Osia 6:8 - Yálá laawoo hɛɓɛ (dc)

⁸ Galaadə kaa a lɔi kala nuą di wɔ lɔi, ɲąmą pɔɔ ə ɓo nąą kəlee.

Yálá laawoo hɛɓɛ

⁸ Galaadə kaa a lɔi kala nuą di wɔ lɔi, ɲąmą pɔɔ ə ɓo nąą kəlee.

Bible

⁸ Gilia taa-leei káa a taa-lêe nyii ǹáa fɛ̂ɛi a sɔŋyɔ̂ŋ-ƃela da núu paa-ƃela.

Osia 6:8 Iomraidhean Croise

Samia Veerɛi 20:8

Ɓɛlɔwai Amasa ə kɛi paa la, da Ɉoabə ni di kwiɛn Gabaɔn gwɛni kɛnɛ̨ kwɛlɛ. Ɉoabə nwɔ kɔ́ kɔ́ hɛnŋaa kəlee di kɛ hɛlɛn ni ma, nwɔ ɓɔwai lɔɔ daa hu, gbulɔn ŋąą ɉąą. Ɓɛlɔwai Ɉoabə ə kɛi maa kpuɔ la Amasa ɓa, mowa ə too.

Samia Veerɛi 3:27

Pənəi Avnɛrə ə mo ə pa, Ɉoabə ə li la ɉįi laa kpulu kpon gwɛlɛ pələ a gbanalaa, yɛ aa kɛi kɛ ə mɛ̨nį ta mo mą a nɛlɛɛ. Ə ɓɔwa pu gwəi, ə baa; Ɉoabə ə nəɠə Asahɛlə nwąną kulɔ.

Tɔɔɓɛlaa dɔlɔɔ 2:5

Yili pulu, Davidə yɛ nwɔ̨nɔ̨ non ma: «Yili a həɠə laa, mɛ̨nįi Seruya lon Ɉoabə ə gɛ a ɲą́ą́, gbaɠala kaa yɛ́. Mɛ̨nįi ŋɛ̨i ə naa Israɛlə kɔlaɠa nwun nąmįną hveelɛi ɓa, diɛ ɓa a: Nɛrə lon Avnɛrə, da Yɛtɛrə lon Amasa. Ɉoabə ə di paa a liilaa yələ, ɓɛlɔwai hvo kɛ la a kɔ́ yələ. Ɲąmąi tii ə bu, nwulu kaa nwuɔ̨.

Mąątɛ̨nɛ̨ 10:8

Aa pələ hɛlɛn dɛ veen ɉu, yɛ nuą mąąhɛn, nooɔ kpɔ kɛnɛ̨, yɛ kwəikwələmun baa, yɛ ɲɛ̨i laa a mąąwɛlimun; yɛ mąąhɛn.

Mąątɛ̨nɛ̨ 141:4

'Hvó nį́i lɛɛ laa hvo ɉon a pələ ɲɔ̨n, 'gɛ, və́ ɲéé too nɛ̨ŋɛ̨n dúwɔ́ hu, kwa mɛ̨nį ɲɔ̨n gɛ nuą, və́ pa di wɔ hɛli kɔ̨nɔ̨n ta kɔɔn.

Mąątɛ̨nɛ̨ 59:2

Yálá, 'gúlɔ ɲówoɠaa yəi, nuąi woloi mą́ą́, mą́ą́kɔ̨nwɔ̨ di yəi.

Azaya 59:6

Nu hva pɛli ə́ kpaan dee a di kɛ koló, mɛ̨nį ɲɔ̨n mə da mąą kili tee di kwəi! Wɛa mɛ̨nį lɔ ɓə di ɲɛ̨́i pɔ.

Ɉeremi 11:19

Nwɛ́i, ŋį́ kɛ lɔ di yəi yɛ ɓɛlaa lon, yii hva mąąkɔ̨nwɔ̨, yaai di kaa lííla baa mɛ̨nį ɓa. Gíli hvo kɛ ɉu, gɛ́ kɛ mɛ̨nį ɲɔ̨nwɔ̨ɔ̨ɠaa di kɛi mo, vilɛnŋaa kɛ mą́ą́; yaai di kɛi kɛ la mą: «Ka gu nwulu lɛɛ nwunu kɔ́lɔi, ka gu gulɔ a ɉamu, ka gu gulɔ yɛnɛ̨ɛ̨, əgɛ, nu ta hvo kɛa naa mɛ̨n.»

Osia 12:11

Gɛ́ pələ ɓo gwəi mɛ̨nį hu kulɔ nuą diɛ, gɛ́ mɛ̨nį tamąą lɛ diɛ a hįį pələ, gɛ́ hanwonŋaa pu gwə́i mɛ̨nį hu kulɔ nuą la diɛ mo.

Osia 12:12

Galaadə nwɛi, lɛɛ taa li, daa kɛ lɔ kpɛli kpɛli, di hvo kpɛlai nįŋɛ̨ haláá kulaa ɓa Gilgalə, di wɔ hali kɔ́iɠaa kaa yɛ kwɛni tiąą gee mɛ̨i kɛɛ hin ŋąą hu.

Osia 4:2

Nu woo kala mɛ̨nį, lɛɛ, nu paa mɛ̨nįɠaa, nwuɔ̨, wɛli mɛ̨nį, di laa aa too; ɲąmą kpoloon yɛ ɉeei kaa.

Osia 5:1

Kaai a ɉaláá laa həli nuą, 'ka ka wəli tɔɔi ə́ wəli tɔɔ a nɛlɛɛ, Israɛlə nwɔ pɛlɛ́i, Kaai a dɔɔ pɛlɛ́ mu nuą, 'ka ka wəli tɔɔ a nɛlɛɛ! Kaa ɓə kiti kaa ka mɛ̨i; mąąhɔlɔɓo, ɓɛ kaa kɛ a hɛlɛn Mispa, da ɓaaləi daa dɛ Tabɔrə yee nwuɔ̨.

Mise 7:2

Kulɔ nwooɓamun aa kpɛɛ nɔi hu, tələnmomun və kɛa nuą lɔwai; di kəlee daa hɛlɛn dɛ ɲąmą pu mɛ̨nį ɓa, nu kəlee yɛ ɓaalə tɛ gaayɔwɔ tɔwɔ.

Gɛlaɠaa 25:3

Di ɉuhvɛli mą a gbąnąlaa, yɛ da kɛli ŋą mɛ̨nį lɛlɛɛ huhvɛli, diɛ kɛ, di pa a Polə Ɉerusalɛmə. Yii kɛ ɉu a neelee, ya ɓaa di kɛli pa pələ hɛlɛn dɛi tɔwɔ baa mɛ̨nį ɓa bələ pɔ.

Zasua 21:38

Gadə lonnii di wɔ lɔi hu, daaɠaai di di tɛɛ, dɔ̨nɔ̨ ə kɛ a mąąkilɛ taa, ya ɓaa: Ramotə, yii kɛ Galaadə lɔi hu, da nwɔ kpomóɠaa, Mahanaimə da nwɔ kpomóɠaa,