Osia 11:11 - Yálá laawoo hɛɓɛ (dc)

¹¹ Di kaa pai həɠəi Eziptə, diɛ pa a gilɛ, di mąą yɛ kpɛlin yɛ nwɛ̨ni lonnii, diɛ həɠə Asiri lɔi hu yɛ tonwənənŋaa, gáá pai di heei di wɔ pɛlɛ́ɠaai mu; Yai-Laa woo li.

Yálá laawoo hɛɓɛ

¹¹ Di kaa pai həɠəi Eziptə, diɛ pa a gilɛ, di mąą yɛ kpɛlin yɛ nwɛ̨ni lonnii, diɛ həɠə Asiri lɔi hu yɛ tonwənənŋaa, gáá pai di heei di wɔ pɛlɛ́ɠaai mu; Yai-Laa woo li.

Bible

¹¹ Da pâi kɛ̂i kpɛ̃linii yɛ̂ɛ ŋɔni-ŋa, díkɛ kula Ize lɔii su, da-ni dí kúla Asiria lɔii su yɛ̂ɛ tòloŋ-ŋa. Ŋa pâi pâi a dia pôlu dípɔ-taai tɛi-tɛi. Ńyãa Yâwɛɛ ƃé nyíŋi ƃôi.”

Osia 11:11 Iomraidhean Croise

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 60:8

Gbɛɛ nuą ɓə tii koon ɉi yɛ tulɔ kpinįŋaai? Yɛ tonwolənŋaa da kɛi li di taa ɲąi?

Ɉeremi 31:12

Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Izikiɛ 34:27

Nɔwɔi wuluɠaa diɛ ɓa, nɔi yɛ mɔ̨nun dɛɛ di pɔ; nwɔ́ nuąi da kɛ a di wəli pulu laɠiɛ di wɔ lɔi hu. Mąą yələ, da gili kɔ́lɔn, diɛ kɛ, ɲą́ą́ ɓə gáá a Yai-Laa, ɓɛlɔwai gáá pai di wɔ tiɛ̨i həɠəi la di nwuɔ̨, gɛ́ di kulɔ di mɔ̨nɔ̨ɓo nuą yəi.

Izikiɛ 34:28

Lɔiɠaa di hva kɛa too di mɛ̨i, lɔwɔ huwɔɠaa di hva kɛa di mįi; di kaa pai kɛi liilaa hu, nu ta hva kɛa di mąą kpɛlin.

Izikiɛ 37:21

'Ə́ mo diɛ, yɛ́ diɛ: Mɛ̨nįi Mɛ̨nį kəlee ŋą Hééɓomun Yálá kaa moi, ya ka; yɛ: Gáá pai Israɛlə kulɔi lɔiɠaa lɔwai, ɓɛɠaai daa li laa; ŋą́ di kpɔn di kee ɓa di wɔ lɔi hu.

Izikiɛ 37:25

Nɔi ŋɛ̨i ŋą́ dɛɛ nwɔ́ tí mun Ɉakɔbə pɔ, ya ɓə di kaa pai heei ɉu; ɓɛi wɔlɔ ka kala ɓɔlɔni di kɛ laa hee ni. Di kaa pai kɛi laa heeni, diɛ, di lonnii, da yiliɠaai di wɔ lonnii. Da lɛɛ laa a yələ kəlee; ɛlɛɛ nwɔ́ tí mun Davidə ɓə pai kɛi a di ɲɛ̨itɔwɔ mun a yələ kəlee da nwɔɔ.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Osia 7:11

Ɛfraimə kaa a tonwələn mowo laa nɛ̨ɛ̨, hva giliŋą hiɛ, di kaa Eziptə təlii, diɛ li a gilɛ Asiri pɔ pələ.

Abdiasə 1:17

Nąąlɔwai, Siɔn yee ɓa, yii gaa pai pənəi ə kɛ a ɲą́ą́ nwɔ́ɔ́, yii wolaai da kulɔ ɉu, di kaa pai liilaa hɔlɔɓoi. Ɉakɔbə huwu kaa pai pənəi di di wɔ lɔi hɔlɔɓo.

Zakari 10:10

Gáá pai di kulɔi Eziptə lɔi hu, da Asiri lɔi hu, gɛ́ di ɲąąkpɔn. Gáá pai di lɔi Galaadə lɔi hu, da Liban lɔi, Kɛlaa, hvo pai lɛɛi lɔ yili ɓa.

Zakari 8:7

Yai-Laa Mɛ̨nį Kəlee ŋą Hééɓomun nwoo ka, yɛ diɛ: A tɛ̨ą, gáá pai nwɔ́ nu huwui nwun mąąɓoi, yiiɠaai hvoló ɓɛlai bələ, da yiiɠaai hvóló tooi bələ.

Zakari 8:8

Gɛ́ pənə gɛ́ pa a diɛ, diɛ hee Ɉerusalɛmə daa kwəi, di kaa pai kɛi a nwɔ́ nu huwu, ɛlɛɛ ɲą́ą́n, ŋį́ ɓo a di wɔ Yálá, kulɔ nwoo ɓa laa hu, da tələnmolaa hu.