Osia 14:3 - Yálá laawoo hɛɓɛ (dc)

³ 'Ka woo lɔ ka la, 'ka pənə ka pa Yai-Laa pɔ, 'ka kɛ mą: «Ku ɲɛ̨imąąwɛli kaa, ə́ ə́ yee hee ku mu, nɛ̨ŋɛ̨n gəlee kulɔ kuɔ; nįŋɛ̨ hilɛɠaa hvə ku kaa pai gulɔi yɛ a haláá, Kɛlaa nwooɠaai lɔ da kulɔ ku la diɛ lɔ ɓə.

Yálá laawoo hɛɓɛ

³ 'Ka woo lɔ ka la, 'ka pənə ka pa Yai-Laa pɔ, 'ka kɛ mą: «Ku ɲɛ̨imąąwɛli kaa, ə́ ə́ yee hee ku mu, nɛ̨ŋɛ̨n gəlee kulɔ kuɔ; nįŋɛ̨ hilɛɠaa hvə ku kaa pai gulɔi yɛ a haláá, Kɛlaa nwooɠaai lɔ da kulɔ ku la diɛ lɔ ɓə.

Bible

³ Asiria lɔii fa pɔ̂ri wɔ́lɔ kúkulâi mɛnîi, ǹyaŋ kú kɔ́kɔ-soo-ŋai dí fé pâi kú maa kɔ̃ɔi. Kúfe pâi ŋɔ́nɔ kúkpɛtɛ-sãai tôlii a kúɣâla. Tee-loŋ a maloŋ kâa sɔlɔ ƃô ísârai.”

Osia 14:3 Iomraidhean Croise

Kɔlɔnikɔ Veerɛi 16:7

Nąąlɔwai, gwɛlɛɛn gɛɛkaamun ŋɛ̨i kɛ a Hanani, ə pa yɛ Ɉuda tɔɔmun Asa ɓa: «Yii kpɔ ə́ ə́ kilitɔɔ Aramə tɔɔmun ma, hvó kɛ ə́ kilitɔɔ li Yai-Laa ə́ wɔɔ Yálái ɓai, Aramə kɔlaɠai kulaa li ə́ yee mun.

Mąątɛ̨nɛ̨ 10:14

Ə́ wɛi, yá nu ɲɛ̨iyá da nwɔ mɔ̨nɔ̨ kaa, yá di kaa, yɛ́ di laa ə́ yee kpala, ɛlɛɛ, nui a mɔ̨nɔ̨ laa lowo, a gilitɔɔ yɛ́, Yɛ́ ɓə a təli ɓalo.

Mąątɛ̨nɛ̨ 146:3

'Ka hvo ka kilitɔɔ tɔɔɓɛlaa diɛ, da nukanŋaa, di ta hva pɛli nu kulɔi mɛ̨nįi.

Mąątɛ̨nɛ̨ 146:9

Yai-Laa a nwɛ̨ąą mąąkɔ̨nwɔ̨, a ɲee hee təlilon da kalanin di mu. A mɛ̨nį ɲɔ̨n gɛmun dɛɛ kpaalə hu kala.

Mąątɛ̨nɛ̨ 33:17

Hoo hvəi a kɔ́ nɛ̨ɛ̨ nu ɓa, vaŋą ə mą kɛnɛ̨, hva pɛli pui.

Mąątɛ̨nɛ̨ 68:5

'Ka wələ too Yálá ɓa, 'ka naa tɛ a wələ woo nɛ̨ɛ̨! Nui tii tɛɛi nɔiɠaa hu, hoo mɛ̨i, 'ka naa tɛ. Naa ɓaa a Yai-Laa! 'Ka pili yələi níila, a kwəinɛ̨ɛ̨!

Azaya 1:29

a tɛ̨ą, nwulu kpɛa-kpɛa ŋɛ̨i ka kɛli gɔ́, ka kilitɔɔ diɛ, ka nwumɛ̨ di mąą mɛ̨nį ɓa. Vaa lɔwɔɠaai ɲɛ̨i ka ɉəɠə ɉu, kaa túwɔ́ laa yɛ nuąi di hvo Yálá kɔ́lɔn, nąą ɓɛlɛ a kpɛɛ ka kwəi.

