Osia 6:1 - Yálá laawoo hɛɓɛ (dc)

¹ 'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

Yálá laawoo hɛɓɛ

¹ 'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

Bible

¹ Ǹûai dí mò dîyɛɛi, “Ka pá kú lene pôlu Yâwɛɛ pɔ́ naa. Kpɛ́ni fêi, a sɛŋ sóli kûa ǹyaŋ a pâi kúƃâloi. A pala tée kûa, a pâi ŋ̀á ɣirîi.

Osia 6:1 Iomraidhean Croise

Kɔlɔnikɔ Veerɛi 30:6

Gilɛhəɠə nuą di li a ɉɛɓɛ́i tɔɔmun ə bɛ̨ɛ̨ da nwɔ kalanɉonŋąą, di hiɛ la Israɛlə lɔi hu da Ɉuda lɔi hu nąą kəlee, di gɛ yɛ bələi tɔɔmun ə di tí la, diɛ kɛ mą: «Israɛlə lonnii, 'ka pənə ka pa Abrahamə, Isaakə da Israɛlə nwɔ Yálá Yai-Laa pɔ, yaa kpɛli a pənə ə pa ka pɔ, kaa ŋɛ̨i a nu kpəli woloi aa kulɔ Asiri tɔɔɓɛlaa yee wolo.

Zôo 16:9

Yálá nwɔ líiɲąnwąną aa ɉón, yɛ gɔ̨nɔ̨n, vilɛn ŋąą búlu, yɛ ɲin ŋą mįi. Ɲówo yɛ ɲɛ̨i gbɔ́lun gbɔlun gulɔ mą́ą́.

Zôo 22:23

Yá pənə yá pa Huwalawala Kəlee Nąmu pɔ, Yɛ́ mɛ̨nį ɲɔ̨n gəlee kulɔ ə́ túwɔ́ pələ hu, yá ə́ kpɔ hɔlɔɓo.

Zôo 34:29

Kɛlaa, Yálá a wala muhəɠə, gbɛɛ ɓə a pɛli hvaai bɔ? A ɲɛ̨ilai now, gbɛɛ ɓə a pɛli mɛ̨i həɠəi? Ya pa, a ɲɛ̨i pili lɔiɠaa mɛ̨i, da nu kanŋaa.

Zôo 5:18

Yálá ɓə a mɔ̨nɔ̨ laa nu mɛ̨i, yɛ ɉəɠə mɛ̨i; Yaai a kɛ hɛn dɔɔi yɛ a kɛi nwolo.

Mąątɛ̨nɛ̨ 30:7

Ɛlɛɛ nwɛ́i, ŋą́ kɛ kpɔ a nwə́li pulu laɠiɛ, gɛ́ kɛ diɛ: «Hɛn da lɔpee hva mąąkpɛlin.

Mąątɛ̨nɛ̨ 6:2

Yai-Laa, 'hvo ɉútɔɔ a ə́ líiholiɛ ə́ kwəi, 'hvó hąŋąn mą́ą́, a ə́ líikələnŋąą ə́ kwəi.

Mąątɛ̨nɛ̨ 71:20

A Yɛ́i, yáá ku ɲɛ̨ikɔw kpɔlu a mɔ̨nɔ̨ da kwəi pili mąą, ə́ kaa pai nwɔ̨nɔ̨ pənəi, ə́ hvaŋą nįnɛ̨ pu kuɔ; ə́ kaa nwɔ̨nɔ̨ pai gúlɔi ɲąmuątaa yəi lɔi mu.

Ikilisiati 3:3

Paa ɓo kɛ yələ kaa mą, pala hali kɛ yələ yɛ ɓo mą. Pɛlɛ́ woloi yələ kaa mą, pɛlɛ tɔɔi yələ yɛ ɓo mą.

Azaya 17:7

Mąą yələi tii, nu a ɲɛ̨i tinɛ̨n gɛa ə ɉee bɛli mun bɔ pələ, yɛ Israɛlə nwɔ Mą́ą́həɠə mun gaa.

Azaya 2:3

Lɔi tamąą hu nuą kaa pai pai bɔ, di kaa pai kɛi diɛ: «Ka tɛɛ, gwə li Yai-Laa nwɔ yee ɓa, Ɉakɔbə nwɔ Yálá nwɔ pɛ́lɛ́i mu, ə gu kalan a mɛ̨nįi mąąnɛ̨ɛ̨ gu gɛ, kpaalə yii a vaa ɓo, gu tɛɛ la.» A tɛ̨ą, Siɔn daai ɓə Yai-Laa nwɔ tɔ́n nwoo ə həɠə laa, A tɛ̨ą, Ɉerusalɛmə daai ɓə nwoo a həɠə laa, yɛ həli guɔ.

Azaya 30:22

Mąą nįnįn ɉaɠaaɠaai da kɛ nwali ya pui diɛ, da yiiɠaai kwɛli yɔw nuą da bu, diɛ ɉɛni-yá pu diɛ, mąąnɛ̨ɛ̨ ka gəlee kaa a hɛn mąąliɓiɛɠaa, ka di pili, yɛ bələi da hɛn ɲɔ̨nwɔ̨ɔ̨ pili la ɛlɛɛ, yɛ́ diɛ: 'Ka kulɔ ɓɛ!

