Osia 3:4 - Yálá laawoo hɛɓɛ (dc)

⁴ Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Yálá laawoo hɛɓɛ

⁴ Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Bible

⁴ Bere sîi tɔnɔi ŋí nɔ́ ƃé a pâi kɛ̂i la a Eezuɛ-ŋai. Dí fé pâi ŋɔ́nɔ kɛ̂i kâloŋ da mu kpaa máŋ díkɛ kâloŋ loŋ da mu a tãi su kôya. Dífe pâi sâla kulâi sɛŋ da kpɛ́ni ma, kpaa máŋ kɔni. Sâla láa soŋ nûu fé pâi tela kɛ̂i díyêei.”

Osia 3:4 Iomraidhean Croise

Zɛnɛse 31:19

Laban ə həɠə yɛ li nwɔ ɓɛlaaɠaai ləɠa mɛ̨i teei. Nąąlɔwai Rasɛlə ə nąn ɲəi bɛlɛ́n ɉalə ta həɠə bulu.

Zɛnɛse 31:34

A mɛ̨nį gɛ, Rasɛlə ɓə ɉaliɠaai tii həɠə, ə nɔ ɉoo pulu kpəlin mu, ə hee mɛ̨i. Laban ə bɛlɛ́n gəlee kaa, hvo hɛn da kaa.

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Samia Veerɛi 6:14

Davidə ə kɛi mąną yɛ kɔ̨nwɔ̨ kpɔ a neelee Yai-Laa lííla. Kilɛn ɉəɠə lɔ ɓə kɛ gwąną, gbulɔn ŋąą ləŋəi.

Tɔɔɓɛlaa veelɛ 23:24

Dɔ́n ɉɛɓɛ́i ŋɛ̨i jalaa laa həli mun Hilkiyahu ə gaa Yai-Laa hee pɛlɛ́ mun, ə gɛ tɔɔmun Ɉosiasə ə ɉɛɓɛ́i tii hu mɛ̨nįɠaa hon; nuą kɛi ɲąmuątaa tɔlukpɛ, da tɔlukpɛ nuą takpɛliɠaa, ə mą kɛ mąąnįnįn ɉaɠaa da hali takpɛliɠaa yii mɛlɛ kpɛɛ mą, gɔhɔɓoɔ. Ɉosiasə ə nuą tii pa ə ɉaliɠaa hu kala Ɉerusalɛmə daai. Da Ɉuda lɔi hu na kəlee.

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Lɛɛ gbɔwɔ ɓa 28:4

Ɉəɠəɠaai mąąnɛ̨ɛ̨ di ɉɔlɔɔn, gɛ pələ ka: Gəŋə mɛ̨i həɠə, kilɛn ɉəɠə, həɠə kwɛaa da mɛ̨i həɠə mąą puɔ gɔwɔ la, nwuɔ̨ ɓɔlɔ, da ɉąą yili həɠəɓɛla. Di haláá kulɔ həɠəɠaa pɛli ti ə́ liɛ Aarɔn da nonnii diɛ, diɛ haláá kulɔ la mą́ą́.

Lɛɛ gbɔwɔ ɓa 28:6

«Da gəɠə mɛ̨i həɠə mąąpu a hɛni, ɲeekali yɛ ɓo a viliiɓoɔ, gbɔluɔ mu tɛɠiɛ gbɔluɔ gbələ tətə di gɛ a yɛlɛ.

Woolaa 2:9

Siɔn kponŋaa kəlee daa lɛɛ pɔ́lɔ mu, naa kpulu kwɛliɠaa kəlee hu aa yali yali. Dɔɔmun da nwɔ kalanɉonŋaa daa lɛɛ nu takpɛliɠaa yee mu. Yálá kwəi mɛ̨ni hukulɔ mɛ̨ni hvo kɛa ɉu laa. Yálá hvo kpɛli kɛa gwəi mɛ̨ni lɛi gwəi mɛ̨ni hukulɔi nuą diɛ.

