Osia 9:6 - Yálá laawoo hɛɓɛ (dc)

⁶ Diɛ ka pui di hu kala mɛ̨nį tɔwɔ, diɛ li di ɲąąkpɔn ɉii Eziptə, Mɛmfisə kaa pai kɛi a di kámą. Di yəi hɛngɔw kpɛa kpɛaɠaa kaa pai lɛɛi a kala kpili nwɔɔ, ɲąąlən gbɔlɔ yɛ lɔ di yəi bɛlɛ́nŋaa.

Yálá laawoo hɛɓɛ

⁶ Diɛ ka pui di hu kala mɛ̨nį tɔwɔ, diɛ li di ɲąąkpɔn ɉii Eziptə, Mɛmfisə kaa pai kɛi a di kámą. Di yəi hɛngɔw kpɛa kpɛaɠaa kaa pai lɛɛi a kala kpili nwɔɔ, ɲąąlən gbɔlɔ yɛ lɔ di yəi bɛlɛ́nŋaa.

Bible

⁶ A nɛ̃ɛ ká pú ká kúla Asiria ŋɔmɛni kpɔ̂lui yêei, Ize-ƃelai da pâi ká sonîi dí ká ŋáa tɛ́ ma. Da pâi ká saa loôi Mɛfi taa leei su. Gáne-ŋai da pâi kɛ̂i a kala pɔ́ɔ, ŋalêŋ kpɔlɔ é tɛ́ dípɛrɛ-ŋai dîa.

Osia 9:6 Iomraidhean Croise

Tɔɔɓɛlaa veelɛ 13:7

Nuą lɔ lɛɛ Yoakazə yəi a kɔ́ kɔ́ nuą, di kɛ a hoo mɛ̨i nuą, nu pow lɔɔli, kɔ́ wotolo pow, ɛlɛɛ, kɔ́kuláá waa pow. Aramə tɔɔmun aa kɛ gbəliɠaa tii kəlee paa, ə kɛi hiɛ di hu yɛ nu aa kɛi hiɛ muluun gbala hu.

Mąątɛ̨nɛ̨ 107:34

Ə lɔi lɛlɛɛ mąą pənə a kwɛni lɔi, ɉu nuą kili ɲɔ̨nwɔ̨ pələ ɓa.

Hanwon 24:31

Ɲąąlən da tumɔ ɲɔ̨nwɔ̨ɔ̨ɠaa daa tiliin ɲɛa naa kəlee, nwɔ tíi mąąkwəli kwɛni, aa pu.

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 19:13

Tanisə ɲąąwooɓo nuą kili kpɛɛi kpɔ di yəi tɛ̨ɛ̨ tɛ̨ɛ̨, Mɛmfisə ɲąąwooɓo nuą diɛ di kpɔwɔ ɓowo, di kaa pai gɛi Eziptə yɛ tɔɔ lɔ takpa takpa, diɛi tii a nɔi lonnii mąą mɛ̨nį nwun ɉon gwɛni.

Azaya 27:12

Mąą yələ, Yai-Laa kaa pai nwɔ mɔ̨nun kɛlɛi, ə həɠə Eufratə ya ɓa, ə həli la Eziptə yai ɓa, kaa ɓə di kaa pai ka həɠəi ɉu, yɛ ka həɠə ɉu tɛitɛi, kaai a Israɛlə lonnii.

Azaya 32:13

Ɲąąlən gbɔlɔ kaa tɛi, nwɔ́ nu huwui nwɔ lɔi hu, yɛ tɛ gwəinɛ̨ɛ̨ kulɔ pɛlɛ́ɠaa kəlee mɛ̨i, yɛ tɛ ɉɛli pu taa hu.

Azaya 34:13

Ɲąąlən gaa pai ɓɔn ɉii daaɠaa hu, tɛ̨ɛ̨tɛ̨ɛ̨ da didi-hɔ̨ɔ̨-hɔ̨ɔ̨ diɛ tiliin daa mąąkpɛ pɛlɛ́ɠaa mu, nąą a lɛɛ a goɓəɠaa pɛlɛi, haɉaliɠaa diɛ pɛlɛ laa.

