Osia 2:7 - Yálá laawoo hɛɓɛ (dc)

⁷ di lee kɛ mɛ̨nį a wɛlikɛ nɛ̨ɛ̨nu, nɛ̨ɛ̨nui di mąą koo həɠə, aa nwumɛ̨ tɛ a gbɔwɔ, a kɛi ə kɛi mo diɛ: «Gáá gilɛ həɠəi nwɔ́ wɛliɠaai pulu, diɛ ɓə da gɔ́ a kɔ̨nɔ̨n da yá; diɛ gɔ́ a həɠəɠaa, wulɔ da lɔɔ.»

Yálá laawoo hɛɓɛ

⁷ di lee kɛ mɛ̨nį a wɛlikɛ nɛ̨ɛ̨nu, nɛ̨ɛ̨nui di mąą koo həɠə, aa nwumɛ̨ tɛ a gbɔwɔ, a kɛi ə kɛi mo diɛ: «Gáá gilɛ həɠəi nwɔ́ wɛliɠaai pulu, diɛ ɓə da gɔ́ a kɔ̨nɔ̨n da yá; diɛ gɔ́ a həɠəɠaa, wulɔ da lɔɔ.»

Bible

⁷ A pâi kîrɛ siɣêi ŋɔwɛ́li-ŋai pôlu, kɛ́lɛ vé pâi dísonîi. A pâi díkɔ̂rii, kɛ́lɛ vé pâi díkâai. A pâi m̀ôi ǹyɛɛ, ‘Ŋa pâi liî pôlu ŋásurɔ̂ŋ maa-ŋuŋ pɔ́, kpɛ́ni fêi, ŋá kɛ̀ mɛni lɛ́lɛɛ sɔlɔ ƃôi é tɛ́ɛ tãi ŋí ma.’

Osia 2:7 Iomraidhean Croise

Kɔlɔnikɔ Veerɛi 28:23

Ya ka tii lii, yɛ haláá kulɔ Damasə haliɠaa diɛ, diɛi ŋɛ̨i di yee ə tɛɛ mą kɔ́ hu, yɛ kɛ diɛ: «Yii Aramə tɔɔɓɛlaa di haliɠaa da kpɔnmąą tɛɛ di pɔi, diɛ ɓə mąąnɛ̨ɛ̨ ŋį́ haláá kulɔ diɛ, ə gɛ, di kpɔnmąą tɛɛ bɔ́.» Yaan mɛ̨nįi tii ɓə kɛ ɲee lɛɛ ɉu mɛ̨nį da nɔi lonnii kəlee.

Mąątɛ̨nɛ̨ 116:7

Nį́į́ wolo, 'pənə ə́ ə́ hvįįtɔɔ, mąąhɔlɔɓo, Yai-Laa aa mɛ̨inɛ̨ɛ̨ kɛ yɛ́.

Azaya 30:16

Ka káá kɛi diɛi: «Ku kaa tɛi hoo mɛ̨i, kuɔ pu.» Ee ka pu kan! Ka káá tɛi gilɛ həɠə wotoloɠaa hu, kaa pu, Kɛlaa ka kpɛ nuą da gilɛ həɠə di tɛɛ kaa.

Ɉeremi 14:22

Haliɠaai di kaa lɔiɠaa hu, da kaa mɔ̨ɔ̨ laa yɛ pɛli tulɔ pui? Akɛti, yələkɔlɔn ɓə mɔ̨ɔ̨ a tulɔ pu? Kɛlɛi, Yai-Laa, yɛ́i a kuɔ Yálá yɛ́ ɓə-e! Yɛ́ ɓə kwa ə́ mąąkpɔn, Yɛ́ ɓə ya tulɔ pu.

Ɉeremi 2:2

'Lí! Ə mɛ̨nįi ŋɛ̨i ɓo Ɉerusalɛmə daai a lolo, yɛ́ diɛ: Yai-Laa yɛ: Ə́ kpəla yələ, mɛ̨nįi ə́ gɛ, gaa gili tooi ə́ ŋą; yɛ bələi Nɛ̨ɛ̨non daa ɉilɛtaai kɛ, nwɔ wɛlikɛmąą a kɛ la. Ə́ hvilɛn ŋąą kɛ búlu nɔi pun ɉu; kpomó hu;

Ɉeremi 2:28

Israɛlə! Ɉaliɠaai ə́ di pɛli, di kaa mį? Mo diɛ, di di muhəɠə, akɛ da pɛli ə́ kulɔi ə́ wɔ mąąwɛli laa hu. Ékə́ Ɉuda! Hvo gaai, ə́ wɔ haliɠaa daa tamą lɔ yɛ Ɉuda taaɠaa.

