Osia 2:21 - Yálá laawoo hɛɓɛ (dc)

²¹ Gwá too wɛlii a yələ kəlee mɛ̨nį, gwá too wɛlii, tələnmolaa hu, da tɛ̨ą, a wɛlikɛmąąlaa, da lii nɛ̨ɛ̨ gwəi.

Yálá laawoo hɛɓɛ

²¹ Gwá too wɛlii a yələ kəlee mɛ̨nį, gwá too wɛlii, tələnmolaa hu, da tɛ̨ą, a wɛlikɛmąąlaa, da lii nɛ̨ɛ̨ gwəi.

Bible

²¹ Yâwɛɛ è mò ǹyɛɛi, “M̀aa ɣêlei tí ŋa pâi ŋánûai Eezuɛ-ŋai díɣâla fɛli woo-ŋai mɛnîi. Ŋá gɛ́ tuna é pú ǹɔii ma.

Osia 2:21 Iomraidhean Croise

Azaya 55:10

Bələi lɔ tulɔ a wala kɛti nąląąn a yɛɛ la, yɛ həɠə yələi, ɛlɛɛ di hva kɛa pənə di hvo tɛ yələi pələ, akɛ di hvo lɔi yɔwɔ li, di gɛ ə ɓa, mɔ̨nun diliin yɛ kulɔ, hvo kɛi da gbɛa mɔ̨nun ɉuwu tɛɛ tíi kɛ mun bɔ, diɛ kɔ̨nɔ̨n dɛɛ nu yɛ mįi,

Azaya 62:4

Di hvo pai kɛa pai kɛi ə́ láá ɓa: «Daa gulɔ lɔwɔi», di hvo kɛa pai kɛi ə́ wɔ lɔi ɓa: «Lɔi kwəi kpɛɛ», Kɛlaa di kaa kɛa pai kɛi ə́ laa ɓa: «Niiɓa nɛ̨ɛ̨nu», diɛ kɛ ə́ wɔ lɔi ɓa: «Hilɛtai nɛą», Mąąhɔlɔɓo, Yai-Laa kaa pai niiɓa mɛ̨nįɠaa hɔlɔɓoi ə́ yəi, ɛlɛɛ ə́ wɔ lɔi yɛ kɛ a hilɛ tai nɛ̨a.

Azaya 62:5

A tɛ̨ą, yɛ bələi hulɔnon a nwɔ nɛ̨ɛ̨gbɛlai hɔlɔɓo la a nɛ̨ą, ə́ lonnii kaa pai ə́ hɔlɔɓoi lɔ tii, ɛlɛɛ, bələi kpɔlɔ, wɛli nɛ̨ɛ̨nu kaa la a nwɔ wɛli nwɔ kwəinɛ̨ɛ̨, bələ kpɔlɔ ɓə ə́ wɔ Yálái kwəi kaa pai nɛ̨ɛ̨i la ə́ mąą mɛ̨nį hu.

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Izikiɛ 36:29

Gáá pai ka wɔ mąąliɓi mɛ̨nįɠaa kəlee kulɔi kaa, gɛ́ gɛ ɓá yɛ lɛlɛ káá, vá kɛa pulu too kaa.

Osia 14:7

Mąąpooɠaa diɛ li kwɛa la, mąą yɛ wiɛ yɛ olivə wulu, gun nɛ̨ɛ̨ yɛ tɛ yɛ Liban wəla wulu.

Zooɛ 2:19

Yai-Laa ə nwɔ nu huwui nwɔ hvɛli woo mu hon Yɛ diɛ: «Yili ɓa, gáá pənəi ŋį́ mɔ̨nun dɛɛ ka pɔ, da lɔ, ɛlɛɛ da wulɔ nįnɛ̨. Ka káá pai pilɛi ɉu, və́ kɛa pai ka kɛi a nu huwu takpɛliɠaa di wɔ yɛlɛ kulɔ ɉu hɛn.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Zakari 8:12

Yili ɓa, gáá pai liilaa hį́n ɉi lɔi mɛ̨i, viɲə yɛ ɓa, híhɛn yɛ lɛlɛ nɔi hu, yələkɔ́lɔn yɛ tulɔ pu; Ŋą́ ɉɛnŋąąi tii kəlee tɛɛ, nɔi lonnii gbəliɠaai da lɛɛ, di pɔ a di wɔɔ.

Zakari 8:8

Gɛ́ pənə gɛ́ pa a diɛ, diɛ hee Ɉerusalɛmə daa kwəi, di kaa pai kɛi a nwɔ́ nu huwu, ɛlɛɛ ɲą́ą́n, ŋį́ ɓo a di wɔ Yálá, kulɔ nwoo ɓa laa hu, da tələnmolaa hu.

Malasi 3:10

'Ká pa a ká hɔlɔɓo hɛnŋąą kəlee bow nąą ɉéé pɛlɛ́ mu, ə gɛ, kɔ̨nɔ̨n ə kɛ ɲə́i bɛlɛ́n. Ká yili kɛ tii, ka ɉúkɔɔn; ɲą́ą́ Yai-Laa Mɛ̨nį Kəlee ŋą Hééɓomun, akɛ vá yələkɔlɔn naa ɓo, və́ lúwɔ́ yɛɛ ka mɛ̨i a gbulu kɛnɛ̨.

Malasi 3:11

Akɛ tii, vá kɛa hvaa mą, koon-goon ɉɛnŋąą di hvo ka wɔ hihɛnŋąąi má kala, ka wɔ viɲə yɛaɠaai da ɓá a nɛlɛɛ. Ɲą́ą́ ɓə yili laakwɛlanmoi káá.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Lomaŋ 8:32

Yai ti hvo gbɔ-kpɔɔ lon mąąwɛli kaa li, kɛlaa, ə gwɛlɛ gu mąą mɛ̨nį ɓa, lə kpɔɔ ɓə hva pɛli dɛɛi gu pɔ non ɉaalai?