Osia 9:12 - Yálá laawoo hɛɓɛ (dc)

¹² Di mąn lɛapɛlɛɛ kulɔ ɉu, ŋą́ di hvɛɠɛ nɛapɛlɛɛi tii hu, di nu kɛɛ tɔwɔ. A tɛ̨ą, ŋą́ pa həɠəi di pɔ, di kaa pai mɔ̨nɔ̨ mįi.

Yálá laawoo hɛɓɛ

¹² Di mąn lɛapɛlɛɛ kulɔ ɉu, ŋą́ di hvɛɠɛ nɛapɛlɛɛi tii hu, di nu kɛɛ tɔwɔ. A tɛ̨ą, ŋą́ pa həɠəi di pɔ, di kaa pai mɔ̨nɔ̨ mįi.

Bible

¹² À kɛ̀ kpîŋ da nîa-pɛlɛɛ maa sɔlɔ ƃò, ŋa pâi dípaâi. Dítɔnɔ fa lɛ̂ɛ ɣele ma. Ŋà kùla dípôlu, kpalo ƃêlai dîa!”

Osia 9:12 Iomraidhean Croise

Tɔɔɓɛlaa veelɛ 17:18

Yai-Laa ə níiholi Israɛlə pɔ kpɔ kɛnɛ̨, ə di pili kpɔ kwɛaa la, ə di həɠə ɲɛ̨i mu; Ɉuda huwu yaa tɔ̨nɔ̨ lɔ ɓə lɛɛ.

Tɔɔɓɛlaa veelɛ 17:23

Yili ɓə gɛ, Yai-Laa yɛ di kpɛ ɲɛ̨i mu, yɛ bələi ə bu la nwɔ tínuą kəlee la, diɛi kɛ a gwəi mɛ̨nį hukulɔ nuą, diɛ mo. Di Israɛlə kulɔ nwɔ lɔi hu, di li la kwɛaa la Asiri lɔi hu, gaa ni laa.

Zôo 27:14

Nonnii kpulu hu ə mą kɛnɛ̨, da kɛ lɔ a ɓɔwa kɔ̨nɔ̨n, ɉuwu ə lɛɛ a pulu kɔ̨nɔ̨n.

Ɉeremi 15:7

Ŋą́ laɠa həɠə daaɠaa hu, nɔi, gɛ́ di hu taɠa taɠa la. Ŋą́ą́ nwɔ́ nuąi kwəi kpala, ŋą́ą́ di lɛɛ a lon nwɛli. Kɛlaa ə mą kɛ tii, di hvo di túwɔ́ pələ mąą hvalin ni.

Ɉeremi 6:8

«Ɉerusalɛmə, ə́ yee hee niɛwoo mu. A wala kɛ tii, gwa yɛ́ hvəi kɛa gu tɔɔ! Ŋą́ ə́ mąą pənə a mąąwɛli lɔi, a lɔi kpoloo.»

Woolaa 2:20

Yai-Laa! 'Ə́ ɲɛ̨i hee tai, ə́ kɛɛ kaa! Gbɛɛ ɓə yá ta ɉon bələ kɛ kpɔ ŋɛ̨i-yoo? A kɛ tii, hvo kɛli kɛ nɛ̨ąą di di kwəi lonnii mįi? A di kpɔwɔ lonnii ŋɛ̨i laani di ɲįnį mui? Akɛti, hvo kɛli kɛ da ə́ wɔ haláá laa həli nuą, da ə́ kwəi mɛ̨ni hukulɔ nuą nwun dee, ə́ wɔ haláá kulɔi ɓa?

Woolaa 2:22

Yáá liiholi kəlee təli mą́ą́ yɛ́ nu aa kɛi mɛlaa təli hɛli ɓa. Yai-Laa nwɔ liiholi yələ nu ta hvo pu, nu tɔ̨nɔ̨ kpɛli nwun və kulɔ ɉu. Nuąi kpɔ ŋą́ ɲįnį tɔɔ di la, ɲówo aa gəlee huwu pu.

Osia 7:13

Kpalo ɓɛlaai diɛ, mąąhɔlɔɓo di kaa pui mą́ą́, di yee aa lɛɛ ɉu, mąąhɔlɔɓo di di nwun dɛ a ɲą́ą́; ɓɛlɔwai ŋį́ kɛi di nwun mąąɓo la, diɛi da kɛ lɛɛ pɛlɛi a náái.

Osia 9:13

Gáá Ɛfraimə kaai yɛ Tirə taa ta, dɔɔ kɛɛnąą lɛlɛɛ ɓa, Kɛlaa, ə mą kɛ tii, hvo kɛli Ɛfraimə ə pa nonnii tɛɛ paa ɓo pɔ.

