Osia 11:4 - Yálá laawoo hɛɓɛ (dc)

⁴ Ŋą́ di hon a nu laa yɛli, gɛ́ li a diɛ, yɛ bələi da nu kan ɉon na, a wɛlikɛmąą yɛli, ɲą́ą́ ɓə luwɔ kalan gulɔ di kwaną gɛ́ kɔ̨nɔ̨n dɛɛ di pɔ.

Yálá laawoo hɛɓɛ

⁴ Ŋą́ di hon a nu laa yɛli, gɛ́ li a diɛ, yɛ bələi da nu kan ɉon na, a wɛlikɛmąą yɛli, ɲą́ą́ ɓə luwɔ kalan gulɔ di kwaną gɛ́ kɔ̨nɔ̨n dɛɛ di pɔ.

Bible

⁴ Ŋá lì a dia maloŋ-kâa da wɛli-kɛ-maa pere su. Ŋá díkɔŋ ma-kpɔnɔi kùla díkɔŋ ma, ŋá díkɔ a mii-sɛŋ.

Osia 11:4 Iomraidhean Croise

Samia Veerɛi 7:14

Gáá pai kɛi a nąn, yɛ ɓo a nón, a ɉɔn gɛ, nuą ɓə ŋą́ di kɛ a gɛlɛ hvaɠa.

Mąątɛ̨nɛ̨ 105:40

Di vɛli, ə haɉaliɠaa tɛɛ di pɔ, ə di pilɛ a yələi pələ kɔ̨nɔ̨n.

Lɛɛ gbɔwɔ ɓa 16:32

Moisə yɛ nuą diɛ: «Mɛ̨nįi Yai-Laa kaa moi, ya ka: ‹Ka da həɠə a kəgən ɲąą tɔ̨nɔ̨, ɛlɛɛ, ka naai gɛ, ka huwuhu nuą mąą mɛ̨nį ɓa, ə gɛ, manə ŋį́ ka kɔ̨nɔ̨n gɛ la nɔi pun ɉu, ɓɛlɔwai ŋį́ ka kulɔ la Eziptə lɔi hu, diɛ pɛli gaai.›»

Wɛli 1:4

'Ɲéé hon, gwəli! Gu gilɛ həɠə! Yɛ́ ɓə a nwɔ́ tɔɔmun; 'gwəli; ə́ yəi bɛlɛ́ lon mu. Yɛ́ lɔ ɓə a gu wɔ kwəinɛ̨ɛ̨, da gu wɔ ɲąŋą kulaa! Gu ə́ wɔ wɛlikɛmąąlaa mąą ɲąŋą kulɔ, ə tɛɛ lɔɔ ɓa. Tɛ̨ą kaa nɛ̨ɛ̨lɛa pɔ, di ə́ wɛli la kɛ.

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Osia 2:8

Yili mąą mɛ̨nį ɓa, gáá pai ə́ wɔ pələɠaa pui a ɲąąlənŋaa, ŋį́ gala yili ɉu, ɛlɛɛ, hva kɛa ə́ tɛɛ pələ kaa.

Levetekɔ 26:13

Ɲą́ą́ Yai-Laa ka wɔ Yálá, ɲą́ą́ ɓə ka kulɔ Eziptə nuą di wɔ lɔi hu, diɛi ka kɛ di yəi a luwɔɠaa. Ɲą́ą́ ɓə nuwɔlaa kpɔnɔ̨i tii kulɔ ka nwun ma, gɛ́ gɛ kaa hiɛ a ka nwun muhəɠɛɛ.

Ɉaan 12:32

Yii ɓaa a nwɛ́i, da pa dɛ́ yələi, gáá pai nu kpulu kəlee yalai bɔ́ pələ.»

Korɛntə veelɛ 5:14

Kristə nwɔ wɛlikɛmąąlaa aa hee ku hu, ku kili kaa ɉu kuɔ, yii nu tɔ̨nɔ̨ ɓə nu kəlee pulu haa ɓo, akɛti kani, nu kəlee ka ti haa.

Dutɛrɔnome 32:12

Yai-Laa yaa tɔ̨nɔ̨ gbən mə a nwɔ nuą tənən dɔɔ, da hɛn da di hvo kpɔn ni mą.

Dutɛrɔnome 32:14

Nįŋɛ̨ da ɓɛlaa ɲįnįya ɓə a dɛɛ di pɔ, Basan ɓɛlaa lon, molu hilɛ, ə mą kɛ, ɓɛlaa wulɔɠaa, yɛ dɛɛ di pɔ, Yɛ viɲə yá kpɔluɔ gbələtətə tɛɛ di pɔ diɛ gbələ.