Osia 9:4 - Yálá laawoo hɛɓɛ (dc)

⁴ Di hvo pai Yai-Laa kɔ́i a lɔɔ, di wɔ halááɠaa di hvo pai nii hon ɉi: gaa kpɔlɔ pai kɛi di yəi yɛ haa mɛ̨i kɔ̨nɔ̨n, nui lɔpee a da mį́i, mąą a luwu. Gɔ̨nɔ̨n tii a di laa hɔnmo yɛnɛ̨ɛ̨, Kɛlaa hva lɔ Yai-Laa yəi bɛlɛ́n.

Yálá laawoo hɛɓɛ

⁴ Di hvo pai Yai-Laa kɔ́i a lɔɔ, di wɔ halááɠaa di hvo pai nii hon ɉi: gaa kpɔlɔ pai kɛi di yəi yɛ haa mɛ̨i kɔ̨nɔ̨n, nui lɔpee a da mį́i, mąą a luwu. Gɔ̨nɔ̨n tii a di laa hɔnmo yɛnɛ̨ɛ̨, Kɛlaa hva lɔ Yai-Laa yəi bɛlɛ́n.

Bible

⁴ Dífe pâi pɔrîi lɔɔ tɛɛ̂i Yâwɛɛ pɔ́ a sama-sɛŋ. Dífe pâi ǹíi lâai a dísâla sãai. Dísâla sãai fé pâi kɛ̂i a maa waa yɛ̂ɛ mii-sɛŋ nyii da góraŋ ƃò zàa-ƃelai dîɛi. Diai kélee pâi da miî, dímaa fé pâi kɛ̂i a ŋwaa Ɣâla ŋɛi. M̀ii-sɛŋ ŋí a pâi puru kulâi nɔ́ dîa. Kɛ́lɛ vé pâi lɔ̂i Yâwɛɛ ŋɔpɛ́rɛi mu.

Osia 9:4 Iomraidhean Croise

Lɛɛ gbɔwɔ ɓa 29:40

Yili pulu, kilə haaɓa da gbulɔ, lɛɠɛ hunwɔ̨ hu, ɉumɔ̨ɔ̨ a wulɔ litɛlɛ tɔ̨nɔ̨ da gbulɔ, ə kɛ a wulɔ lɛlɛɛ, ɛlɛɛ, ə́ lɔɔ pu mą.

Lɛɛ gbɔwɔ ɓa 40:23

ə́ nɛɠɛɠaa laa gee kwɛlɛ, Yai-Laa lííla, yɛ bələi Yai-Laa ə dí la.

Azaya 57:6

Ɓoloon ɉu kwɛniɠaa, mąą lalaa kpɔlɔɔ kpɔlɔɔɠaa ɓə a ə́ liiɓa hɛn, ə́ wɛi li, diɛ kpɔ ɓaa a ə́ wɛi, a ə́ hɔlɔɓo hɛn! Diɛ ɓə ya di kɔ́ a lɔɔ, diɛ ɓə ya di kɔ́ a haláá hɛnŋąą! Ŋį́ pɛli nííɓa mɛ̨nį kaai ləi mɛ̨nįi tii hu?

Azaya 66:3

Da kɛ niŋɛ̨ kulɔi a haláá, ɛlɛɛ nwɔ̨nɔ̨, diɛ nu paa! Da kɛ ɓɛlaa haa kulɔi a haláá, ɛlɛɛ nwɔ̨nɔ̨, diɛ yilɛ lon baa a gbɔn! Diɛ ɓɛlaa laa həli, kɛlaa ɓoi ɲąmą ɓə da bu! Da lansan kələn, kɛlaa hali mąąwiɛ mɛ̨nį ɓə! Nuąi tii, daa di liiɓa pələ həɠə, ɛlɛɛ, gbɛli kpɛli mɛ̨nįɠaai tii, di ɓo a di kwəinɛ̨ɛ̨ mɛ̨nį,

Ɉeremi 16:7

Nui haa a too mą, di hva li bɔ a kɔ̨nɔ̨n. Ə mą kɛ, nee a haa, a wala kɛ tii, nąn a haa, di hva ɉaa lɔɔ pu.