Osia 9:16

Daa Ɛfraimə kɛlɛ, di hamu aa kpala, di hvo kɛa pai ɓai. Di mąn lon gaa, ŋą́ di wɛlikɛmąą lon tii paa.

Malasi 2:12

Nui lɔpee a túwɔ́ tii, ə mą kɛ Ɉakɔbə nu huwu lɔwai, mąą nu, ə mą kɛ, mąnin bulu mąninŋąą kəlee, ə mą kɛ mąą nu a kɛ kɔ́ hɛnŋaa tɛɛ Yai-Laa Mɛ̨nį Kəlee ŋą Hééɓomun pɔ, gɛ́, Yai-Laa, ə mąą nu laa kulɔ lɔi mɛ̨i.

Lonon mo 14:34

Hvóló pow nąąn ɓə ka gɛ kaa nɔi tii hu hiɛ, kaa mąąkpɛɛ; yili ɓa, hvóló tɔ̨nɔ̨ kaa a kwɛlan dɔ̨nɔ̨. Kwɛlan bow nąąn ɓə ka káá gɛi, kaa ka wɔ mɛ̨nį ɲɔ̨n tii ɉu mɔ̨nɔ̨ mįi. Yili pɔ pələ ɓə ka gaa la, kaa diɛ, nu a gili kulɔ ɉú, ɲɔ̨nwɔ̨ɔ̨i.›

Lonon mo 26:65

Mąąhɔlɔɓo, Yai-Laa ə mo yɛ di kaa pai haai nɔi pun ɉu. Ɛlɛɛ yaan, di ta lɔpee hvo kɛa kɛ yɛnɛ̨ɛ̨, ə kulɔ Yefunɛ lon Kalɛbə da Nun lon Ɉosue di pulu.

Dutɛrɔnome 28:18

A ka kwəi lonnii nɛ̨ŋɛ̨n naa, da ka wɔ hihɛnŋaa, ka wɔ taatɛlɛɛɠaai kwəi a haa, ka wɔ nįŋɛ̨ koonɛ̨ąɠaa nɛ̨ŋɛ̨n ə laa, da ka wɔ ɓɛlaa kɔ́nwɔ̨leeɠaa.

Dutɛrɔnome 28:32

Ka lon ɉinąą, da ka lon nɛ̨ą da lɛɛ a nu huwu takpɛliɠaa di wɔɔ; ka ɲɛ̨i a lɛɛ di tɔwɔ, ɛlɛɛ ɉu, ka ɲɛ̨i lon ɉu yɛ haa, kaa di mąą kpɔn, di hva pa, ɛlɛɛ, ka hva pɛli mɛ̨nįi lɔpee ta kɛi ɉu.

Dutɛrɔnome 31:17

Yili mąą mɛ̨nį ɓa, gáá pai níí ɲąnwąnąąi diɛ, ɲą́ą́n, ŋą́ pai həɠəi di pulu, ŋą́ di lɛɛ laa; di kaa pai lɛɛi a hį́i takpɛliɠaa di wɔ luwɔ. Ɲɛ̨ikɔw kpɔlu da mɔ̨nɔ̨ɠaa di kaa pai laai diɛ. Nąąlɔwai di kaa pai gɔlɔn ɉii mɛ̨nįɠaa tii pɔ pələ, diɛ kɛ, ɲą́ą́ ŋɛ̨i a di wɔ Yálá və́ di lɔwai.

Dutɛrɔnome 32:25

Da hvilɛn taa pɔ, kɔ́ kɔ́ ɓɔwa ə di lonnii kulɔ di yəi, da lɔ bɛlɛ́n, ɲɔwu aa daa tɔɔlaa. Laŋąlon da halakpɛla di hɔɔ kwɛni a kɛ tɔ̨nɔ̨. Ɲini kpələ lon da hulɔ golo pɔlɔ di haa pələ a kɛ tɔ̨nɔ̨.

Nwun mąąɓo 4:16

Barakə ə hvilɛn gɔ́ kɔ́ wotoloɠaa da gɔ́laɠaɠaa pulu, ə həli kpɔ Harosɛtə-Goimə lɔi hu, Sisera nwɔ kɔlaɠaɠaai kəlee di lɛɛ a kɔ́ kɔ́ ɓɔwa kɔ̨nɔ̨n, da lɔpee hvo kulɔ ɉu.

Samuɛlə dɔlɔɔ 16:14

Yai-Laa nwɔ Kilii ə kulɔ Saulə yəi, ə lɛɛ, Yai-Laa ə ɲįnɛ̨n vilɛn Saulə pulu, yɛ mɔ̨nɔ̨ɓo.