɛ.»

Ɉeremi 29:26

«Yai-Laa ɓə ə́ hee a ɉaláá laa həli mun a Yehoyada mąąhvalin, a haláá laa həli mun yai Yálá hee pɛlɛ́ mąą mɛ̨nį kaa nwuɔ̨; da nuą lɔpee mɛ̨nį kulɔi di nwun ɉu, diɛ yɛ mo, yɛ gbɔwɔ kɛ a Yálá kwəi mɛ̨nį hukulɔ mun. Mąą nɛ̨ɛ̨ ə́ di too kpɔ̨nɔ̨ ŋą, ə́ di kɛlɛ.

Ɉeremi 46:21

Ə mą kɛ, gɔ́kulááɠaai da di ya, nwɔ lɔi hu, di kaa yɛ Nįŋɛ̨ hilɛ gbɔnŋaa, kɔ̨nɔ̨n nɔ ɓə da mį́i; diɛ kpɛli mąn, daa yali di pulu, di kaa pui. Di hvo pɛli li gɔ́ mu, di nwun na pili yələ aa həli diɛ; a ɲələi mąąnɛ̨ɛ̨ di di woo hukulɔ la.

Ɉeremi 6:14

Di kaa nwɔ́ nuąi kili nwɔ pɛlɛ́i di wɔ mąąwɛli kɛnɛ̨i hu, diɛ kɛ diɛ: «Mɛ̨ni ta holi mɛ̨nį kəlee ɲąą nɛɛi,» ya pa, mɛ̨nį ta ɲąą hvo nɛɛ li.

Ɉeremi 8:11

Di kaa nwɔ́ nuą di wɔ mąąwɛli mɛ̨nį hali kɛi a hviikpɛɛ, diɛ kɛ diɛ: «Ka ka liilaa! Ka ka lilaa.»

Woolaa 2:14

Yálá kwəi mɛ̨ni ɓo nuąi di kaa ə́ yəi, ɓowo hįi ɓə di gaa ə́ mąą mɛ̨ni ɓa, yɛ ɓo a kpɛli-kpɛli mɛ̨ni. Di hvo kɛ ə́ hɔn nɛ li yɛ́, yii kɛ a pɛli nuwɔlaa ŋɛ̨i hvolói yɛ́. Nwɛlɛɛi di kɛi mo yɛ́, ə kɛ a lɛɛ woo da nu ɓowo woo

Izikiɛ 13:10

«Mąąhɔlɔɓo, di kɛi nwɔ́ nuąi ɓowo, diɛ kɛ diɛ liilaa yɛnɛ̨ɛ̨ ka; ya pa, liilaa hvo kɛ laa. Ɛlɛɛ bɛlɛ́ nwąnąi nwɔ́ nuąi di kɛi dɔɔ, di kɛi gɛ a mɛlaiɠaa loo pələ lɔ.

Izikiɛ 13:3

Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai diɛ, diɛi a gili kpɛɛ ɲəi nuąi tii da hvilɛn di kwəi kiliɠaa pului; ɛlɛɛ yaan, di hvo mɛ̨nį ta kaa li.

Izikiɛ 25:17

Gáá nwą́ną kulɔi diɛ a nííɓa, gɛ́ di hutɔɔ a liiholi; bələ ɓə da gili kɔ́lɔn na, diɛ kɛ, ɲą́ą́ Yai-Laa, ɲą́ą́ ka tii nwą́ną kulɔi diɛ.»

Izikiɛ 38:23

Gáá pai mą́ą́wiɛ pələ da mąąhəɠə pələ tooi pɔ̨nɔ̨ ŋą di ɲɛ̨i; gɛ́ gɛ lɔi kpulu tamąą diɛ gɔ́lɔn. Da gili kɔ́lɔn dii, diɛ kɛ: Yai-Laa ɓaa a ɲą́ą́.»

Izikiɛ 9:10

Yili mąą mɛ̨nį ɓa, ɲɛ́i ya hvo pai kɛi ɉú, və́ pai nu ɲɛ̨imąąwɛli kaai; gáá di túwɔ pələ pulu mɔ̨nɔ̨ laai di nwuɔ̨.»