Izikiɛ 19:14

Kɛlaa, nwɔ̨n ə kulɔ nwonwo lon ɉu, ə nwonwoɠaa da maɠaa kəlee kələn. Viɲə kpɔmɔi tii nwonwo ta hvo kɛa laa a ɉuwala walaa, yɛ pɛli kɛi a tɔɔ tunwɔ̨n. Wɔlɔ woo li, da doo a wɔlɔ wələ.

Izikiɛ 20:32

«Mɛ̨nįi ka káá ká kiliŋąhiɛi mą, hvo pai kɛi, yai ka káá kɛi la diɛ; ku kaa bɔ ku kɛ yɛ lɔi takpɛliɠaa; yɛ yɛnɛ̨ɛ̨ nu huwu takpɛliɠaa, kuɔ wulu da kwɛniɠaa di kɔ́.

Izikiɛ 21:21

Ɓa-mįi-yee hu pələ, kɛɓɛyee hu pələ, ɓɛi lɔ pəə ya ə́ ɲɛ̨́i tinɛ̨n naa nąą ə lɛɛ a ɓɔwa kwɛaa laa lowo.

Izikiɛ 21:31

Yai-Laa, Yálá woo ka: Di kaa pai mɔlɔ kulɔi, di dɔɔɓɔlɔ kulɔ di nwuɔ̨; mɛ̨nįɠaa kɛ pələ hvo kɛa pai kɛi yɛ bələi ə kɛi kɛ la; yii kɛ mąą yɛɛ, di dɛ; yii mąą tɛɛ, di mąą yɛɛ.

Danîa 11:31

Yai tii, gaa pai kɔ́kulááɠaa tɔɔi, ə gɛ, di kɔ́ pɛlɛ Yálá nwɔ taai ŋɛ̨i mąątínɛ̨n ŋąą a hįi ma, di kaa pai mɛlɛkpɛɛ ma. Ɉaláái ŋɛ̨i da gulɔ Yálá ɓa a hvoló kəlee, di kaa pai tɔ́n dɔɔi yili ɓa, di ‹mɛ̨nį kɔ́hɔɓoɔ laa ɉaláá kulɔi.›

Danîa 12:11

Ə həɠə volói ŋɛ̨i di hvo kɛa pai haláá kulɔi la Yálá ɓa a hvoló kəlee, ə həli volói di kaa pai mɛ̨nį kɔ́hɔɓoɔ kaai la ɉaláá kulɔi, hvóló waa tɔ̨nɔ̨ pulu nwun veelɛ yee mɛ̨inąąn (1290) ɓə pai kulɔi ɉu.

Danîa 9:27

Gwɛlan mɛ̨ihveelɛ lɔwai tii yee mu, da nu kpulu kɛnɛ̨ di kaa pai mįnɛ̨ walawala həɠəi. Kwɛlan ɉaaɓa da gbulɔ yee mu, gaa pai gɛi haláá kulɔ mɛ̨nį da Yálá kɔ́ mɛ̨nįɠaa hu. Gɛɛ kalamun gɛnɛ̨i tii kaa pai nwɔ mɛ̨nį ɲɔ̨nŋaai tii kɛi kpɔ a mąąhulaa, gɛɛ nɔwai ŋɛ̨i di ɲɛɠɛ ɉu hvo kɛ həlii ma.»

Osia 13:10

Ə́ wɔ tɔɔmun gaa mį, ə ə́ ɓalo ə́ wɔ taaɠaai kəlee hu, ə́ nwun mąąɓo nuą, a diɛi ə́ kɛli kɛ diɛ: «Tɔɔmun dɛɛ bɔ́ da ɲɛ̨itɔwɔ nuą»?

Osia 13:11

Ŋą́ tɔɔmun dɛɛ ə́ pɔ lííholi hu, lííkələn gwəi hu, gɛ́ pənə gɛ́ ɉəɠə.

