Osia 5:1 - Yálá laawoo hɛɓɛ (dc)

¹ Kaai a ɉaláá laa həli nuą, 'ka ka wəli tɔɔi ə́ wəli tɔɔ a nɛlɛɛ, Israɛlə nwɔ pɛlɛ́i, Kaai a dɔɔ pɛlɛ́ mu nuą, 'ka ka wəli tɔɔ a nɛlɛɛ! Kaa ɓə kiti kaa ka mɛ̨i; mąąhɔlɔɓo, ɓɛ kaa kɛ a hɛlɛn Mispa, da ɓaaləi daa dɛ Tabɔrə yee nwuɔ̨.

Yálá laawoo hɛɓɛ

¹ Kaai a ɉaláá laa həli nuą, 'ka ka wəli tɔɔi ə́ wəli tɔɔ a nɛlɛɛ, Israɛlə nwɔ pɛlɛ́i, Kaai a dɔɔ pɛlɛ́ mu nuą, 'ka ka wəli tɔɔ a nɛlɛɛ! Kaa ɓə kiti kaa ka mɛ̨i; mąąhɔlɔɓo, ɓɛ kaa kɛ a hɛlɛn Mispa, da ɓaaləi daa dɛ Tabɔrə yee nwuɔ̨.

Bible

¹ “Óo zâla láa soŋ-ƃelai, ka káwoli tɔ́ɔ! Óo Eezuɛ-ƃelai, ka káwoli tɔ́ɔ! Ka káwoli tɔ́ɔ, káai a gâloŋ ŋɔpɛ́rɛi mu-ƃelai! M̀ɛni ŋáa téeɛi ŋí tɔɔ̂i kâa. Kpɛ́ni fêi, ka nâa kɛ́ a ƃáre Mesipa taa-leei su, ká ƃò nâa a tuma Tabɔ Yeei mɛi kpɛ́ni fêi káa ƃé ka ǹûai kɛ́ díkɛ Ɣâla da kpɛ́ni-ŋa fɛ̀li naa.

Osia 5:1 Iomraidhean Croise

Ɉeremi 11:7

Ŋą́ mo kpɔ ka nąnni diɛ kpaan, ə həɠə ɲələi ŋį́ di kulɔ la Eziptə lɔi hu, ə həli la háákələi ɓa, ŋį́ kɛi mo diɛ kpɔ a nwą́nąąi, gɛ́ kɛ diɛ: 'Ka ka wəli tɔɔ nwóó ɓa!

Ɉeremi 13:18

'Mó dɔɔmun da dɔɔmun nee diɛ, yɛ diɛ: Ká hee pɔlɔ hu nɔi ɓa! Mąąhɔlɔɓo, ka wɔɔ tɔɔɓɔlɔ ɲɛ̨i tɔɔi, aa kulɔ ka nwuɔ̨ aa too!

Ɉeremi 46:18

Akɛ kpɔ gáá a vulú, dɔɔmun da kɛ mą: Yai-Laa Mɛ̨nį Kəlee ŋą Hééɓomun nwoo li! Gáá pai yɛ bələi Tabɔrə yee kaa la yeeɠaa lɔwai, yɛ bələi Karmɛlə yee hɛlɛn ŋąą la gboloyá mɛ̨i.

Osia 10:15

Mɛ̨nįi tii ɓə Betɛlə kaa pai nąą kaai, ka wɔ kili ɲɔ̨nwɔ̨n gwəi laa mąą mɛ̨nį ɓa, gɛɛ yələ hvo ɓɔ, Israɛlə tɔɔmun nwɔ yɛnɛ̨ɛ̨ a kɛ a gbɛɛ.

Osia 13:8

Gɛ́ wolo diɛ yɛ kwɛli haai daa nonnii kulɔ ɲəi; gɛ́ di líí kulɔ di kwəi, gɛ́ lɛɛ laa, gɛ́ di mįi yɛ yala haa, lɔwɔ huwɔɠaa diɛ di hu hɛɠɛ-hɛɠɛ.

Osia 4:1

Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Osia 6:9

Ɉaláá laa həli nuą kaa nuą paai Sisɛmə pələi pɔ, yɛ nu kpulu a hee dɔwɔ kɛ, mɛ̨nį ɲɔ̨n gɛnɛ̨i di yee kaa ɉu, ya ka tii.

