Osia 11:2 - Yálá laawoo hɛɓɛ (dc)

² Nuąi kɛi di təli, di di mąąkwɛa yiliɠaai diɛ, Baaləɠaa ɓə di kɛi haláá kulɔ diɛ, hali pɛliɛɠaa ɓə di kɛi haláá hɛnŋąą kələn di lííla.

Yálá laawoo hɛɓɛ

² Nuąi kɛi di təli, di di mąąkwɛa yiliɠaai diɛ, Baaləɠaa ɓə di kɛi haláá kulɔ diɛ, hali pɛliɛɠaa ɓə di kɛi haláá hɛnŋąą kələn di lííla.

Bible

² Berei nɔ́ ŋá kɛ̀ dítôlii lai, bere nɔ́ ƃé dí kɛ̀ dípôlu fêi la ḿî. Dí kɛ̀ nɔ́ sâla kulâi díɣâlai Bêe-ŋai dîa, dí kɛ́ sɛŋ kúŋ-nɛ̃ɛ kèreŋ dí Ɣâla pɔkɔɔŋ-ŋai dîa.

Osia 11:2 Iomraidhean Croise

Tɔɔɓɛlaa dɔlɔɔ 12:33

Yálá kɔ́i ŋɛ̨i ə bɛli Betɛlə, ə tɛ laa a ɲąnin nwɔ hvóló pow kɔ́w lɔɔli yələ, guui tii ɓə ə ɉəɠə ɉu gbɔwɔ ɓa. Ə hɛli pu Israɛlə lonnii mąą mɛ̨nį ɓa. Ə tɔɔ ɉaláá kulɔi, yɛ lansan kələn.

Tɔɔɓɛlaa dɔlɔɔ 18:19

Yiihu kɛa, Israɛlə nu huwu kəlee ɲąąkpɔn gwɛ́lɛ Karmɛlə yee nwuɔ̨, ə mą kɛ Baalə laa yəli kɛ nuą nu nwun nąąn yee lɔɔli; da Asera laa yəli kɛ nuą, nu nwun nąąn, diɛi da Ɉezabɛlə ni da kɛ kɔ̨nɔ̨n mįi gee ɓa.»

Nehemi 9:30

«Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Kilii haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Azaya 65:7

Ka wɔ túwɔ́ pələ ɲɔ̨n, da ka nąnni di wɛiɠaai, ŋą́ gwələ kulɔ a gee, Yai-Laa woo li. Nuąi kɛi nwulɔ kun nɛ̨ɛ̨ɠaa kələn ɲeeɠaa nwuɔ̨, diɛ mɛ́lɛ too la tii, ɲee kpukpuɠaa mɛ̨i, gáá pai bɔɔ kulɔi diɛ, yɛ bələi wɛi di kɛi túwɔ́ la.

Ɉeremi 18:15

Kɛlaa yaamun, nwɔ́ nuąi di wɛi, daa lɛ̨ą mą́ą́, diɛ haláá kulɔ ɉɛnŋaai di hvo a hɛn da diɛ. Daa lan di wɔ pələɠaai ɓa, diɛ ɉon a pələ puɔɠaa.

Ɉeremi 35:13

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ mą: Li, yɛ́ Ɉuda nuą da Ɉerusalɛmə nuą diɛ: Ka hva pɛli kɛ ka yee heei ka mąą kwɛli woo mu, kaa ka wəli tɔɔ nwóó ɓa? Yai-Laa woo li.

Ɉeremi 44:5

'Ká hvo ká wəli tɔɔ li, ká hvo mɛ̨n, əgɛ, ka ka pulu tɔɔ ka wɔ kiliŋąhiɛ ɲɔ̨nŋaa tii diɛ, a ka kpɛla mɛ̨nį haláá kulaa ɓa haliɠaa diɛ.

Osia 11:7

Nwɔ́ nu huwui, di yee kanąn ŋąą kpɔlɔ di wɔ hali mɛ̨nįi ɓa, di kaa di təlii diɛ kɛ di tɛ Hɛn Gəlee Nąmu pɔ, kɛlaa, di ta lɔpee hvo gɛi hvo tɛ.

Osia 2:13

Gáá pai nwɔ kwəinɛ̨ɛ̨ mɛ̨nįɠaa kəlee kpɛlai, da nwɔ hɛliɠaa, da nwɔ ɲąnįn ninɛ̨ hɛliɠaa, da nwɔ hvįįtɔɔ yələɠaa, da nwɔ hɛli kpɛa-kpɛa kɛ yələɠaa kəlee.

Osia 4:13

Da kɛ haláá kulɔi yeeɠaa nwuɔ̨, diɛ hali kɔ́ hɛnŋąą kələn yee kpukpuɠaa nwuɔ̨, hɛanɠaa mu, da towələ wuluɠaa mu, gbala ə tɔɔ, di nįnįn mu ɲąąnɛ̨ɛ̨i. Yili mąą mɛ̨nį ɓə ka lonnii nɛ̨ąą da di kɔ́lɔ lɔwɔ́tɔɔ la, ka lon nɛ̨ąni diɛ wɛli hon.

Osia 4:17

Ɛfraimə da haliɠaa daa too di kee pɔ, 'ka nɛɛ lɔ laa.

Zakari 1:4

'Ka hvo hvilɛn ka nąnni pulu, diɛi tii wɔlɔ Yálá kwəi mɛ̨nį hukulɔ nuą di kɛli kɛ diɛ: ‹Yai-Laa Mɛ̨nį Kəlee ŋą Hééɓomun woo ka: 'Ka pənə wɛ ka pa, 'ka həɠə ka wɔ pələ ɲɔ̨nwɔ̨ɔ̨ɠaai mɛ̨i, da ka wɔ túwɔ́ pələ ɲɔ̨nŋaai pulu.› Kɛlaa, di hvo kɛi mąn, di hvo mą kɛi di ɲɛ̨i hee bɔ́ pələ Yai-Laa woo li.

Zakari 7:11

Kɛlaa, di hvo gɛ di hvo di wəli tɔɔ, di di nwun dinɛ̨n, di di wəli walawala, ə gɛ di hvo pa nəi mɛ̨nį mɛ̨n.

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Ɉaan 3:19

Kití tii nwun mąą: kɛɛ pono ə pa yɛnɛ̨ɛ̨ nuą pɔ, di lənə ma, di kpinį wɛli la kɛ; mąąhɔlɔɓo, di túwɔ́ pələɠaa ɲɔ̨nwɔ̨ɔ̨i.

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Nwun mąąɓo 10:6

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə pənə nwɔ̨nɔ̨ ə ɲee lɔ ɉu ə gɛ. Ɉaliɠaai ŋɛ̨i da kɛ diɛ Baalə da Astarteɠaa, ə mą kɛ Aramə nuą di wɔ haliɠaa, ə mą kɛ Sidɔn nuą di wɔ haliɠaa, da Moabə nuą, ə mą kɛ Amɔn lonnii di wɔ haliɠaa, ə lɛɛ da Filisti nuą di wɛi, di kɛi kwɛli hvilɛn diɛ, di di pulu tɔɔ Yai-Laa ɓa.

Nwun mąąɓo 2:13

Di lɛ̨ą Yai-Laa ɓa, diɛ kɛa kwɛli hvilɛn Baalə ɓa da hali Astarteɠaa.

Nwun mąąɓo 3:7

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə ɲee lɔ ɉu, di di pulu tɔɔ Yai-Laa ɓa, yai a di wɔ Yálá, diɛ kwɛli hvilɛn Baaləɠaa da Aseraɠaa diɛ.