Osia 5:3 - Yálá laawoo hɛɓɛ (dc)

³ Nwɛ́i, ŋį́ Ɛfraimə kɔ́lɔn, ɛlɛɛ Israɛlə hvo loo li mą́ą́. Yɛ́i a Ɛfraimə, ə́ yee tooi ə́ mo wɛli mɛ̨nį hui, Israɛlə mąą ə luwu ɉu.

Yálá laawoo hɛɓɛ

³ Nwɛ́i, ŋį́ Ɛfraimə kɔ́lɔn, ɛlɛɛ Israɛlə hvo loo li mą́ą́. Yɛ́i a Ɛfraimə, ə́ yee tooi ə́ mo wɛli mɛ̨nį hui, Israɛlə mąą ə luwu ɉu.

Bible

³ Ŋa Eezuɛ kɔ́lɔŋ, va pɔ̂ri ǹoôi ḿâ. Óo Eezuɛ, ƃa wulu-wulu kɛ́, ímaa fé waa ní ḿvɛli mɛni ma.”

Osia 5:3 Iomraidhean Croise

Azaya 7:16

Gɛɛ nokoloi tii hvo pɛli lənəi mɛ̨nį ɲɔ̨n ma, yɛ nɛlɛɛ kɛ, dɔɔɓɛlaa hveelɛi ŋɛ̨i ə́ kaa ɲɔwii diɛ, di wɔ lɔi a kɛ kɛa a gboloon.

Azaya 7:17

Kɛlaa, yɛ́ ka ə́ nąn nonnii, da ká ə́ wɔ lɔi hu nuą ka wɛi, Yai-Laa kaa pai hvólóɠaa hɔɔi ka mɛ̨i, yii ɉuwu ta hvo ta muhəɠə li tii, ə həɠə ɲələi Ɛfraimə lɔi da Ɉuda lɔi di di ɓɛlaɓo la. Asiri tɔɔmun.»

Azaya 7:5

Yii Aramə da Ɛfraimə, ɛlɛɛ Remaliahu lon daa ə́ nwun na pili mɛ̨nį tee di kwəi, diɛ kɛ mą:

Osia 1:2

Yai-Laa ə pələ ɓo Ose ɓa, Yai-Laa yɛ Ose ɓa: «'Li nɛ̨ɛ̨nui a gbɔwɔ lɔwɔ́tɔɔ hinąą diɛ, bɔ, ɉəɠə a ə́ nɛ̨ą, ə́ wɛli lonnii kaa mą, mąąhɔlɔɓo nɔi yee kaa lɔ túwɔ́ pələ ɲɔ̨n ɉu; a bulu tinɛ̨n aa mo Yai-Laa ɓa.»

Osia 12:1

Ɛfraimə kaa gílí ɲąą pɛlɛi a lɛɛ, Israɛlə nwɔ pɛlɛ́i yɛ mówo, Kɛlaa, Ɉuda kaa ni Yálá pulu, ganąn ŋąą ni yələkɔlɔn ɉu Yálá ɓa.

Osia 13:1

Ɛfraimə a kɛi kɛ mɛ̨nį ɓo, di kɛi ɲɔw mą Israɛlə lɔi hu, kɛlaa Baalə mąą mɛ̨nį hu, ə ɉɔn gɛ, ə ɉu haa ɓo.

Osia 13:5

Ɲą́ą́ nwɛ́i, ŋį́ ə́ kɔ́lɔn nɔi pun ɉu, nwəleen nɔi tii hu.

Osia 5:11

Ɓɛlɛ a kpɛɛ Ɛfraimə ɓa, giti aa mąą mɛ̨nį pili ɉu, mąąhɔlɔɓo, aa gɛ a wəlii kpɔlɔ, yɛ gbɔwɔ tɔ́n bulu.

Osia 5:13

Ɛfraimə aa nwɔ ɲɔ̨n kaa, Ɉuda yaan, aa nwɔ palai kaa; Ɛfraimə aa li Asiri pɔ pələ, ɛlɛɛ, aa kɛla tɔɔ dɔɔmun gɛnɛ̨ pɔ. Kɛlaa, gáá moi kaa: Hva pɛli ka ɓaloi, hva pɛli ka wɔ palai hali kɛi.

Osia 5:9

Ɛfraimə kaa pai kɛi a lɔi pun, a ɉu tɔɔ yələ. Gáá gbɛa yili hu kulɔi Israɛlə pɛlɛ́ɠaa diɛ, yili hva ɉəɠə mą.

Osia 6:10

Ŋą́ą́ mɛ̨nį ɲɔ̨nwɔ̨ɔ̨ kpɛa-kpɛa kaa Israɛlə nwɔ pɛlɛ́i mu, nąą ɓə Ɛfraimə a nwɔ wɛli mɛ̨nįi kɛ laa, Israɛlə mąą yɛ liɓi la.

Osia 6:4

Lə ɓə ŋą́ pɛli gɛi a yɛ́ Ɛfraimə? Lə kpɔ ɓə ŋą́ pɛli gɛi a yɛ́ Ɉuda? Ka wɔ tələnmolaa kaa lɔ yɛ nąląąn a pu yələ wala pɔ, ə ɓo yɛ yələ ɓɔi nɛ̨n ɲá, yai hva lamun laakpala ŋą.

Osia 8:11

Ɛfraimə aa ɉaláá kulɔiɠaa tamą, nɛ̨ŋɛ̨n ɉəɠə mɛ̨nį ɓa, ɛlɛɛ ɉaláá kulɔiɠaai tii daa kɛ ɲəi a nɛ̨ŋɛ̨n ɉəɠə nwun.

Amɔsə 3:2

«Lɔi mɛ̨i heeɓo nuą kəlee lɔwai, kaa tɔ̨nɔ̨ gbən ɓə ŋį́ ɲɛ̨́i lɛlɛɛ hee kaa, yili mąą mɛ̨nį ɓa, mɛ̨nį ɲɔ̨nŋąąi kpɔ kaa gɛ, ka káá pai gwɛlan mo kɛi mą́ą́.»

Amɔsə 5:12

Mąąhɔlɔɓo, ɲą́ą́ Yálá, ka wɔ nwąnąlɔ túwɔ́ɠaa tii, ŋį́ gəlee kɔ́lɔn. Ka kɛ nɛ̨ŋɛ̨n damąą tii, gíli kaa gəlee hu. Nui hɔn və mą, ka káá a mąą nu ɲowo, nɔgwəi hɛn mə ka ka yee hee mu. Ka wɔ kiti tee pɛlɛ́ɠaai mu, ka hva tɛ̨ą tɛɛ yee hvowolo mun bɔ.

Dutɛrɔnome 33:17

Ɓáá ə lɔ Ɉosɛfə ɓa, ya ɓə gaa a nįŋɛ̨ hilɛ lon dɔlɔɔ tɔlɔɔ. Mįnɛ̨ɠaa kaa yɛ lán mįnɛ̨, ya ɓə gaa pai kɛi nuą tuwɔi la, yɛ nuą kpala kpɛ yɛ li a diɛ lɔi kpɛlai. Mįnɛ̨ tɔ̨nɔ̨ kaa a Ɛfraimə nwɔ kɔlaɠa waa nwun damaa, dɔ̨nɔ̨ yɛ ɓo a Manase nwɔ nu kpulu.»

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

M̀ɛni-lɛɛi 3:15

Ŋą́ ə́ kɛ-mɛ̨nįɠaa kɔ́lɔn, hvó laɠi lii, hvó nwɔ̨nɔ̨ hulɔ li. Ə́ kaa lɔ tii, hvó laɠi lii, hvó hulɔ lii!