Osia 13:2 - Yálá laawoo hɛɓɛ (dc)

² Ɛlɛɛ, ə mą kɛ yiihu, di yee kaa lɔ nɛ̨ŋɛ̨n ɉu, da di yəi wali həɠeen, diɛ haliɠaa pɛli la, a yɛlɛ; yɛlɛ kɛ nuą kɛ kólo lɔ li. Di mąą mɛ̨nį ɓə da kɛ kɛi la diɛ: «Da nu kanŋaa kulɔ a haláá, diɛ kwɛli hvilɛn nįŋɛ̨ lon ɉaliɠaa diɛ.»

Yálá laawoo hɛɓɛ

² Ɛlɛɛ, ə mą kɛ yiihu, di yee kaa lɔ nɛ̨ŋɛ̨n ɉu, da di yəi wali həɠeen, diɛ haliɠaa pɛli la, a yɛlɛ; yɛlɛ kɛ nuą kɛ kólo lɔ li. Di mąą mɛ̨nį ɓə da kɛ kɛi la diɛ: «Da nu kanŋaa kulɔ a haláá, diɛ kwɛli hvilɛn nįŋɛ̨ lon ɉaliɠaa diɛ.»

Bible

² Ǹyaŋ díkaa nɔ́ niî sɔnyɔ̂ŋ kɛ̂i, dí kɛ́ díkpîŋ díkpɛtɛ sãai fɛ̂li, nyii dí gbɛ̀tɛ a kánei díkɛ mò dîyɛɛi, “Sâla kùla dîa,” ǹûai díkɛ díla-gbɔ sèe dîa.

Osia 13:2 Iomraidhean Croise

Tɔɔɓɛlaa dɔlɔɔ 19:18

Kɛlaa, gáá pai nu kpəli wolo lɛɛi Israɛlə a nu waa mɛ̨ihveelɛ diɛi di hvo ta pɛlɛ li di liiɓa, di hvo kwɛli hvilɛn Baalə ɓa.»

Kɔlɔnikɔ Veerɛi 28:13

diɛ diɛ: «'Ka hvo pa ɓɛ a gɔluwɔɠaa tii, ka gɛ tii, gu hvo pa kɛ a hɔnmąą nuą Yai-Laa ɲɛ̨i ɓa. Ka káá bɔ, ka ká hɔn da ka kɛ nɛ̨ŋɛ̨n da kɛ mą? Ya pa, gu wɔɔ nɛ̨ŋɛ̨n gɛnɛ̨i, ɛlɛɛ Yálá liiholiɛ Israɛlə pɔ!»

Kɔlɔnikɔ Veerɛi 33:23

Kɛlaa, hvo gbɔwɔ mąą yɛɛ Yai-Laa ɲɛ̨i mu, yɛ bələi nąn Manase ə gɛ la. Kɛlaa yaamun a Amɔn, ə nɛ̨ŋɛ̨n ɉəɠə ə tɛɛ la nąn nwɛi ɓa.

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Azaya 1:5

Mįnɛ̨ kpɔ ɓə kɛa da ka kɛlɛ laa? Kaa ŋɛ̨i ka kwɛliteɛ lɔ Yálá yəi a yələ kəlee? Ɲɔ̨n gaa ka nwun galən ma nąą kəlee, ka lii yɛ mɔ̨nɔ̨ mįi ka kwəi.

Azaya 30:1

Kpalo ɓɛlaai gulɔ nwoo mu nuąi ŋɛ̨i diɛ! Yai-Laa woo li. Da kɛ kóloɠaa kɛi, kɛlaa di hva di kɛ mą́ą́ mɛ̨nį ɓa, diɛ ɓɛlan naa kɛ, ɛlɛɛ nąą wɛli hva kɛ mą́ą́, diɛ nɛ̨ŋɛ̨n diɛ̨ tii gee mɛ̨i.

Azaya 44:11

Ɉali mąą nįnįn tii, ɲeepɔɠaa kəlee kaa pai nwumɛ̨i, yai bɛli nuą kaa lɔ a nu kanŋaa! 'Di kəlee di di ɲąą kpɔn, 'di pa ɓɛ! Di nwun mįnį-mįnį kaa pai yɛɛi a diɛ, di kəlee, diɛ nwumɛ̨.

Azaya 45:20

'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.

Azaya 46:6

Nu taɠaa da di wɔ hɛni hu kala, diɛ wali kɔ́ɔn, diɛ yɛlɛ kɛmun ɉala, hali pɛli mɛ̨nį ɓa, ɛlɛɛ, diɛ di mąąwiɛ, diɛ pɛlɛ di liiɓa, diɛ kwɛli hvilɛn diɛ.

Azaya 46:8

'Ka ka kili lɛɛ mɛ̨nįi tii hu, ɛlɛɛ, ka tɔɔ a hulɔnulaa, kulɔ nwoo mu nuą, 'ka ka kiliŋąhiɛ mɛ̨nįi tii ɓa, ka ka kwəi kili mąą hvalin, ka kwəi tɔ̨nɔ̨ mɛ̨i.

Ɉeremi 10:4

di hɛni ya, a wala kɛ tii, wali ya hiɛ mą; diɛ gbanwo gee ɓa a madalan da kwɛli kpuwɔ, ə gɛ hvo pa kɛ yɛɠɛ-yɛɠɛ.

Ɉeremi 10:8

Nu kəlee, nu ta nwɔ kwɛni hvo kulɔ li ɉu, di kilimąą a pɛlɛ di hva mɛ̨nį ɲąą kaa, kili kpɛɛ gwəi hɛnŋaa ɓə nuą tii da kili kwɛli di yəi; di hva kili hɔlɔɓo.

