Osia 5:5 - Yálá laawoo hɛɓɛ (dc)

⁵ Israɛlə nwɔ kpɔwɔ ɲąąkɛnɛ̨i ɓə giti kalai mą, Israɛlə, da Ɛfraimə di wɔ nɛ̨ŋɛ̨nŋąąi ɓə di tooi, Ɉuda yaa kpɛlimąn, yɛ too, da diɛni.

Yálá laawoo hɛɓɛ

⁵ Israɛlə nwɔ kpɔwɔ ɲąąkɛnɛ̨i ɓə giti kalai mą, Israɛlə, da Ɛfraimə di wɔ nɛ̨ŋɛ̨nŋąąi ɓə di tooi, Ɉuda yaa kpɛlimąn, yɛ too, da diɛni.

Bible

⁵ Eezuɛ-ƃelai díyoŋka téɛɛi káa a sêre-faa nyii dɔɔ̂i dîa. Dísɔnyɔ̂ŋ-ŋai da gɛ́ da too. Zuda ǹyaa máŋ a pâi toôi.

Osia 5:5 Iomraidhean Croise

Hanwon 11:21

Mąąhɔlɔɓo, mįnɛ̨ həɠɛɛ lɔi kaa a nu haŋąąɠaa di wɔɔ. Diɛ ɓə da hee laa.

Hanwon 11:5

ya yili kɛ tii, pələi mąą nɛɛ ə́ ɲɔw la Yai-Laa ɓa, ya kɔ́lɔn, ya pɛli ma ə́ Yálá kɔ́lɔn,

Hanwon 14:32

Nwąnąlɔmun a too a nwɔ nwąnąlɔ kiliŋąhiɛ, Kɛlaa, tələnmomun nwɛi, ə mą kɛ haa yee kɔn ma, kilitɔɔi kaa ɲəi.

Hanwon 24:16

Mąąhɔlɔɓo, tələnmomun a pɛli mą tooi gee mɛ̨i mɛ̨ihveelɛ, yɛ muhəɠə, Kɛlaa, nwąnąlɔ nuą da di laanɔ̨nwɔ̨ ɓo mɛ̨nį ɲɔ̨n ɉu.

Hanwon 30:13

Nu taɠaa kaa laa, di ɲɛ̨i tɛɠɛ ɓo ɉuwɔ, diɛ nu kəlee kaa lɔ di nwuɔ̨ pələ!

Azaya 3:8

Ɉerusalɛmə aa kalin, Ɉuda lɔi yɛ too; mąąhɔlɔɓo, di ka lɔ Yai-Laa ɓɛlɛ too mɛ̨nį hu a di hvaa woo, da mɛ̨nįɠaai da kɛ naai mą.

Azaya 3:9

Di ɲɛ̨́i tɔɔ pələ ɓə a di mąą kɛla hvaa ɓo, di wɔ nɛ̨ŋɛ̨n tii tɔɔ di ɲɛ̨́i, yɛ bələi Sodomə ə gɛ la, di hva noo, di mąąwɛliɛi, diɛ mąąwɛli mɛ̨nį laa di kpɔwɔ ɓa.

Azaya 44:9

Hali pɛli nuą kəlee kaa lɔ a nu kpɛli kpɛliɠaa, ɉaliɠaai tii a di lííɓa hɛn, di tɔlɔ lɔpee hvo diɛ, ɉɛn di kilitɔɔ mą, hva mɛ̨nį kpaɠala kaa, yili mąą mɛ̨nį ɓa, nwumɛ̨ kaa pai tɛi diɛ.

Azaya 59:12

Mąąhɔlɔɓo kuɔ túwɔ́ pələ ɲɔ̨n damąąi kaa tɔɔnin ə́ lííla, ɛlɛɛ kuɔ hɔn ɲɔ̨nŋąąi diɛ ku kalamąɓo, tɛ̨ą li, kuɔ kulɔ nwoomu laa kanąnŋąąi lɔ kuɔ, ɛlɛɛ ku ku hɔnŋąąi tii kɔ́lɔn.