Azaya 2:20

Ɲələi tii a həli, ɉaliɠaai di bɛli a wali da hɛni, diɛ kwɛli hvilɛn mą, da nɛɛ kpəɠəiɠaa da lɔwɠaa di yəi.

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Azaya 30:16

Ka káá kɛi diɛi: «Ku kaa tɛi hoo mɛ̨i, kuɔ pu.» Ee ka pu kan! Ka káá tɛi gilɛ həɠə wotoloɠaa hu, kaa pu, Kɛlaa ka kpɛ nuą da gilɛ həɠə di tɛɛ kaa.

Azaya 30:2

Da kɛ lii Eziptə lɔi hu, di hva di nwun dɔɔ a ɲą́ą́, diɛ li diɛ di loo Faraɔn nwɔ taa wala wala hu, diɛ li diɛ di mąąkilɛ Eziptə nįnįn mu.

Azaya 31:1

Nuąi yɛɛi Eziptə, kpalo ɓɛlaai diɛ, di kaa lii kpɔn mąą kwɛlii laa, di kaa di kilitɔɔi hooɠaa diɛ; diɛ di kili lɛɛ kɔ́ kɔ́ wotoloɠaa diɛ, mąąhɔlɔɓo, di kpulu kɛnɛ̨ɛ̨i. Diɛ di kilitɔɔ ɉoo gilɛ həɠə nuą diɛ, mąąhɔlɔɓo, di tamąąi. Kɛlaa, di kili lɔpee ta hvo tɔɔ li Israɛlə nwɔ mąąhəɠə mun ɓa, di hvo Yai-Laa kwɛlii.

Azaya 31:3

Eziptə mun gaa lɔ a nu, yálá hvə li, nwɔ hooɠaai di kaa lɔ a huwɔ, malakaɠaa hvə li. Ɓɛlɔwai Yai-Laa kaa pai ɲee haŋąi la, mąąkɔ̨nwɔ̨ kɛ mun gaa pai kalin ɉii, nui di mąąkɔ̨nwɔ̨i yɛ too; di kəlee di nwun na a pili a gee.

Azaya 36:8

Akɛ hulɔnu ɓaa yɛ́, nwɔ́ mɛ̨nį námu Asiri tɔɔmun paa pɔlɔn dɔɔ! Yá gɛ tii, ŋą́ hoo waa hveelɛ tɛɛ ə́ pɔ; akɛ yá pɛli nuą hɔlɔɓoi, di tɛ gəlee mɛ̨i.

Ɉeremi 49:11

'Hvó ə́ liihɛlɛn ə́ wɔɔ təlilɛa mąą mɛ̨nį ɓa, ɲą́ą́ ɓə pai di kulɔi ɉu. Ə́ wɔɔ kalaninŋaa da pɛli di di kilitɔɔ mą́ą́.»

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Izikiɛ 37:23

Di hvo kɛa pai kɛi di mąąliɓi a di wɔ haliɠaai, da di wɔ túwɔ pələ ɲɔ̨nŋaai, ə mą kɛ di wɔ kulɔ nwoo mu laai di kɛi gɛi. Ɓɛɠaai kpɔ di kaa laa, gáá pai di nwun mąąɓoi, ŋą́ di kulɔ laa; ɓɛɠaai di nɛ̨ŋɛ̨n ɉəɠə laa. Gáá pai di mąąhəɠəi, da kɛ a nwɔ́ nuą, ɲą́ą́n ŋą́ kɛ a di wɔ Yálá

Osia 12:1

Ɛfraimə kaa gílí ɲąą pɛlɛi a lɛɛ, Israɛlə nwɔ pɛlɛ́i yɛ mówo, Kɛlaa, Ɉuda kaa ni Yálá pulu, ganąn ŋąą ni yələkɔlɔn ɉu Yálá ɓa.

Osia 13:2

Ɛlɛɛ, ə mą kɛ yiihu, di yee kaa lɔ nɛ̨ŋɛ̨n ɉu, da di yəi wali həɠeen, diɛ haliɠaa pɛli la, a yɛlɛ; yɛlɛ kɛ nuą kɛ kólo lɔ li. Di mąą mɛ̨nį ɓə da kɛ kɛi la diɛ: «Da nu kanŋaa kulɔ a haláá, diɛ kwɛli hvilɛn nįŋɛ̨ lon ɉaliɠaa diɛ.»

