Osia 9:11 - Yálá laawoo hɛɓɛ (dc)

¹¹ Ɉɛn Ɛfraimə a nwun dɛ ɉu, da lɛɛ kpɔlɔ gaai, aa mą kala, mąą koo a kɛ kpɔlɔɔ nee ɓa, a lɛɛ kpɔlɔɔ mun tooi nee kwəi, a mą kwɛlɛɛn ɲəi, yɛ nwɛ̨ni.

Yálá laawoo hɛɓɛ

¹¹ Ɉɛn Ɛfraimə a nwun dɛ ɉu, da lɛɛ kpɔlɔ gaai, aa mą kala, mąą koo a kɛ kpɔlɔɔ nee ɓa, a lɛɛ kpɔlɔɔ mun tooi nee kwəi, a mą kwɛlɛɛn ɲəi, yɛ nwɛ̨ni.

Bible

¹¹ Eezuɛ-ŋai díkɛtɛ-laai a pâi koônii yɛ̂ɛ ŋɔni-ŋa. Núu-kpune maa sɔlɔ ƃó-mɛni fé pâi kɛ̂i naa, koo-mɛni fé pâi kɛ̂i naa, koo-nɛni fé pâi kɛ̂i naa ŋɔ́nɔ. Nɛyâai dífe ŋɔ́nɔ pâi koo siɣêi.

Osia 9:11 Iomraidhean Croise

Zɛnɛse 41:52

Ə veelɛnąą laa hee a: «Ɛfraimə.» Ə mo nwɔ̨nɔ̨, yɛ diɛ: «Ŋį kɛ ɓɛ nɔi a mąąwɛliɛmun, Yálá aa nwɔ̨nɔ̨ gɔ́ a lon.»

Zɛnɛse 49:22

Ɉosɛfə kaa yɛ hihɛn nɛlɛɛ mąąpoo; yai tɔɔni ya ton ma. Gbaɠaɠaa diɛ lan ɉįi kpoloon mɛ̨i.

Samia Veerɛi 6:23

Gɛɛ tii, Saulə lon Mikalə hvo lon ɉɔlɔɓo ə lɛɛ la ɉu ə haa.

Zôo 18:5

Nu ɲɔ̨nwɔ̨ɔ̨ nwɔ kɛɛ pɔ̨nɔ̨i hu a kpinį, ɲəi bɛlɛ́n nwɔ̨n nən yɛ luwun.

Mąątɛ̨nɛ̨ 58:8

'Di lɛɛ kpɔ kpɛli kpɛli yɛ tɛɛyá, di kɛ yɛ kala tiliin da ɓɔlɔɔn mɛ̨i, yɛ yohva.

Ikilisiati 6:3

Nu ta a pɛli mą ə lon ɉɔlɔɓo nwun dɔ̨nɔ̨, mąą nu ə kwɛlan damąą kɛ yɛnɛ̨ɛ̨, akɛ hvo ɲąąnɛ̨ɛ̨ kulɔ li ɲíi hvóló tamąą tii hu, ɛlɛɛ nwɔ̨nɔ̨, di hvo kpɛli bowa loo li a nɛlɛɛ, yili ɲąąnɛ̨ɛ̨ ɓaa a lə? Nwɔ́ kwəi, yəikalalon viɛlaɓoɔi mąą nu ɓa.

Azaya 17:3

Ɛfraimə mąąkpɛ hįi hva kɛa kɛ mą, tɔɔlaa hva kɛa kɛ Damasə, Aramə nuąi pai kulɔi ɉu, di hvo pai kɛi a hɛn da, di yee hva tɛɛ Israɛlə nu huwu gbəli ɓa, Yai-Laa Mɛ̨nį Kəlee ŋą Hééɓomun woo li!

Osia 10:5

Samari nuą kaa ɲɔwi Bɛtə-Awɛn haliɠaai a nįŋɛ̨ kpəlaaɠaa, di mąą mɛ̨nį ɓa, mąąhɔlɔɓo, nɔi nuą, da ɉaláá laa həli nuą, diɛi kɛi di ɲąąnɛ̨ɛ̨ kulɔ ŋą kɛnɛ̨ laa hu, di kəlee, di mąą kaa kpɛlin ɉii, diɛ wɔlɔ pu di wɔ halii mɛ̨i, yai a nįŋɛ̨ lon, yiihu, yii kɛa daa li la tii kwɛaa la, ka gwəinɛ̨ɛ̨ ta kulɔ wɛ kan!

Osia 4:7

Di kəlee kpɔ, nu ta nwɔ kwɛni hvo kulɔ li ɉu, daa nɛ̨ŋɛ̨n ɉəɠə mą́ą́, gáá pai di wɔ mąąwiɛ mąąpənəi a nwumɛ̨.

Osia 5:9

Ɛfraimə kaa pai kɛi a lɔi pun, a ɉu tɔɔ yələ. Gáá gbɛa yili hu kulɔi Israɛlə pɛlɛ́ɠaa diɛ, yili hva ɉəɠə mą.

Osia 9:14

Yai-Laa! Dɛɛ di pɔ! Lə ɓə ə́ kaa dɛɛi di pɔ? Di kɛ lɔ a yəi kala nɛ̨ąą, di ɲį́niyá hvo ɉu.

Amɔsə 1:13

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ haŋą Amɔn nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di Galaadə koonɛ̨ąɠaa kwəi ɓɛla, ə gɛ, diɛi tii, di di wɔ lɔi ta kɛ mą.

Lukə 23:29

Mąąhɔlɔɓo, hvóló ta kaa pai ɉəli, nuą kaa pai kɛi diɛ: ‹Nɛa yiiɠaai di hvo ta lon gaa li, di hvo ta ɲįnį tɔɔ li lokolo la, di nwun na nɛ̨ɛ̨i!›

Dutɛrɔnome 28:18

A ka kwəi lonnii nɛ̨ŋɛ̨n naa, da ka wɔ hihɛnŋaa, ka wɔ taatɛlɛɛɠaai kwəi a haa, ka wɔ nįŋɛ̨ koonɛ̨ąɠaa nɛ̨ŋɛ̨n ə laa, da ka wɔ ɓɛlaa kɔ́nwɔ̨leeɠaa.

Dutɛrɔnome 28:57

A lon kulɔ goolon ɉu, a lonŋąąi ə di kaa yɛnɛ̨ɛ̨; mąąhɔlɔɓo, hɛn gəlee kpɛɛ pələ ɲəi, gaa pai di mįi loo pələi; ɓɛlɔwai ka yowoɠaa kaa pai kɔ́ pɛlɛi la kaa, diɛ ka mąąwɛli ka wɔ taaɠaa hu.

Dutɛrɔnome 33:17

Ɓáá ə lɔ Ɉosɛfə ɓa, ya ɓə gaa a nįŋɛ̨ hilɛ lon dɔlɔɔ tɔlɔɔ. Mįnɛ̨ɠaa kaa yɛ lán mįnɛ̨, ya ɓə gaa pai kɛi nuą tuwɔi la, yɛ nuą kpala kpɛ yɛ li a diɛ lɔi kpɛlai. Mįnɛ̨ tɔ̨nɔ̨ kaa a Ɛfraimə nwɔ kɔlaɠa waa nwun damaa, dɔ̨nɔ̨ yɛ ɓo a Manase nwɔ nu kpulu.»