Ɉeremi 6:20

Lansan ŋɛ̨i ka həɠə la Saba, kaa paa la mą́ą́ mɛ̨nį ɓa, lə ɓə ŋį́ gɛ la? Lə ɓə ŋį́ gɛ a ɉɛn mąą kun nɛ̨ɛ̨i tii, ka həɠə la kwɛala lɔiɠaa hu? Ka wɔ haláá yiiɠaa da gəlee kələn, wɛli hvo mą́ą́. Ka wɔ haláá ɓɛlɛ hvo gwə́i.

Izikiɛ 24:17

Ya kɛ lɔ ɲiŋɛi ə́ hu pələ, mɛ̨nįɠaai da gɛ haa mɛ̨nį hu, hvo pai da kɛi. Ə́ wɔ ɓɔlɔi lɔ ə́ nwuɔ̨, ə́ wɔ kɔ́lɔɠaai lɔ, hvó həɠə pɛlɛ ə́ laaləi, ɛlɛɛ, hvó kɔ̨nɔ̨n ɉon gwəlii mun da yəi.»

Izikiɛ 24:22

Nąąlɔwai, ka káá pai gɛi yɛ bələi ŋą́ gɛ la. Ka hvo pai həɠə pɛlɛi ka laaləi, ka hvo pai kɔ̨nɔ̨n ɉon ɉii gwəlii mun da yəi.

Danîa 1:8

Daniɛlə ə giliŋąhiɛ, yɛ diɛ: «Mąą hvo nɛ̨ɛ̨li hvo gbɔwɔ kɔ́hɔɓo a tɔɔmun nwɔ laa mį́i hɛn, da nwɔ lɔɔi a kɛ gbələi.» Yili bə gɛ ə li, ə ɉu hvɛli gbɛtɛgbuwulu nwun nąmu ɓa, yɛ mą: «Və́ bɔ və́ gɔ́hɔɓo a gɔ̨nɔ̨nŋaai tii.»

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Osia 7:16

Da tinɛ̨n, di hvo pai tɛi yələi pələ, di kaa yɛ kilɛn daa ɉu yali, kɔ́ kɔ́ ɓɔwa kaa pai di ɲɛ̨itɔwɔ nuą tooi, di woo ɲɔ̨nwɔ̨ bələ di la; di kaa pai yɛ́lɛ́i diɛ Eziptə lɔi hu.

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Zooɛ 1:13

haláá laa həli nuą, ka ka hąą yili, ka ka woolaa. Kaai ka kɛ tíɓo kɛi ɉaláá kulɔi, ka ɲiŋɛ̨, ka pa ka mąąwɛli həɠə too ka kwaną, ka yii ɉu. Kaai ɓaa nwɔ́ Yálá nwɔ tínuą, Yálá kɔ́ lɛɠɛ da gɔ́ lɔɔ hvo kɛa hɔlɔɓoi, ka wɔ Yálái yəi bɛlɛ́n.

Zooɛ 1:9

Yálá kɔ́ lɛɠɛ, da gɔ́ lɔɔɠaa daa kpɛɛ, Yai-Laa hee pɛlɛ́ mu, ɉaláá laa həli nuą, diɛi tii a Yai-Laa nwɔ tínuą daa mąąwɛli heeɓo.

Zooɛ 2:14

Gu hvo gbaɠala kɔ́lɔn akɛ gaa pai pənəi ə gu mąąwɛli kaa. Akɛ Yai-Laa gu wɔ Yálái kaa pai lúwɔ́ lɛɛi naa pulu, ə gɛ, guɔ gɔ́ a lɔɔ da gu yəi hinhɛ̨nŋąa.

Levetekɔ 17:11

Mąąhɔlɔɓo, hɛn kpɔ gaa a vulú, nwɔ yɛnɛ̨ɛ̨ kaa ɲąmą hu. Ɛlɛɛ, ŋį́ dɛɛ ka pɔ, kaa pɛli ka wɔɔ yɛnɛ̨ɛ̨ nwun mąąɓo haláá kulɔi la ɉaláá kulɔ kəhi mɛ̨i. Mąąhɔlɔɓo, ɲąmą ɓə da ka wɔ yɛnɛ̨ɛ̨ nwun mąąɓo la.

Levetekɔ 21:17

«'Mo Aarɔn ɓa, yɛ́ mą: Ə həɠə yiihu ɓa, ə li la tɔwɔ pələ, ɉuwu hu mun nɔpee kpɛɠii a kɛ mą, hvo kɛ gaa Yálá kɔ́ hɛn naa həlii.