Ɉeremi 2:36

A tɛ̨ą yáá ə́ wɔ nu kpoloon naa lɛ, a ə́ kpaalə mąąhvalin ə́ mo. Eziptə lɔi, da Asiri lɔi da nwumɛ̨ yɛ́.

Ɉeremi 3:1

Yai-Laa woo ka, yɛ diɛ: Hulɔnu a nɛ̨ą kulɔ lɔwɛi, mąąnɛ̨ɛ̨nui ə həɠə ɉilɛ pɔ, ə li ə hee hulɔnu takpɛli nwuɔ̨, akɛti, ɉulɔnu dɔlɔɔ tii a mɔ̨ɔ̨ pənə yɛ li Nɛ̨ɛ̨nui tii pɔ? Kpaa-o! Kɛlaa, yɛ́ Israɛlə; yɛ́i ŋɛ̨i yáá hvilɛn nu tamąą pulu, yɛ́ nwɔ̨nɔ̨ ə́ pənə ə́ pa bɔ́? Ɲą́ą́ Yai-Laa nwóó li!

Ɉeremi 31:18

Gáá woo ta mɛ̨n ɉii! Gáá Ɛfraimə wɔlɔ woo mɛ̨n ɉii; yɛ kɛ diɛ: Yáá ɉón a ɉútɔɔ pələ, ŋą́ą́ gbɔ́ɔ́ lɛɛ laa diɛ ɉútɔɔ yɛ nįŋɛ̨ hilɛ lon ɉon naa walaa. Bə́nə pulu, əgɛ, ŋą́ bənə búlú ŋą́ pa. Mąąhɔlɔɓo, yɛ́ Yai-Laa, yɛ́ ɓə a nwɔ́ Yálá.

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Ɉeremi 44:17

Bələi gaa la ku kwəi, bələ ɓə ku kaa gɛi la. Ku kaa haláá kulɔi yələkɔlɔn ɉu tɔɔ-nɛ̨ɛ̨nui ɓa, kuɔ gɔ́ a lɔɔ, yɛ bələi ku kɛi gɛ la Ɉuda taaɠaa hu da Ɉerusalɛmə daai; kuɔ-o, ku nąnni-o, kuɔ tɔɔɓɛlaai-o, da ku ɲɛ̨itɔwɔ nuą, gɛi ku kɛi mo tii, ku kɛ ku nɛ̨ɛ̨ hu, ku hvo kɛi ɲɔ̨nwɔ̨ɔ̨ kaa.

Izikiɛ 16:18

Ə́ ə́ mąąhəɠəɠaa mąąpuɔ həɠə yɛ́ gɛ diɛ; yɛ́ nwɔ́ wulɔi da nwɔ́ lansan hee di lííla.

Izikiɛ 16:8

Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.

Izikiɛ 20:32

«Mɛ̨nįi ka káá ká kiliŋąhiɛi mą, hvo pai kɛi, yai ka káá kɛi la diɛ; ku kaa bɔ ku kɛ yɛ lɔi takpɛliɠaa; yɛ yɛnɛ̨ɛ̨ nu huwu takpɛliɠaa, kuɔ wulu da kwɛniɠaa di kɔ́.

Izikiɛ 23:12

Da Asiri nuą di too nwumɛ̨-wɛli hu: lɔi ɲąąwooɓo nuą, taa ɲąąwooɓo nuą, kɔ́kulááɠaa di mąą yilɛɛ kpɔ, hoo mɛ̨i nuą, gəlee di ɓo a nu nwunuɠaa, di ɲɛ̨i mąąhəɠɛɛ.

Izikiɛ 23:22

Yili mąą mɛ̨nį ɓa, Oholiba, nwooi Mɛ̨nį Kəlee ŋą Hééɓomun Yálá kaa moi ya ka, yɛ: Gáá pai ə́ wɔ wəliɠaai ɲąątɔɔi yɛ́; diɛi di wɛli aa kpɛɛ yɛ́. Gáá pai di kpulu ɲąątɔɔi yɛ́, diɛ həɠə pələ kəlee.