Osia 2:11

Yili maą mɛ̨nį ɓa, gáá pai pənəi ŋį́ nwɔ́ mɔ̨nun həɠə ɲəi, ɲələ a həli, da nwɔ́ lɔɔ nɛ̨ɛ̨i, a ɲələi ŋą́ kɛ la bɔ, gɛ́ nwɔ́ həɠəɠaai kulɔ ɲəi, diɛi tii kɛi mąąkpulu.

Levetekɔ 8:7

Ə ɉəɠə mu həɠə too Aarɔn kwąną, ə ɉąą yili kɔ́lɔ yili nəŋəi, ə ɉəɠə kwɛa too gwąną, ə gilɛn ɉəɠə too gwąną, ə gilɛn ɉəɠə mɛ̨i həɠə ɓɛla kɛ mą, ə gbulɔn galan bulu.

Zakari 10:2

Hvo gaai, haliɠaa daa hvaa, nu hvo ɲąą kaa li, ɛlɛɛ, dɔlu kpɛ nuą daa lɛ́ɛ́ tɔlu kpɛ, ɉįi nwooɠaai da ɉu kulɔ, nwun va kɛ mą, diɛ nuą lii laa woo ɓo, a di ɓowo pələ. Yili ɓə gɛi, nɔi lonnii daa lan, yɛ ɓɛlaa kpulu, di mąąwɛliɛ, gbala ə tɔɔ, di ɲąą kɔ́n nąn və mą.

Zakari 13:2

Yai-Laa Mɛ̨nį Kəlee ŋą Hééɓomun, woo ka, yɛ: ɲələi tii, gáá pai hali mɛ̨nį kpɛɛi nɔi hu, nuąi da Yálá kwəi mɛ̨nį hu kulɔ a lɛɛ, ŋį́ di kpɛ, da di wɔ kili ɲɔ̨nwɔ̨ɔ̨i, di hva kɛa da laa ɓo nɔi.

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Ɉaan 19:15

Di kəlee di tómą diɛ mą: «Ə haa! Ə haa! 'Gbanwo kolɔwa ɓa.» Pilatə yɛ diɛ: «Ɲį́ ka wɔ tɔɔmun gbanwoi kolɔwa ɓa?» Ɉaláá laa həli nuą kpɛa-kpɛa di nwoo pulu pənə diɛ mą: «Tɔɔmun da kpɛli hvo ku yəi, ə kulɔ Sesarə pulu.»

Hebreu 10:26

Mąąhɔlɔɓo, guɔi gwaa tɛ̨ą leelee kɔ́lɔn, gwa gili, gwa nɛ̨ŋɛ̨n ɉəɠə, nɛ̨ŋɛ̨n mąą hvaalɛɛ haláá kulaa takpɛli hvo kɛa laa.

Nwun mąąɓo 17:5

Ɉulɔnui tii a Mika, haláá kulɔi ta ə kɛ ɲəi bɛlɛ́n. Ə haláá həɠə ta pɛli, da mąąnįnįn ɉaɠaa takpɛliɠaa. Ə non ɉulɔnu tɔ̨nɔ̨ həɠə, ə ɉee nwun na, a ɉaláá laa həli mun.

Nwun mąąɓo 18:14

Nu lɔɔli ŋɛ̨i pa, Laisə mąąkpɛɛi, di mo di ɓɛlaa diɛ, diɛ diɛ: «Ka kili kaa ɉu kaa: bɛlɛ́ɠaai ŋɛ̨i ta mu, haláá kulɔi kaa laa da mąąnįnįn ɉaɠaɠaa, da mąąnįnįn ɉaɠaa takpɛli, a wali kwɛli? Ə həli kaa, ka káá gɛi ləi?»

