Osia 5:4 - Yálá laawoo hɛɓɛ (dc)

⁴ Di tuwɔ pələ hva pɛli gɛi, diɛ yali di pulu, diɛ pa Yálá pɔ, mąąhɔlɔɓo, wɛli mɛ̨nį kili ɓə di tənən dɔɔi, ɛlɛɛ, di hvo Yai-Laa kɔ́lɔn.

Yálá laawoo hɛɓɛ

⁴ Di tuwɔ pələ hva pɛli gɛi, diɛ yali di pulu, diɛ pa Yálá pɔ, mąąhɔlɔɓo, wɛli mɛ̨nį kili ɓə di tənən dɔɔi, ɛlɛɛ, di hvo Yai-Laa kɔ́lɔn.

Bible

⁴ Dítûa-pere-ŋai da gɛ́ dífa pɔ̂ri pâi pôlu Díɣâlai pɔ́. Kpɛ́ni fêi, wulu-wulu kɛ́-mɛni káa díkponôi dífe ŋ́gɔlɔŋ ńyãa Yâwɛɛ.

Osia 5:4 Iomraidhean Croise

Mąątɛ̨nɛ̨ 78:8

Ə gɛ di hvo pa nəi kɛ yɛ di nąnni; a nu huwu mąąkwɛli laa walaai tii, a kulɔ nwoo mu nuą, a nu huwui gili mąąhvalin naa nɛ̨ɛ̨, a diɛi di hvo kɛi di kilitɔɔ Yálá ɓa.

Mąątɛ̨nɛ̨ 9:10

Nuąi di kaa di mɔ̨nɔ̨ɓoi, Yai-Laa, kɛ a di mąą kɔ̨nwɔ̨ taa, a di mąą kɔ̨nwɔ̨ taa, a mąąwɛli yələɠaa.

Ɉeremi 24:7

Gáá pai kili tɛɛi di pɔ, diɛ pɛli gɔ́lɔn ɉii la, diɛ kɛ diɛ: Ɲą́ą́ ɓə gáá a Yai-Laa diɛ ɓo a nwɔ nuą, ɲą́ą́ ɓə a di wɔ Yálá; mąąhɔlɔɓo, da pənə di pa bɔ a di kwəi kwəlɛɛ.»

Ɉeremi 50:38

Gɔ kɔ́ ɓɔwa, ə hee nwɔ yaɠaai hu, daa kpala. Mąąhɔlɔɓo, aa lɛɛ a mąąnįnįn ɉaɠaa lɔi, a nu mąąnįnįn ɉaɠaaɠaai daa di kili kulɔ di yəi.

Ɉeremi 9:24

Yai-Laa yɛ diɛ: Yələ ta, gáá pai kpɔ lii kɔ́lɔ ɓa kɛ́nɛ̨ laa hu!

Ɉeremi 9:6

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: Gáá pai di mąąhəɠəi a nwɔ̨n, ŋį́ di mąą waa. A tɛ̨ą, gáá pai gɛ́ mɛ̨nį kɛi nwɔ́ nuą kili ɲɔ̨nwɔ pələi ŋɛ̨i hu.

Osia 13:13

Kwəi nwąną kaa pai yilii lon gaa nɛ̨ɛ̨nu ɓa, nwɛi, lon ɉulɔnu li, yii hvo mɛ̨nį ta hon bələ kɔ́lɔn; ba yələ aa həli, kɛlaa, hvo gɛi hvo kulɔ nee kwəi.

Osia 4:1

Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Osia 4:11

Lɔɔ da wɛli mɛ̨nį daa di nwun ɉu lan.

Osia 4:12

Ɉɛn nwɔ́ nu huwui a mąąnikɛ, ya ɓaa a nwɔ wului, ɛlɛɛ, nwɔ wulu wonwoi ɓə a gili ɲą pɔ̨nɔ̨, mąąhɔlɔɓo, wɛli mɛ̨nį a nwun ɉu lan, ɛlɛɛ, daa lɔ wɛli mɛ̨nį hu, diɛ kulɔ la di wɔ Yálái, woo mu.

Osia 4:14

Və́ pai tɔɔi, gɛ́ ka lonnii nɛ̨ąą di wɔ wɛli mɛ̨nį, mąąnigɛ diɛ, da ka lon nɛ̨ąni di wɔ wɛli mɛ̨nį, mąąhɔlɔɓo, ɉaláá laa həli nuą, da kɛ kulɔi kpinįi da wɛli kɛ nɛ̨ąą, ɛlɛɛ, da diɛni diɛ ɉaláá kɔ̨nɔ̨n mįi gee ɓa, bələ ɓə lɔi yii mɛ̨nį kɔ́lɔn gili hvo ɉu, vilɛnŋąąi la nwun na pili pələ mɛ̨i.

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Osia 7:11

Ɛfraimə kaa a tonwələn mowo laa nɛ̨ɛ̨, hva giliŋą hiɛ, di kaa Eziptə təlii, diɛ li a gilɛ Asiri pɔ pələ.

Osia 8:11

Ɛfraimə aa ɉaláá kulɔiɠaa tamą, nɛ̨ŋɛ̨n ɉəɠə mɛ̨nį ɓa, ɛlɛɛ ɉaláá kulɔiɠaai tii daa kɛ ɲəi a nɛ̨ŋɛ̨n ɉəɠə nwun.

Ɉaan 16:3

Di kaa pai kɛi túwɔ́i tii, mąąhɔlɔɓo, di hvo Ną́n gɔlɔn, di hvo nwɔ̨nɔ̨ ɲą́ą́ gɔ́lɔn.

Ɉaan 8:55

Ka hvo gɔlɔn, kɛlaa, nwɛ́i ŋą́ gɔlɔn. Akɛ ŋą́ kɛ diɛ: ‹Və́ Ną́n gɔlɔn›, ŋą́ kɛ a lɛɛ mun yɛ bələi ka káá la. Kɛlaa, ŋą́ gɔlɔn, ɛlɛɛ, ŋą́ nwoo hon.

Samuɛlə dɔlɔɔ 2:12

Eli lonnii di kɛ a nu kpoloonŋaa, Yai-Laa mąą mɛ̨nį hvo kɛ di ɲɛ̨i ɓa a hɛn da.