Izikiɛ 23:4

Di laa ka: Ohola ɓə kɛ a nu kɛnɛ̨ laamun, nəɠə ə ɓo a Oholiba; yili pulu, di lɛɛ ɲə́i kwa diɛni ku lon nɛ̨ąą da lon ɉinąą kaa; nɛ̨ąąi ti ka: Ohola ɓaa a Samari; Oholiba ɓaa a Ɉerusalɛmə.

Danîa 4:17

Nwului tii ə́ gaa, yaai tii kɛ gɛnɛ̨i, nwalawalaa, gweaa yɛ tɛ yələkɔlɔn ma, yaai yɛnɛ̨ɛ̨ naakəlee nuą da pɛli kɛ gaai;

Danîa 4:25

Mɛ̨nįɠaai tii kəlee laa ə hvɛɛ tɔɔmun Nabukodonosorə ɓa.

Danîa 4:32

Lɔi mɛ̨i heeɓo nuą kəlee di kaa lɔ yɛ hɛn yii mɛlɛ hvo mą, yii lɔpee Yálá kaa bɔ, ya ɓə a gɛ yələkɔlɔn ɉu malakaɠaa diɛ, ə mą kɛ lɔi mɛ̨i heeɓo nuą kəlee. Nui lɔpee ta hva pɛli kpəɲan ɉii Yálá kɛ mɛ̨nį tɔwɔ, yɛ kɛ mą: «Lə ɓə ŋɛ̨i ə kaa gɛi?»

Danîa 5:21

Yálá ə gulɔ nuą lɔwai, ə gili kɛ yɛ huwɔ kili, da lɔwɔ huwɔɠaa diɛ ɓo di kee ɓa, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, ə lɛɛ la ɉu Yálá yii gaa hɛn gəlee nwun mɛ̨i, tɔɔmun Nabukodonosorə ə gɔlɔn yɛ diɛ: Yálái tii ɓə nwɔ yeetɛɛmąą kaa tɔɔlaa kəlee mɛ̨i, yaai a nu hee ɓɛi gaa bɔ.

Osia 1:2

Yai-Laa ə pələ ɓo Ose ɓa, Yai-Laa yɛ Ose ɓa: «'Li nɛ̨ɛ̨nui a gbɔwɔ lɔwɔ́tɔɔ hinąą diɛ, bɔ, ɉəɠə a ə́ nɛ̨ą, ə́ wɛli lonnii kaa mą, mąąhɔlɔɓo nɔi yee kaa lɔ túwɔ́ pələ ɲɔ̨n ɉu; a bulu tinɛ̨n aa mo Yai-Laa ɓa.»

Osia 13:6

Di həli lɔ nɔi nɛ̨ɛ̨ hu, di pilɛ, di pilɛ lɔ, diɛ kɛa di kpɔwɔ ɲąą kɛnɛ̨, yili ɓə gɛ diɛ lɛ̨ą mą́ą́.

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Osia 2:16

Yii gaa tii, ɲą́ą́ ɓə pai ɲɛ̨i kwɛlii, ŋį́ li a yaa lɔi pun ɉu, Gɛ́ nii ɓa wooɠaa ɓo mą.

Osia 5:13

Ɛfraimə aa nwɔ ɲɔ̨n kaa, Ɉuda yaan, aa nwɔ palai kaa; Ɛfraimə aa li Asiri pɔ pələ, ɛlɛɛ, aa kɛla tɔɔ dɔɔmun gɛnɛ̨ pɔ. Kɛlaa, gáá moi kaa: Hva pɛli ka ɓaloi, hva pɛli ka wɔ palai hali kɛi.

Osia 5:15

Gáá pai lií, gáá pənəi ŋį́ li bɔ́ɔ́li, ə lɛɛ ɉu, di hvaa di hɔn ma, ɛlɛɛ, diɛ ɲɛ̨ilai gwɛli. Mɔ̨nɔ̨ kaa pai wiɛi diɛ, di kaa pai hvilɛn ɉii, diɛ gwɛ́li.