Nwun mąąɓo 8:27

Zedeɔn ə nɛɛ mą, ə ɉɛnŋaa tii kəlee pɛli a hɛn da mąąnįnįn, ə dɔɔ bɔ taai Ofra. Nąą ɓə Israɛlə nuą di kɛi li laa, diɛ kwɛli hvilɛn naa ɉɛn tii ɓa. Yili ə kɛ a hɛlɛn ə tɛ Zedeɔn nwɔ pɛ́lɛ́i tɔwɔ.

Samuɛlə dɔlɔɔ 14:3

Ahituvə lon Ahiya, yai kɛ a Ikavɔdə mąnįn, Ikavɔdə ə kɛ a Yai-Laa nwɔ haláá laa həli mun Eli ŋɛ̨i kɛ Silo, non ɉulɔnu Pinasə nwɔ lon. Ahiya tii ɓə ɉaláá kulɔ hɛnŋaa di kɛ ɲəi. Nuą kili hvo kɛ ɉu, diɛ kɛ Ɉonatan aa li laa.

Samuɛlə dɔlɔɔ 15:23

Kɛlaa, nu kulaa Yálá woo mu nɛ̨ŋɛ̨n gaa lɔ yɛ, kwɛli hvilɛn ŋąą hali ɓa nwɔ nɛ̨ŋɛ̨n, da wəli kpɔlɔ nɛ̨ŋɛ̨n, ə mą kɛ tɔlu kpɛ nɛ̨ŋɛ̨n. Yii kpɔ yáá lənə Yai-Laa woo ɓa, yaa kpɛli aa lənə yɛ́, hvó kɛa a tɔɔmun.»

Samuɛlə dɔlɔɔ 2:18

Samuɛlə nwɛi, ə kɛi nwɔ kólói kɛ Yai-Laa lííla, ə kɛ kɛa a hulɔnon, kilɛn ɉəɠə kwɛlɛɛ ə ɓo mą.

Samuɛlə dɔlɔɔ 21:9

Davidə yɛ Ahimelɛkə ɓa: «Kpala kaa ə́ yəi ɓɛ, a wala kɛ tii ɓɔwa kwɛa ta kaa ə́ yəi ɓɛ? Və́ pa li a nwɔ́ kɔ́ kɔ́ ɓɔwai, da kwɛli hɛn da lɔpee, mąąhɔlɔɓo, mɛ̨nįi tɔɔmun ə dɔ́ɔ́ la, ə kɛ a mɛ̨nį mąą hulaa.»

Samuɛlə dɔlɔɔ 22:18

Tɔɔmun yɛ kɛa kɛ Doɛgə ɓa: «Yɛ́ ɓə, lɛɠɛ ɓɛ, ɉaláá laa həli nuą paa.» Edɔmə mun Doɛgə ə lɛɠɛ laa, yaa kpįnįi ə ɉaláá laa həli nuą paa. Mąą yələi tii, nu pow mɛ̨ihaaɓa kɔ́w lɔɔli ɓə ə di paa, diɛi kɛ a ɉaláá həɠə kwɛlɛɛ too nuą.

Samuɛlə dɔlɔɔ 23:6

Ɓɛlɔwai Ahimelɛkə lon Abiatarə, ə pu la ə mąą kilɛ Davidə pɔɔli Keila, ə ɉaláá kulɔ həɠə həɠə yɛ paa la.

Samuɛlə dɔlɔɔ 23:9

Davidə ə bələ mɛ̨n yɛ kɛ mąą mɛ̨nį ɓə Saulə kaa mɛ̨nį ɲɔ̨nwɔ̨ɔ̨ tii kɛi la. Davidə ə mo ɉaláá laa həli mun Abiatarə ɓa, yɛ mą: «Pa a ɉaláá həɠə!»

Samuɛlə dɔlɔɔ 30:7

Davidə yɛ ɉaláá laa həli mun Abiatarə ɓa, yai kɛ a Ahimelɛkə, yɛ mą: «Pa a ɉaláá kulɔ həɠə.» Abiatarə ə li a ɉaláá kulɔ həɠə Davidə pɔ.