Azaya 5:6

Gáá nąą kɛi a mąąwɛli lɔi, di hva kɛa mɛ̨i tee, di hva tumɔ kulɔ ɉu, ɲąąlən da ɓomodiliin mə pai ɓɔn ɉii laa, ɛlɛɛ, ŋį́ tɔ́n dɔɔ tulɔ kpinįnŋąą diɛ, di hva kɛa tulɔ pu mɛ̨i.

Azaya 7:23

Yii pai kɛi a ɲələi tii, ya ɓaa: ɓɛi lɔpee viɲə kpaɠa nwun dɔɔi kaa pai kɛi laa waa dɔ̨nɔ̨, yɛ pɛli kɛi a wali kwələ waa tɔ̨nɔ̨, nąą a lɛɛ a ɓomodiliin da ɲąąlən gbɔlɔ.

Ɉeremi 2:16

Ə mą kɛ Mɛmfisə nuą da Dafne nuą, diɛ Israɛlə nuą nwun giin.

Ɉeremi 42:22

Ka ka kili lɛɛ ɉu, káá diɛ ɓɔwa kwɛa kaa li ku paai, ɛlɛɛ, pulu da ɲɔ̨n. Ɓɛi tii ka káá bɔ ka li laa, ka ka mąą kilɛ laa.»

Ɉeremi 44:1

Mɛ̨nįi di mo Ɉeremi ɓa, yɛ hvilɛn na Ɉuda lɔi hu nuą kpɔ tii li heei Eziptə lɔi hu; Migdolə, Dafne, Mɛmfisə, da Patrɔsə lɔi hu, ya ka:

Ɉeremi 44:12

Ɉuda nuą gbəli woloi tii ɉaŋan a Eziptə lɔi hu pələ, diɛ li di mąąkilɛi, gáá hvilɛn ɉii gəlee pulu, di kəlee di kaa pai haai Eziptə lɔi hu, nąą ɓə di kaa lɛɛi laa tooni, a kɔ́ kɔ́ ɓɔwa laa pɔɔ, diɛ haa a pulu. Kɔ́ da pulu ɓə pai di paai. Gbɛa-kpɛaa da bɛlɛɛ-pɛlɛɛ mąn, di kaa pai kɛi a mąąwɛli nuą, nuą diɛ di kwɛla a di laa, diɛ lalan bili, diɛ nɛ̨ŋɛ̨n naa kɛ a di laa.

Ɉeremi 44:13

Nuąi li Eziptə lɔi hu, gáá mɔ̨nɔ̨ laa di mɛ̨i, yɛ bələi ŋį́ naa laa Ɉerusalɛmə ɓa a kɔ́ da pulu, ə mą kɛ, nu paa ɲɔ̨n.

Ɉeremi 46:14

'Ká mɛ̨nįi tii laa həli Eziptə lɔi ɓa, 'ká noloɓo Migdolə, 'ká noloɓo Mɛmfisə da Dafne; kaa mą: 'Haŋąn ə́ tɔɔ, ə́ ə́ kpɔɔ pɛli, mąąhɔlɔɓo, kɔ́ kɔ́ ɓɔwa kaa kɛɛ kalai ə́ kwɛlɛ nąą kəlee.

Ɉeremi 46:19

Eziptə lɔi hu nuą, 'Ka ká tiɛ̨ pɛli ka mąąkilɛ mɛ̨nį ɓa. Mɛmfisə kaa pai lɛɛi a lɔi mąąwɛliɛ, a taa kələn, nu hvo ɉu.

Izikiɛ 30:13

«Hééɓo kəlee Nąmu Yálá woo ka: gáá pai ɉaliɠaa hu kalai, gɛ́ di mąą mɛ̨nį kpɛɛ Mɛmfisə lɔi hu, da tɔɔmun mɛ̨nį, Eziptə lɔi hu. Da hva kɛa kɛ laa. Ŋį́ ɲɔw pili Eziptə lɔi hu.