Levetekɔ 21:21

Ɉaláá laa həli mun Aarɔn huwuhu mun lɔpee kpɛɠii a kɛ mą, mąą hvo nɛ̨ɛ̨li hvo lɛɠɛ Yai-Laa kɔ̨nɔ̨n naa həlii, yii kpɔ kpɛɠii a kɛ mą, hvo lɛɠɛ laa yɛ kɛ ə Yálá nwɔ kɔ̨nɔ̨n ta laa həli, haláá hɛn mąąhəɠɛɛ li.

Levetekɔ 21:6

Di kaa a di wɔ Yálá nwɔɔ, mąą hvo nɛ̨ɛ̨li di hvo di wɔ Yálái laa ɓɛlɛkpɛɛ mą. Diɛ ɓə da Yai-Laa nwɔ haláá kəlee laa həli, yii gaa a di wɔ Yálái kɔ̨nɔ̨n, mąąnɛ̨ɛ̨ di mąą ə lɛɛ a ɉəɠɛɛ.

Levetekɔ 21:8

Hvo kɛli nuą di gaa a nu mąąhəɠɛɛ, mąąhɔlɔɓo, ya ɓə gaa a Yálá kɔ̨nɔ̨n naa həli mun. Gaa a nu mąąhəɠɛɛ, mąąhɔlɔɓo, ɲą́ą́ Yai-Laa, ɲą́ą́i ŋą́ ka mąąhəɠə, mą́ą́ həɠɛɛi.

Amɔsə 5:22

Haláá hɛn yiiɠaai ka gəlee kələn, da ka wɔ kɔ́ɓo hɛnŋąąi ka kɛ naa həli mą́ą́, nąą wɛli hva ɉón. Niŋɛ̨ gbɔn nwulaaɠaai ka kɛ gulɔi mą́ą́ a haláá, ə gɛ, gwa kaani gu yee ə kɛ a nɔɔ gee hu, vá kpɛli yili naa kaa.

Malasi 2:13

Yii nwɔ̨nɔ̨ ka kɛ gɛi, ya ka: Ɓɛi ŋɛ̨i ka ɉaláá kulɔ laa, ka nąą yɔwɔ a ka ɲɛ̨iyá, káá ka woolaa. Mąąhɔlɔɓo, Yálá hvo kɛa ɲɛ̨i heei ka wɔ haláá hɛnŋaai diɛ, hvo kpɛli gaai a hɛn da.

Lonon mo 19:11

«Nui a tunwɔ̨n powa ɓa, ə kɛ a powa huwui lɔpee, tɔ́n gaa mą hvóló mɛ̨ihveelɛ yee mu.

Lonon mo 28:2

yɛ mą mɛ̨nįɠaa ŋɛ̨i ɓo Israɛlə lonnii diɛ, yɛ́ diɛ: «Ka tɔɔ a ka nwąnąi, ɉɛnŋąąi mąąnɛ̨ɛ̨ ka gɔ́ la, kaa paa la a guui da ɉee. Gɔ̨nɔ̨n da gələn, mąą kun nɛ̨ɛ̨.

Lonon mo 4:7

Da Yálá kɔ́ taɓali mɛ̨i kpulu, a həɠə ɓɛla kpɔluɔ mu tɛɠiɛ, gbələ kɔ́ɔɠaa, gəgənŋąą nɔɔ pu hɛnŋąą, nɛɠɛi a kɛ daɓali tii mɛ̨i a yələ kəlee, da lɛɛ nąą.

Ɉaan 6:51

Ɲą́ą́ ɓə gáá a kɔ̨nɔ̨n vúlu mąą, yai həɠə yələi. Nui a da mįi, a yɛnɛ̨ɛ̨ hva kpɛɛ hɔlɔɓo. Yaan, gɔ̨nɔ̨n ŋį́ dɛɛ nuą pɔ ya ɓaa a gbį́nį́, yai ŋį́ gwɛlɛ yɛnɛ̨ɛ̨ nuą ɓola mɛ̨nį ɓa.»

Dutɛrɔnome 26:14

Və́ ɉɛnŋąą tii ta mįi, ɓɛlɔwai haa ə too la mą́ą́ və́ kpɛli da kulɔ ɉu, ɓɛlɔwai tɔ́n ə kɛ la mą́ą́, ɛlɛɛ və́ kɛ ɲɔ̨muą kɔ́ li a da. Ŋą́ lɛɛ Yai-Laa nwɔ́ Yálái woo mu, ŋį́ gɛ yɛ bələi ə mo la mą́ą́.