Osia 12:9 - Yálá laawoo hɛɓɛ (dc)

⁹ Ɛfraimə nwɛi yɛ kɛ diɛ: «Ŋą́ą́ hɛn ɉɔlɔɓo kɛnɛ̨, ŋą́ą́ wali tiɛ̨ gee mɛ̨i, góloi kpɔ ŋą́ gɛ, di hva pɛli nɛ̨ŋɛ̨n bɔɔ kaai ɉu.»

Yálá laawoo hɛɓɛ

⁹ Ɛfraimə nwɛi yɛ kɛ diɛ: «Ŋą́ą́ hɛn ɉɔlɔɓo kɛnɛ̨, ŋą́ą́ wali tiɛ̨ gee mɛ̨i, góloi kpɔ ŋą́ gɛ, di hva pɛli nɛ̨ŋɛ̨n bɔɔ kaai ɉu.»

Bible

⁹ Ńyãa ƃa Yâwɛɛ, Káɣâlai, nyii kákùla Ize-lɔii sui. Ŋa pâi ŋɔ́nɔ gɛ̂i ká kɛ́ ǹyii ƃûu mu yɛ̂ɛ berei ká gɛ̀ la vɛ̃ɛ-kpâlaŋ su tãi ŋá pà la kápɔi.

Osia 12:9 Iomraidhean Croise

Zɛnɛse 25:27

Nɛa pɛlɛɛi tii di kpɛa kpɛa, Esau ə kɛ a huwɔ kpɛmun ɲɛlɛɛ, yii kɛi gilɛ həɠə lɔwɔ pɔ. Ɉakɔbə ə kɛ a nu ɲąą laa, nwɛi ə kɛ lɔ bɛlɛ́ laaləi.

Samia Veerɛi 7:2

Tɔɔmun ə kɛ Yálá kwəi mɛ̨nį hukulɔ mun Natan ɓa: «Ɓɛ kaa ləi! Ɲą́ą́ gá pɛlɛ́n, dɔɔ a kpitili wulu, ɛlɛɛ, Yálá nwɔ mįnɛ̨ kəhii ə ɓo kələ mu, mɛ̨i kɛɛ a həɠə.»

Ɛsdrasə 3:4

Di nɛɛ mą, di ɉəɠə pɛlɛ́ mąą hɛli pu yɛ bələi bɛ̨ɛ̨i la. Hvóló kəlee haláá yii di kɛi gələn, di kɛi gulɔ yɛ bələi ə kɛ la a di huwula mɛ̨nį, hvóló tɛitɛi kəlee.

Mąątɛ̨nɛ̨ 49:7

A nuąi di kilitɔɔ di wɔ hɛn gɔw ɓa? Diɛ di kpɔwɔ ɲąą kɛnɛ̨ di wɔ hɛn gɔw kpɛa kpɛaai mąą mɛ̨nį ɓa.

Mąątɛ̨nɛ̨ 81:10

Yálá ta kpɛli hvo kɛ ə́ yəi, 'hvo kwɛli hvilɛn yálá takpɛli ɓa.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Hanwon 30:12

Nu taɠaa kaa laa, da di kpɔwɔ kaa a di mąąhəɠɛɛ di kpɔwɔ ɲɛ̨i ɓa, yá pa, diɛ ɓo mąąliɓilaa hu.

Ɉeremi 35:7

'Ká hvo pɛlɛ́ tɔɔ, 'ka hvo tíi kɛ, 'ka hvo ɓá wulu hin, 'ka hvo da yá. Kɛlaa, 'ka kɛ yíi həgə pɛlɛ́ɠaa mu ka yɛnɛ̨ɛ̨ kəlee hu, ya ɓə a gɛ, ká lamu nɔi ŋɛ̨i ka káá ɉu, mɛ̨i.

Ɉeremi 5:27

Bələi lɔ da nwɛ̨nį kɛ la heen vɛɛ, bələ lɔ ɓə di wɔ pɛlɛ́ɠaa laahvɛɛ la a nwuɔ̨ hɛn. Bələ ɓə da kɛ la a nu kpɛa kpɛa diɛ kɛ la a hɛn gɔw nąmįną.

Osia 11:1

Ɓɛlɔwai Israɛlə ə kɛ la nokolo kɔ́lɔi, nwɛli ə kɛ mą́ą́; nón tii kɛ Eziptə, ŋą́ dəli.

Osia 13:4

Ɛlɛɛ, ə həɠə kpɔ ə́ kulɔ yələ ɓa Eziptə lɔi hu, ɲą́ą́ lɔ ɓə a Yai-Laa ə́ wɔ Yálá. Akɛ ɲą́ą́ hvəi, hvó Yálá takpɛli kɔ́lɔn, nu ɓalomun dakpɛli hvo laa, a kɛ ɲą́ą́ hvəi.

Osia 2:15

Gáá pai múhəɠəi naa ɓa, Baaləɠaa mąą mɛ̨nį ɓa, diɛi tii ə kɛi di kɔ́ a hɛn gun nɛ̨ɛ̨ɠaa, yɛ mąą yili nąąlɔwai a wəlii-kwɛli da kwɛan, ə kɛi gilɛ həɠə nwɔ wɛliɠaa pulu, ɛlɛɛ ɲą́ą́n, yɛ lɛ̨ą mą́ą́, Yai-Laa woo li.

Levetekɔ 19:36

'Ka wɔ hɛn gɔɔn gəgənŋąą di kɛ a di pɛliɛ ɉu. Ɲą́ą́ ɓə gáá a Yai-Laa, yai ka kulɔ Eziptə lɔi hu.

Levetekɔ 26:13

Ɲą́ą́ Yai-Laa ka wɔ Yálá, ɲą́ą́ ɓə ka kulɔ Eziptə nuą di wɔ lɔi hu, diɛi ka kɛ di yəi a luwɔɠaa. Ɲą́ą́ ɓə nuwɔlaa kpɔnɔ̨i tii kulɔ ka nwun ma, gɛ́ gɛ kaa hiɛ a ka nwun muhəɠɛɛ.

Mise 6:4

A kɛ tii, ka kulɔi ŋį́ mo Eziptə lɔi hu, ya ɓə? Ka nwun mąąɓoi ŋį́ mo nuwɔ pɛ́lɛ́i tii mu, yili ɓə mɔ̨ɔ̨? Gɛ́ Moisə, Aarɔn da Miriamə di tɛɛ a ka tənən dɔɔ nuą, yili ɓə?

Zakari 11:5

Di ɲąąkɔnmun hva di ɲɛ̨imąąwɛli lɔpee kaa. Di yamun a di paa hva di mąąliihɛlɛn ɉee, di lɔwɔtɔɔmun, a di lɔwɔ́tɔɔ yɛ kɛ diɛ: Yai-Laa mąmą, ŋą́ą́ kɛ a hɛn nąmu!

Lonon mo 15:41

Ɲą́ą́ Yai-Laa ka wɔ Yálá, ɲą́ą́ ɓə ka kulɔ Eziptə lɔi hu, ŋá kɛ a ka wɔ Yálá. Ɲą́ą́ ka wɔ Yálá Yai-Laa nwóó li.»

Ɉaan 7:2

Ɉuifəɠaa di wɔ hɛlii a ɉəɠə kələ hɛli, mąą kpua kɛa kɛ.