Osia 6:4 - Yálá laawoo hɛɓɛ (dc)

⁴ Lə ɓə ŋą́ pɛli gɛi a yɛ́ Ɛfraimə? Lə kpɔ ɓə ŋą́ pɛli gɛi a yɛ́ Ɉuda? Ka wɔ tələnmolaa kaa lɔ yɛ nąląąn a pu yələ wala pɔ, ə ɓo yɛ yələ ɓɔi nɛ̨n ɲá, yai hva lamun laakpala ŋą.

Yálá laawoo hɛɓɛ

⁴ Lə ɓə ŋą́ pɛli gɛi a yɛ́ Ɛfraimə? Lə kpɔ ɓə ŋą́ pɛli gɛi a yɛ́ Ɉuda? Ka wɔ tələnmolaa kaa lɔ yɛ nąląąn a pu yələ wala pɔ, ə ɓo yɛ yələ ɓɔi nɛ̨n ɲá, yai hva lamun laakpala ŋą.

Bible

⁴ Yâwɛɛ è mò ǹyɛɛi, “Óo Eezuɛ da Zuda, lé ƃé ŋa pɔ̂ri gɛ̂i a káa? Káwɛli-kɛ maai káa yɛ̂ɛ ɣele ƃɔ̂i kpini, yɛ̂ɛ lúu nyii a tɛ̂ɛ a maa félaai.

Osia 6:4 Iomraidhean Croise

Ɉeremi 3:10

Mɛ̨nįɠaa tii kəlee di mą kɛ, Ɉuda ŋɛ̨i hvo nwoo pulu, yaai a Israɛlə gaayɔwɔ, hvo pənə li hvo pa bɔ́ gwəi tɔ̨nɔ̨ mɛ̨i; yaamun, mɔ̨nɔ̨ ɓə ə kɛi naa mą́ą́. Ɲą́ą́ Yai-Laa nwoo li.

Ɉeremi 3:19

Ɲą́ą́, ŋį́ kɛi mo gwə́i, gɛ́ kɛ diɛ: «Ŋą́ kɛ kpɔ bɔ ŋį́ ə́ kɛ nón ɉinąąlɔwai a lon ɉulɔnu tɔlɔɔ, lɔi yii nu kəlee ɲɛ̨i kaa kulɔi bɔ, ŋį́ dɛɛ kɛ ə́ pɔ; a lɔi yii nɛlɛɛ mɛlaa lɔiɠaa lɔwai. Ə kɛ gwəi, ka káá pai kɛi mą́ą́: ‹Ku Nán!› Ka hva kɛa ka pulu tɔɔ mą́ą́.»

Ɉeremi 34:15

Vóló hveelɛi ŋɛ̨i yeemu, kaa kɛ ka hɔn mąąhvaalən; mɛ̨nįi ɉaŋąą ɲɛ̨́i ɓa, kaa gɛ. Ká kəlee kaa ka kaayɔwɔɠaa lɛɛ mɛ̨nį di kpɔwɔ ɓa, laakwɛlanmo, kaa kɛ ka woo kwɛlɛ ɲɛ̨́i ɓa, bɛlɛ́i ŋɛ̨i da náá təli mu naaləi.

Ɉeremi 5:23

Kɛlaa nu huwui ŋɛ̨i kili ka laa gwəi, di hva lɛɛ nu woo mu. Daa həɠə bələ mɛ̨i diɛ li di nwun ma.

Ɉeremi 5:7

Ɉerusalɛmə taa! Mɛ̨nį kɛ pələ a kɛ tii, ŋį́ pɛli ə́ mąą hvaalɛɛi ləi? Ə́ lonni daa nɛ́ɛ́ laa, diɛ di kwɛla hali ɓa. Ŋą́ di yee laholon, diɛ di kpɔɔ kɛ a wɛlii kɛ nuą, di pulu tɔɔ wɛli kɛ Nɛ̨ɛ̨nu yee bɛlɛ́ laaləi, diɛ nąą mąąkɔ̨nwɔ̨.

Ɉeremi 5:9

Túwɔ́ taalə a kɛ tii, ya ɓə mɔ̨ɔ̨ vá pɛli mɛ̨nį laai la nuą tii diɛ? Ə lɛɛ, nu huwu taaləi tii, vá mɔ̨ɔ̨ nwáná kulɔ diɛ? Ɲą́ą́ Yai-Laa nwóó li.

Ɉeremi 9:7

Di nɛn gaa yɛ tonwą ɓaɠaa! Di hvaa woo ə ɓo a lɛɛ, diɛ di kee ni liilaa woo ɓo lɔ a di laaləi. Kɛlaa, ya lɔ di kwəi pələ, hɛlɛn mə di kaa dɛ pələ kwɛli dɔwɔ.

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Osia 13:3

Yili mąą mɛ̨nį ɓa, di kaa pai kɛi yɛ luwuluwui a pu yələ wala pɔ; yɛ yələ wala pɔ nɛ̨nɲá, yai hva lamun laakpala ɲą; yɛ mɔ̨nun gala, mɔ̨nun vɛɛi lɔwai, yɛ nwɔ̨n nului a kulɔ pɛlɛ kɔ́m ma.

Osia 7:1

Ɓɛlɔwai kpɔlɔ gáá la bɔ ŋį́ Israɛlə ɓalo, nąąlɔwai kpɔlɔ ɓə Ɛfraimə nwɔ nɛ̨ŋɛ̨n a too la pɔ̨nɔ̨ ŋą, da Samari nwɔ kɛɛ kala mɛ̨nįɠaa, mąąhɔlɔɓo, lɛɛ ɓə di kaa gɛi, nwuɔ̨mun aa lɔ bɛlɛ́ɠaa mu, nu paa mun aa kpɔlu ɲɛnɛ̨ɛ̨ pələ.

Maafîu 13:21

Kɛlaa di hva nɛɛ laa hvo kanąn di kili pɔ. Mąąhɔlɔɓo, ɓɛlɔwai ɓɛlɛkpɛɛ mąą a həli la diɛ, da di yee kulɔ mu.

Nwun mąąɓo 3:12

Israɛlə nuą di gbala tɔɔ nwɔ̨nɔ̨, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, di di yee lɔ ɉu. Yai-Laa ə Moabə tɔɔmun Ɛglɔn lii kpələ, Israɛlə nuą diɛ, mąąhɔlɔɓo, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə di di yee lɔ ɉu.