Osia 9:8

Ɛfraimə mąąkpɛmun, da nwɔ́ Yálái ɓə, Yálá kwəi mɛ̨nį hu kulɔmun mə, daa ɓaalə tɛ dɔwɔ, pələ kəlee hu, wɛlikpɛɛ mąą kaa nwɔ Yálái yəi bɛlɛ́n.

Zooɛ 1:2

Nu pɔlɔɠaa, 'ka nwóó ŋɛ̨i mɛ̨n, ka ka wəli tɔɔ kaai a nɔi hu nuą. Mɛ̨nįi ŋɛ̨i ta aa ta kɛ ka wɔ yɛnɛ̨ɛ̨ hu? A wala kɛ tii, ka nąnnii di wɔ yɛnɛ̨ɛ̨ hu?

Amɔsə 3:1

'Ka ka wəli tɔɔ Israɛlə nuą, kaa ŋɛ̨i Yai-Laa ə ka kulɔ Eziptə lɔi hu luwɔlaa hu ə pa a kaa, Yai-Laa yɛ:

Amɔsə 7:9

«Ɓɛiɠaai kpɔ Isaakə huwu a kɛ hali kɔ́i laa, gáá nąą kəlee taɠai. Gáá Israɛlə nu huwu di wɔ haláá kulɔiɠaa taɠai, ɛlɛɛ, ŋį́ pɛlɛ Ɉeroboamə yəi bɛlɛ́n nuą diɛ a kɔ́.»

Mise 3:1

Ya ɓə ŋą́ kɛ kaa: 'Ka ka wəli tɔɔ! Ɉakɔbə nwɔ pɛ́lɛ́i ɲąąwooɓo nuą; Israɛlə nwɔ pɛ́lɛ́i mɛ̨i kaa nuą. Kaamun və kɛ mąąnɛ̨ɛ̨ ka tɛ̨ą kɔ́lɔn?

Mise 3:9

Ka ka wə́li tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i ɲąąwooɓo nuą, Israɛlə nwɔ pɛ́lɛ́i ɲɛ̨itɔwɔ nuą, a kaai ŋɛ̨i tɛ̨ą wɛli kpɛɛ kaai, kaa mɛ̨nį haŋąą kəlee kpɛlaan.

Mise 7:2

Kulɔ nwooɓamun aa kpɛɛ nɔi hu, tələnmomun və kɛa nuą lɔwai; di kəlee daa hɛlɛn dɛ ɲąmą pu mɛ̨nį ɓa, nu kəlee yɛ ɓaalə tɛ gaayɔwɔ tɔwɔ.

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Malasi 2:1

Ə həli kɛa kaa, kaai ɓaa ɉaláá laa həli nuą. Gáá ka kili pui ɉu, gɛ́ kaa:

Nwun mąąɓo 4:12

Di mo Sisera ɓa, diɛ mą: «Avinoamə lon Barakə aa tɛ Tabɔrə yee ɓa.»

Nwun mąąɓo 4:6

Debora ə Avinoamə lon Barakə təli, yai kɛ a Kɛdɛsə, Nɛftali lɔi hu mun. Yɛ mą: «Yai-Laa Israɛlə nwɔ Yálá, yii ə mo ya ka, yɛ: ‹Ə́ li ə́ nu waa pow ŋąąkpɔn Tabɔrə yee ɓa, ya di həɠə Nɛftali lonnii da Zabulɔn lonnii di lɔwai.

Samuɛlə dɔlɔɔ 7:16

Kwɛlan dɛitɛi yee mu, ə kɛi lia tɛɛ daaɠaa hu, Betɛlə, Gilgalə, Mispa, yɛ Israɛlə mąą mɛ̨nįɠaa ɲɛ̨i kulɔ daaɠaai tii hu.

Samuɛlə dɔlɔɔ 7:5

Samuɛlə yɛ diɛ: «Israɛlə nuą, ka kəlee ka ká ŋąąkpɔn Mispa daai, ŋą́ ka mąąnɛ̨ɛ̨ maa hvə Yai-Laa ɓa.»

Samuɛlə dɔlɔɔ 7:6

Di di ŋąąkpɔn Mispa daai, di ɲálaɠi laa da Yai-Laa ni di lɔwai, di hinnɔ a volói tii, di mo gɛɛnąą tii, diɛ kɛ diɛ: Kwaa nɛ̨ŋɛ̨n ɉəɠə Yai-Laa ɓa. Di Samuɛlə hee a Israɛlə ɲąąwooɓomun Mispa.