Ɉeremi 8:5

Lə ɓə kɛ yaai, nu huwui ŋɛ̨i Ɉerusalɛmə, gaa lɔ nwun gulɔi nwóó mu diɛ nɛ́ɛ́ laa a ɉu kwɛa? Diɛ ka, daa kanąn nɔ hali mɛ̨nį ɓa, di hvo gɛi di hvo tinɛ̨n di hvo pa bɔ́.

Osia 10:1

Israɛlə ə kɛ a viɲə lɛlɛɛ, yɛ ɓa kpɔ kɛnɛ̨. Kɛlaa, ma ə kɛi lɔ tamą, yɛ hali kɔ́iɠaa tamą; Hɛn gɔw ə kɛi lɔ kɛnɛ̨ nwɔ lɔi hu, yɛ nwɔ hali kɔ́iɠaa mąąyili a ɲɛ̨i tɔɔ.

Osia 10:5

Samari nuą kaa ɲɔwi Bɛtə-Awɛn haliɠaai a nįŋɛ̨ kpəlaaɠaa, di mąą mɛ̨nį ɓa, mąąhɔlɔɓo, nɔi nuą, da ɉaláá laa həli nuą, diɛi kɛi di ɲąąnɛ̨ɛ̨ kulɔ ŋą kɛnɛ̨ laa hu, di kəlee, di mąą kaa kpɛlin ɉii, diɛ wɔlɔ pu di wɔ halii mɛ̨i, yai a nįŋɛ̨ lon, yiihu, yii kɛa daa li la tii kwɛaa la, ka gwəinɛ̨ɛ̨ ta kulɔ wɛ kan!

Osia 11:2

Nuąi kɛi di təli, di di mąąkwɛa yiliɠaai diɛ, Baaləɠaa ɓə di kɛi haláá kulɔ diɛ, hali pɛliɛɠaa ɓə di kɛi haláá hɛnŋąą kələn di lííla.

Osia 11:6

Kɔ kɔ́ ɓɔwa kaa pai yamąn ɉii di wɔ taaɠaai hu, gaa pai di mąą kɔ̨nwɔ̨ hɛnŋąą pui, yɛ kɛɛ kala, di wɔ nwun dɔɔ ɲɔ̨nwɔ̨ɔ̨ɠaa mąą mɛ̨nį ɓa.

Osia 14:3

'Ka woo lɔ ka la, 'ka pənə ka pa Yai-Laa pɔ, 'ka kɛ mą: «Ku ɲɛ̨imąąwɛli kaa, ə́ ə́ yee hee ku mu, nɛ̨ŋɛ̨n gəlee kulɔ kuɔ; nįŋɛ̨ hilɛɠaa hvə ku kaa pai gulɔi yɛ a haláá, Kɛlaa nwooɠaai lɔ da kulɔ ku la diɛ lɔ ɓə.

Osia 2:8

Yili mąą mɛ̨nį ɓa, gáá pai ə́ wɔ pələɠaa pui a ɲąąlənŋaa, ŋį́ gala yili ɉu, ɛlɛɛ, hva kɛa ə́ tɛɛ pələ kaa.

Osia 4:17

Ɛfraimə da haliɠaa daa too di kee pɔ, 'ka nɛɛ lɔ laa.

Osia 8:4

Di tɔɔɓɛlaa hee di hvo mą́ą́nin gɛ, di di ɲɛ̨itɔwɔ nuą hee, və́ kɛ hvaa li mą. Di haliɠaa pɛli di kpɔwɔ ɓa, a di yəi waliɠaa, da di yəi hɛniɠaa, diɛ kpinįi, di hu yɛ pɛli kalai la.

Osia 8:5

Yai-Laa aa lənə ə́ wɔ nįŋɛ̨ lon ɓa, Samari. Nwɔ́ líiholii aa muhəɠə di laa ɓa, lə yələ kpɔ ɓə hɔn gaa pai kpɛɛi la kaa?

Osia 8:6

Mąąhɔlɔɓo, ə həɠə Israɛlə pələ, yɛlɛ mun da ɓə bɛli, Yálá hvo li; a tɛ̨ą Samari nwɔ nįŋɛ̨ lon hu kaa ɓuwɔi a gbuɔ kpuɔ.

Lonon mo 32:14

Ɛlɛɛ ya ka, kaai ŋɛ̨i a nɛ̨ŋɛ̨n nonnii, kaa hvilɛn ka nąnni pɔɔŋą, kaa kɛ ka Yai-Laa líiholi Israɛlə pɔ.

Lomaŋ 11:4

Kɛlaa, Yálá ə nwoo ŋąą pənə ləi? Ə kɛ mą: «Ŋą́ą́ nu waa mɛ̨ihveelɛ hee ɲéé pulu, diɛi di hvo kwɛli hvilɛn ni Baalə ɓa.»

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Timote veelɛ 3:13

Nu nwun ɉu lan nuą da laa nɛ̨ɛ̨ mąą nuą, da kɛnɛ̨ mɛ̨nį ɲɔ̨n ɉu, diɛ nu takpɛliɠaa ɓowo, diɛ nwɔ̨nɔ̨ di kpɔwɔ ɓowo.

Samuɛlə dɔlɔɔ 10:1

Samuɛlə ə nwulɔ kpowo həɠə, ə bu Saulə nwuɔ̨, ə nɛ̨nɛ̨ɓo, yɛ mą: «Yai-Laa ka tii aa ə́ həɠə, ə gɛ, ə́ kɛ a gwɛlin ɲąąwooɓomun.