Izikiɛ 30:16

Ŋą́ nwɔ̨n bili Eziptə hu; Sin yɛ kpəlaan gbəlaan mɔ̨nɔ̨ yei; Tɛbɛsə hu yɛ ɓɛla; Mɛmfisə yɛ lɛɛ yai.

Osia 10:8

Di kaa pai ɉali kɔ́iɠaa kalai, di di kulɔ laa, yii gaa a Israɛlə nwɔ nɛ̨ŋɛ̨n tii; ɲąąlən da ɓówolaaɠaa di kaa pai kulɔi ɉali kɔ́iɠaai tii diɛ, di kaa pai kɛi yeeɠaa diɛ: 'Ka ku mɛ̨i kpulu! Diɛ kɛ yee kpukpuɠaa diɛ: 'Ka too ku mɛ̨i.

Osia 11:11

Di kaa pai həɠəi Eziptə, diɛ pa a gilɛ, di mąą yɛ kpɛlin yɛ nwɛ̨ni lonnii, diɛ həɠə Asiri lɔi hu yɛ tonwənənŋaa, gáá pai di heei di wɔ pɛlɛ́ɠaai mu; Yai-Laa woo li.

Osia 2:6

Vá kɛa nonnii ɲɛ̨imąąwɛli kaa, mąąhɔlɔɓo di kaa a wɛlin nonnii,

Osia 7:11

Ɛfraimə kaa a tonwələn mowo laa nɛ̨ɛ̨, hva giliŋą hiɛ, di kaa Eziptə təlii, diɛ li a gilɛ Asiri pɔ pələ.

Osia 7:13

Kpalo ɓɛlaai diɛ, mąąhɔlɔɓo di kaa pui mą́ą́, di yee aa lɛɛ ɉu, mąąhɔlɔɓo di di nwun dɛ a ɲą́ą́; ɓɛlɔwai ŋį́ kɛi di nwun mąąɓo la, diɛi da kɛ lɛɛ pɛlɛi a náái.

Osia 7:16

Da tinɛ̨n, di hvo pai tɛi yələi pələ, di kaa yɛ kilɛn daa ɉu yali, kɔ́ kɔ́ ɓɔwa kaa pai di ɲɛ̨itɔwɔ nuą tooi, di woo ɲɔ̨nwɔ̨ bələ di la; di kaa pai yɛ́lɛ́i diɛ Eziptə lɔi hu.

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Osia 9:3

Di hvo pai pɛlii lɛɛi Yai-Laa nwɔ lɔi hu, Ɛfraimə kaa pai pənəi ə li Eziptə lɔi hu, ɛlɛɛ, kɔ̨nɔ̨n tɔ́n gaa mą, gaa pai mį́į́ Asiri lɔi hu.

Levetekɔ 26:33

Ka wɛi, gáá pai ka taɠa taɠai lɔiɠaa hu, gɛ́ kɔ́ kɔ́ ɓɔwa kulɔ daai gɛ́ ɉee kaa; ka wɔ lɔi a lɛɛ a lɔi pun, ka wɔ taaɠaai di lɛɛ a taa kpoloon.

Sofoni 1:11

Kaai heeni ɲee lɔwai, ka tómą a wɔlɔ. Hvó gaai, ɲɔw kɛ lɔi hu nuą kəlee daa lɔ gbąi, nuąi kɛi wali kwɛli kɔ́ɔn, di huwu aa pu.

Samuɛlə dɔlɔɔ 13:6

Israɛlə nu di gaa diɛ gɔ́ aa kpɔlu, mąąhɔlɔɓo, daa kɛ hee di hu kɛnɛ̨. Nuą di kɛi di loo gwɛni woloɠaa hu, kɛɛnąą loɔɠaa, gwɛniɠaa lɔwai, da woloɠaa hu nɔi mu, da ɲá-lɔwaɠaa hu.