Osia 4:8 - Yálá laawoo hɛɓɛ (dc)

⁸ Daa pilɛ nwɔ́ nu huwui nwɔ nɛ̨ŋɛ̨nŋąąi hu, diɛ di ɲɛ̨i kulɔ nwɔ nɛ̨ŋɛ̨nŋąąi pɔ.

Yálá laawoo hɛɓɛ

⁸ Daa pilɛ nwɔ́ nu huwui nwɔ nɛ̨ŋɛ̨nŋąąi hu, diɛ di ɲɛ̨i kulɔ nwɔ nɛ̨ŋɛ̨nŋąąi pɔ.

Bible

⁸ Tãi nɔ́ zâla láa-soŋ-ƃelai díkaa mɛni lɛ́lɛɛ sɔlɔ ƃôi ŋánûai dísɔnyɔ̂ŋ kɛ́ɛ su a sâla sãa támaa sɔlɔ ƃoɔɔi, díkaa ŋ̀wɛ̂lii a gɛɛ ŋánûai díkɛ nɔ́ sɔnyɔ̂ŋ támaa kɛ̂i.

Osia 4:8 Iomraidhean Croise

Tɔɔɓɛlaa veelɛ 12:16

Nuąi di kɛi nwaliɠaa tɛɛ di pɔ, góló kɛ nuą hvɛla kulɔ mɛ̨nį ɓa, di hvo kɛi di mąąni kɛ nwali mɛ̨nį hu, mąąhɔlɔɓo, di kɛi ɉon a nɛlɛɛ.

Mąątɛ̨nɛ̨ 24:4

Nui hɔn ɲɔ̨n və ɲee pɔ, nii hu mąąhəɠɛɛ, hva Yálá kɛ a kɛla lɛɛ mɛ̨nį hu, ɛlɛɛ, hva gwɛla nu ɓowo mɛ̨nį ɓa.

Mąątɛ̨nɛ̨ 25:1

Davidə nwɔ wələ woo. Yai-Laa, ə́ pɔ pələ ɓə ŋą́ ɲéé haŋąn na.

Azaya 56:11

Ɛlɛɛ, di kaa lɔ nwɔ̨nɔ̨ a yilɛɠaai di kwaną wolo hu kɛnɛ̨ɛ̨, di hva pɛli kɛi diɛ: «Aa pɛli.» Ɛlɛɛ, diɛ ɓə a daatɛlɛɛ pulu nuą, di hva mɛ̨nį kpaɠala kaa, di kəlee di ɲɛ̨i haŋąą lɔ di kpɔwɔ pələɠaa pɔ pələ, diɛ li ɓɛi di wɔ tɔ̨nɔ̨ kaa laa; diɛ hvo kɛi lɔ da ɉɔlɔɓo.

Izikiɛ 14:3

Hulɔnu lon, nuąi ɲɛ̨́i daa di wɔ haliɠaai lɔ di nį́į́ pɔ, ɉɛn pai di tooi nɛ̨ŋɛ̨n ɉu daa di yee kąnąn mą. A kɛ ti ŋą́ pɛli mɔ̨ɔ̨ di lɛɛi laa diɛ di nwun dɔɔ a ɲą́ą́?

Izikiɛ 14:7

Nui lɔpee yɛ ə kɛ a Israɛlə nwɔ pɛlɛ́i mu mun da, yɛ ə kɛ a nwɛą yii gaa heeni Israɛlə lɔi hu, a mąą kwɛa mą́ą́, ə hali mɛ̨nį hee nį́į́ hu, ɉɛn pai dooi nɛ̨ŋɛ̨n ɉu ə ɲee kąnąn mą; yili a tɔɔ yɛ pa gwə́i mɛ̨nį hu kulɔmun mąąni kɛi, ɲą́ą́ Yai-Laa, ɲą́ą́ gbinįi ɓə ŋį́ nwoo pulu pənə.

Osia 10:13

Kili ɲɔ̨nwɔ̨ɔ̨ ka ɉin, ka nɛ̨ŋɛ̨n ɉɔlɔɓo, mai ka ɉɔlɔɓo kaa mįi, ya ɓaa lɛɛ, ə́ ə́ kilitɔɔ ə́ hvaŋą kɛnɛ̨ pələ ɓa, da ə́ wɔ kɔ́ kuláá kpului.

Osia 12:8

Nu ɓowo hɛn gɔwɔn gəgən mə ka yəi, yɛ bələi gaa la Kanaan yəi, hvulu wɛli kaa mą.

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Levetekɔ 6:22

Nui lɔpee gaa a ɉaláá laa həli mun da, a pɛli da mįi, hɛn mąąhəɠɛɛ li.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Malasi 1:10

Yii viɛlaɓoɔ, ya ɓaa: ka tɔ̨nɔ̨ ə li, ə nwɔ́ pɛlɛ́ laa kpulu, ə gɛ, ka hvo pa kɛ lɔ lii laa, kaa nwɔ̨n ɉee nwɔ́ haláá kulɔi tii ɓa, a kpɛli. A tɛ̨ą, və́ kpɛli bɔ, və́ ka káá ɉaláá kulɔi, gu hvomun kɛ, ka wɔ haláá hɛnŋaa. Yili wɛli hvo mą́ą́. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Taitɔ 1:11

'Hvo kɛli, ə́ di laa kpulu. Da kɛ pɛlɛ́ tamąą mu kɛi wulu-wulwu, diɛ nuą mąąkwɛli, əgɛ, di hvulu hɛn ɉɔlɔɓo, yili yaan mąą hvo nɛ̨ɛ̨li.

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.

Samuɛlə dɔlɔɔ 2:29

Lə ɓə kɛ yai ka káá tɛɠɛɓoi nwɔ́ haláái hu, da gɔ́ hɛnŋaai ŋą́ vaaɓo nuą diɛ ɲəi bɛlɛ́n? Lə ɓə kɛ yai, yá nwumɛ̨ ə́ lonnii diɛ, yɛ di hviɛlaɓo mą́ą́? Lə mɛ̨nį ɓa ka koo kaa laai ka ŋą a nwɔ́ nu huwui Israɛlə nwɔ haláá hɛn nɛ̨ɛ̨mun?