Ɉeremi 14:7

Yii kuɔ nɛ̨ŋɛ̨nŋaa kaa ku hɔn moi, Ə́ wɛ́i Yai-Laa ə́ kɛ mɛ̨nį kɛ ɉu; ə́ laa mąą mɛ̨nį ɓa A tɛ̨ą, kwaa lənə yɛ́ gee mɛ̨i pow lee pow, kwaa ku hɔn gɛ a yɛ́.

Ɉeremi 2:19

Dúwɔ́ pələ ɲɔ̨n tii ə́ gɛ, hvo kɛli ə ə́ hutɔɔ. Nɛ́ɛ́ ŋɛ̨i ə́ mo laa, hvo kɛli ə ə́ hutɔɔ. Ə́ lənə mɛ̨nį Yai-Laa ə́ wɔ Yálái ɓa, hvo kɛli yá ɉu mɔ̨nɔ̨ mį́i, ə lɛɛ, ə́ ɲąąnwąnąąi kaa da ɲɔ̨nwɔ pələ. Hvó gaai, mą́ą́ mɛ̨nį hva kpɛli kɛa ə́ mąą kpɛlin. Ɲą́ą́ Nąmu Yai-Laa Mɛ̨nį Kəlee ŋą Hééɓomun nwóó li!

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Osia 14:2

Israɛlə! Pənə ə́ pa wɛ, Yai-Laa ə́ wɔ Yálái pɔ, mąąhɔlɔɓo, ə́ kɛ nɛ̨ŋɛ̨n aa ə́ too.

Osia 4:5

Ə́ kaa pai kalin ɉii hvóló ŋą, ka Yálá kwəi mɛ̨nį hu kulɔ mun kaa kalin a kpinį, gáá pai ə́ kaa lee nwun na pilii.

Osia 5:14

Hvo lɛɛi yili ɓa, gáá pai kɛi yɛ yala Ɛfraimə ɓa, ŋį́ kɛ yɛ yala gbɔn, Ɉuda nwɔ pɛlɛ́i ɓa. A ɲą́ą́, ɲą́ą́ ɓə pai di ɓɛla ɓɛlai, yili pulu, ɉuwɔi ŋą́ ɉon, ŋą́ li la, ɛlɛɛ, nu ta hva pɛli gulɔi ɲə́i.

Osia 7:10

Israɛlə nwɔ kpɔwɔ ɲąąkɛnɛ̨ ɓə giti kala mą, Kɛlaa, di hvo pənəi di hvo pa Yai-Laa di wɔ Yálái pɔ pələ; mɛ̨nįɠaai tii di mą kɛ kɛi, di hvo di wɔ Yálái kwɛlii.

Osia 8:14

Israɛlə aa lɛ̨ą bɛlimun ma, aa gbɔwɔ nwɔ tɔɔ pɛlɛ́ɠaa tɔɔ. Ɉuda nwɛi, gaa nwɔ taaɠaai mąątinɛ̨n ɉii a di mąąkpɛ hįį. Kɛlaa, gáá pai nwɔ̨n bilii nwɔ taaɠaai hu, yɛ daa mąą kɔ̨nwɔ̨ pɛlɛ́ɠaa kələn.

Amɔsə 5:2

Israɛlə nuą kaa yɛ nɛ̨ɛ̨gbɛla yii hvo hulɔnu mɛ̨nį hu kɔ́lɔn, aa too yɛ a haa, gbɔɔ-kpɔɔ lɔi ɓa, hvo kɛa pai muhəɠəi, nu hvo nwɔ̨nɔ̨ ɲəi yii a muhəɠə.

Maafîu 23:31

Ka káá ka kpɔ mąą tɛ̨ą ɓoi, ka gɔlɔn gbɔ kaa, ka káá a Yálá kwəi mɛ̨nį hukulɔ nuąi paa nuą lonnii.

Lukə 19:22

«Tɔɔmun yɛ mą: ‹Kóló kɛmun ɲɔ̨nwɔ̨ɔ̨ ɓaa yɛ; ə́ woo tii ə́ mo ya lɔ ɓə gáá ə́ kiti teei mɛ̨i. Ə́ gɔlɔn gbɔ kɛ yɛ́, gáá a nui nwɔ mɛ̨nį walawala, ɓɛi və́ hɛn nąą li laa, nąą ɓə ŋą ɉəɠə laa; ɓɛi və́ tíi kɛ li laa nąą ɓə ŋą mɔ̨nun dee laa.