Azaya 30:26

Ɲąnin gaa pai kɛi lən ɉi yɛ hvóló, hvóló lən yɛ kɛnɛ̨ geemɛ̨i mɛ̨ihveelɛ, yɛ kɛ yɛ hvóló mɛ̨ihveelɛ ŋą kɛɛ pɔ̨nɔ̨ a pɛlɛ gee ɓa, gaa pai kɛi tii a ɓɛlɔwai Yai-Laa kaa pai nwɔ nuąi di wɔ palaɠaai hali kɛi la, di haɠai di mo, yɛ bala hali kɛ.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Ɉeremi 3:22

'Ka pənə! 'Ka pa! Ká kwɛli tee lonŋaa tii, gáá bɔ ŋį́ ka ɲaba lɔ kulɔ ka yee pɔ kpɔ tɛ̨ɛ̨tɛ̨ɛ̨. Kuɔ ka! Kwaa pa ə́ pɔ! A tɛ̨ą, yɛ́ ɓə a Yai-Laa kuɔ Yálá.

Ɉeremi 30:12

Yai-Laa woo ka, yɛ diɛ: Ə́ kala mɛ̨nį hvo pai ɉəɠəi mą, di hvo pai pɛli ə́ mąą nwąną palaɠaa hali kɛi,

Ɉeremi 30:17

Ə́ wɛi ŋą́ą́ gɔwɔ tɔɔ gɛ́ kɔ́lɔi pɔ̨nɔ̨ tɛɛ ə́ pɔ, gɛ́ ə́ wɔ palaɠaai hali kɛ. Hvo gaai, di kaa kɛa kɛi yɛ́: «Daa gulɔ lɔwɛi», Siɔn ka tii nu ta ɲɛ̨i hvo kulɔi bɔ. Yai-Laa woo li.

Ɉeremi 33:5

Di kaa pai gɔ́ woloi ŋą da Kalde nuą, kɛlaa yaamun, daai ŋɛ̨i laahvɛɛ mɛ̨nį lɔ ɓə a nu powa, a nuąi gáá pai di kɛlɛi nwɔ́ liiholii hu, da nwɔ́ liikələn gwəi hu. Mąąhɔlɔɓo, ŋą́ą́ búlu tinɛ̨n diɛ, di wɔ nɛ̨ŋɛ̨nŋaai kəlee mąą mɛ̨nį ɓa.

Ɉeremi 33:6

«Kɛlaa, gáá di hali kɛ mɛ̨nį hu wəleen ɉii, da di ɓalo mɛ̨nį. Ŋą́ di ɓalo, gɛ́ nwun na nɛ̨ɛ̨ da liilaa mɛ̨inɛ̨ɛ̨ kɛ diɛ.

Ɉeremi 50:4

Yai-Laa woo ka, yɛ diɛ: Voloi tii, nąąlɔwai kpɔ́ɔ́ kpɔɔ, Israɛlə nuą da Ɉuda nuą, di kaa pai a gee, di kaa pai, diɛ wɔlɔ, diɛ Yai-Laa kwɛli, yai a di wɔ Yálái.

Ɉeremi 50:5

Bələi a li Siɔn, di ka mąą mąąni kɛ kɛi, ɛlɛɛ, Siɔn pɔ pələ ɓə di ɲɛ̨i tinɛ̨nŋaa la. Di kaa pai, da Yai-Laa ni, di tɔɔi ə kɛ tɔ̨nɔ̨, diɛ mįnɛ̨ həɠə a yələ kəlee mɛ̨nį. Di hva kɛa lɛ̨ą mą, a yələ ta.

Woolaa 3:11

Aa ɲɛ̨nɛ̨ɛ̨ kɛ laa wala ɲə́i aa gbɛ́lɛɠɛlɛn hvaa hvo kpɛli kulɔ li ná.

Osia 11:10

Di kaa pai hvilɛn ɉii Yai-Laa pulu, gaa pai huluun ɉii yɛ yala, a kɛi pa huluun ɉii, lonŋąą kaa pai həɠəi hvóló tooi pələ, diɛ pa a gilɛ, di mąą yɛ kpɛlin.

Osia 12:6

«Yai-Laa Mɛ̨nį Kəlee ŋą Hééɓomun Yálái ti a Yai-Laa.» Bələ ɓə mąąnɛ̨ɛ̨ di vɛli la.

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Osia 14:4

Asiri lɔi hva pɛli ku ɓaloi, ku hvo kɛa pai tɛi hoo mɛ̨i, ɉɛnŋąąi ku yee a di pɛli, ku hva kɛa kɛ diɛ: ‹Ku wɔ yálá›, Ə həli tii Yɛ́, yɛ́i ya təli lon ɲɛ̨imąąwɛli kaa.»

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Levetekɔ 14:48

«Kɛlaa ɉaláá laa həli mun a lɔ a nąą mąąkpɛɛ, ɉɛn tii pɔɔ hu a wala kɛnɛ̨ bɛlɛ́ ɓa, bɛlɛ́ tɛɛ pulu, a mo yɛ tɔ́n və bɛlɛ́ ɓa. Mąąhɔlɔɓo, ɲɔ̨n tii kɛ bɛlɛ́ ɓa aa kpɛɛ.

Sofoni 2:1

'Ka ka nwun dɔɔ, ka ka kpɔwɔ mąąninkɛ! Ee kə, kaa ŋɛ̨i nwumɛ̨ hvo kaai.

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Samuɛlə dɔlɔɔ 2:6

Yai-Laa ɓə a nu paa, Yaa lɔ ɓə a nu ɓalo, nu a yɛɛ ɲąmuątaa, nu ə kulɔ laa.

Samuɛlə dɔlɔɔ 7:3

Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»