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Osia 5:9

Ɛfraimə kaa pai kɛi a lɔi pun, a ɉu tɔɔ yələ. Gáá gbɛa yili hu kulɔi Israɛlə pɛlɛ́ɠaa diɛ, yili hva ɉəɠə mą.

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Osia 9:8

Ɛfraimə mąąkpɛmun, da nwɔ́ Yálái ɓə, Yálá kwəi mɛ̨nį hu kulɔmun mə, daa ɓaalə tɛ dɔwɔ, pələ kəlee hu, wɛlikpɛɛ mąą kaa nwɔ Yálái yəi bɛlɛ́n.

Amɔsə 8:2

Yai-Laa ə mą́ą́ləngɛ, yɛ mą́ą́: «Amɔsə! Lə ɓə ŋɛ̨i ə́ kaa gaai ɲə́i?» Ŋą́ nwoo ŋąąpənə, gɛ́ mą: «Kpɔlɔ ka tii, naahvɛɛ a wulu ɓa, gəlee daa kpɔlu.» Yai-Laa yɛ mą́ą́: «Israɛlə nu huwu ŋąąkpɛɛi lɔwai aa ɉəli, və́ pai di hɔn da mąąhvaalɛɛi.

Mise 2:11

Ə li kɛ nu a pɛli hɔlɔɓoi, yɛ gilɛ həɠə hvaŋą pulu, lɔɔ pulu, yɛ kɛ diɛ: «'Ka lɔɔ tɛɛ bɔ́, a lɔɔ kpəɠiɛ ŋį́ Yálá kwəi mɛ̨nį ɓo yɛ́ a ə́ kwəinɛ̨ɛ̨ mɛ̨nį» mąą nu lɔ ɓə li kɛ a nu huwui ŋɛ̨i nwɔ kalan gɛmun.

Mise 7:4

Nui ɉɔn nɛlɛɛ di lɔwai, gaa yɛ ɲąąlən, dələnmomun di lɔwai, ɲɔ̨nwɔ̨ɔ̨ dɛɛ ɓomodiliin ma. Ɲələi ə́ wɔ kɔ́ nɛ̨lɛ̨ɛ̨n naa nuą di vaa ɓo, ə́ ə́ kɛ mɛ̨nį kɛ a ɲələ; daa nwumɛ̨.

Sofoni 3:4

Nuąi laa, diɛ Yálá kwəi mɛ̨nį hukulɔ, di kaa a kpɔwɔ ɲąąkɛnɛ̨ nuą, di kwəi hvo kwələ li. Nwɔ haláá laa həli nuą, daa ɉɛn mąąhəɠɛɛ mɛlɛ kpɛɛ mą, daa dɔ́n mąą kala.

Markə 3:21

Yii kɛa ɲei bɛlɛ́n nuą di mąą mɛ̨nį bələ mɛ̨n, di hvilɛn bulu, əgɛ, di ɉon də li la bɛlɛ́ laaləi. Mąąhɔlɔɓo, di kɛi kɛ diɛ: «Ɉu aa pu mą.»

Lukə 21:22

Volóɠaa tii hu ɓə Yálá kaa pai nwąną kulɔi la, əgɛ, mɛ̨nįɠaai Yálá laawoo hɛɓɛ́ ə mo nąą ə hvɛɛ.

Korɛntə veelɛ 5:13

Akɛ ɓowo hvaa ɓə ku mo, ku mo Yálá ɓa. Kɛlaa, akɛ kilimąą woo ɓə, akɛtii, ká mąą mɛ̨nį ɓə.

M̀ɛni-lɛɛi 16:19

Daa-lee kɛnɛ̨i ə wolo ɉu geemɛ̨i haaɓa, lɔi mɛ̨i taaleeɠaa kəlee di wolo. Ya ɓə Yálá ə gili hvilɛn Babilonə kɛnɛ̨ɛ̨ ɓa, əgɛ, ə ŋąliiŋąnwąną lɔɔ gbo nɛ̨nŋąąi tɔɔ na.