Osia 14:8

Nuąi kɛi hee nįnįn mu, di kaa pai yalii di pulu diɛ pa, mɔ̨nin yɛ pənə yɛ lɛlɛ diɛ, diɛ powa yɛ viɲə wulu, di laa a tɛ yɛ Liban lɔɔ.

Osia 2:17

Yili pulu, gɛ́ pənə gɛ́ nwɔ tíiɠaai tɛɛ bɔ, gɛ́ Akɔrə lɔi kɛ a kilitɔɔmąą kpala tɔɔ lɔi. Gaa pai pənəi yɛ nwóó pulu pənə, yɛ bələi ə kɛli gɛ la a gbəla yələ, a ɓɛlɔwai ə kulɔ la Eziptə lɔi hu.

Osia 4:12

Ɉɛn nwɔ́ nu huwui a mąąnikɛ, ya ɓaa a nwɔ wului, ɛlɛɛ, nwɔ wulu wonwoi ɓə a gili ɲą pɔ̨nɔ̨, mąąhɔlɔɓo, wɛli mɛ̨nį a nwun ɉu lan, ɛlɛɛ, daa lɔ wɛli mɛ̨nį hu, diɛ kulɔ la di wɔ Yálái, woo mu.

Osia 5:13

Ɛfraimə aa nwɔ ɲɔ̨n kaa, Ɉuda yaan, aa nwɔ palai kaa; Ɛfraimə aa li Asiri pɔ pələ, ɛlɛɛ, aa kɛla tɔɔ dɔɔmun gɛnɛ̨ pɔ. Kɛlaa, gáá moi kaa: Hva pɛli ka ɓaloi, hva pɛli ka wɔ palai hali kɛi.

Osia 7:11

Ɛfraimə kaa a tonwələn mowo laa nɛ̨ɛ̨, hva giliŋą hiɛ, di kaa Eziptə təlii, diɛ li a gilɛ Asiri pɔ pələ.

Osia 8:6

Mąąhɔlɔɓo, ə həɠə Israɛlə pələ, yɛlɛ mun da ɓə bɛli, Yálá hvo li; a tɛ̨ą Samari nwɔ nįŋɛ̨ lon hu kaa ɓuwɔi a gbuɔ kpuɔ.

Osia 8:9

Mąąhɔlɔɓo ə tɛ Asiri lɔi hu, yɛ hoohvaalən a lɛɛ gbɔwɔ ɓa, Ɛfraimə ə gbɔwɔ wɛliɠaa ya laa.

Zôna 2:10

Kɛlaa, nwɛ́i, ŋą́ ə́ hɛɠɛɛɓo a wələ woo, ŋą́ haláá kulɔ yɛ́, nwóói ŋą́ gwɛlɛ yɛ́, ŋą́ bɔ mɛ̨ni kɛ. Yai-Laa, yɛ́ ɓə a nu ɓalomun.

Zakari 13:2

Yai-Laa Mɛ̨nį Kəlee ŋą Hééɓomun, woo ka, yɛ: ɲələi tii, gáá pai hali mɛ̨nį kpɛɛi nɔi hu, nuąi da Yálá kwəi mɛ̨nį hu kulɔ a lɛɛ, ŋį́ di kpɛ, da di wɔ kili ɲɔ̨nwɔ̨ɔ̨i, di hva kɛa da laa ɓo nɔi.

Ɉaan 14:18

«Və́ ka lɛɛi a təliɠaa, gáá lii pənəi ŋį́ pa ka pɔ.

Dutɛrɔnome 17:16

Ka wɔ tɔɔmun gbɔ, mąą hvo nɛ̨ɛ̨li hoo kpulu kɛnɛ̨ hvo kɛ ɲəi, hvo kɛ gaa nuą tɔɔi Eziptə lɔi hu hoo kpulu kɛnɛ̨ ya mɛ̨nį ɓa. Mąąhɔlɔɓo, Yai-Laa ə kɛ kaa: «Ka hvə kpɔ kɛa pənə ka hvo ɉon a Eziptə lɔi hu pələi tii tɔ̨nɔ̨ kpɛli.»