Osia 11:1 - Yálá laawoo hɛɓɛ (dc)

¹ Ɓɛlɔwai Israɛlə ə kɛ la nokolo kɔ́lɔi, nwɛli ə kɛ mą́ą́; nón tii kɛ Eziptə, ŋą́ dəli.

Yálá laawoo hɛɓɛ

¹ Ɓɛlɔwai Israɛlə ə kɛ la nokolo kɔ́lɔi, nwɛli ə kɛ mą́ą́; nón tii kɛ Eziptə, ŋą́ dəli.

Bible

¹ Tãi Eezuɛ è kɛ̀ la a lôloŋ, ŋá ŋ̀wɛli, ǹyaŋ ŋá ńoŋ tòli ŋá gula Ize lɔii su.

Osia 11:1 Iomraidhean Croise

Mąątɛ̨nɛ̨ 129:1

Ɲee mąąhɛɠɛɛ tɛ wələ. Ə həɠə kpɔ múhəɠə yələ ɓa, daa wɔlɔ pɛlɛ mą́ą́ a hvaa; Israɛlə pənə ə́ 'mo kpɔ tii.

Lɛɛ gbɔwɔ ɓa 19:4

‹Mɛ̨nii ŋą́ naa Eziptə ɓa, kaa kpinįi ka gaa, bələi ŋį́ ka kpəŋə la, Kuwɔ́ koon ɉu, gɛ́ pa a kaa bɔ́ pələ.

Lɛɛ gbɔwɔ ɓa 4:22

Yá li, yá kɛ Eziptə tɔɔmun ma: ‹Mɛ̨nii Yai-Laa ə mo ya ka, yɛ: Nón dɔlɔɔ ka ŋɛ̨i a Israɛlə.

Lɛɛ gbɔwɔ ɓa 4:23

Ŋą́ą́ mo yɛ́, 'ɓo nón ma ə li ə tí mą́ą́; ya ka hvó gɛi hvó ɓo mą hvo li! Yili ɓa, gáá ə́ lon ɉulɔnu dɔlɔɔ paai.›»

Azaya 43:4

Mąąhɔlɔɓo, ə́ mąą mɛ̨nį nwąnąąi mą́ą́ kɛnɛ̨, ə́ tɔlɔ kaa yɛ́, ɛlɛɛ, ə́ wɛli kaa mą́ą́, yili ɓə a gɛ gɛ́ nu kanŋaa kɛ a ə́ nwun mąąɓo hɛnŋaa, gɛ́ taa kpɛa-kpɛaɠaa tɛɛ a ə́ mąąhvalin.

Ɉeremi 12:7

Gáá gíli kulɔi nwɔ́ pɛlɛ́i hu, ŋį́ ɲéé kulɔ gwɛ́lin nɔi hu, ɉɛn kɛ a nííɓa hɛn, ŋą́ą́ ɲéé kulɔ ɉu, aa lɛɛ ɲówóɠaa yee kɔ́nma.

Ɉeremi 2:2

'Lí! Ə mɛ̨nįi ŋɛ̨i ɓo Ɉerusalɛmə daai a lolo, yɛ́ diɛ: Yai-Laa yɛ: Ə́ kpəla yələ, mɛ̨nįi ə́ gɛ, gaa gili tooi ə́ ŋą; yɛ bələi Nɛ̨ɛ̨non daa ɉilɛtaai kɛ, nwɔ wɛlikɛmąą a kɛ la. Ə́ hvilɛn ŋąą kɛ búlu nɔi pun ɉu; kpomó hu;

Izikiɛ 16:22

Ə́ wɔ ɓowo mɛ̨nįɠaai ti kəlee hu, da ə́ wɔ túwɔ pələ ɲɔ̨nŋąą, hvo kɛi ə́ kiliŋąhiɛ ə́ muhəɠə yələ ɓa, a ɓɛlɔwai ə́ kɛ laa a ə́ kpuwulu, həɠə hvo kɛ yɛ́, ə́ ɲąmą lɔɔ yɛ́ hɔwɔ hɔwɔ.

Izikiɛ 16:6

Ŋą́ kɛi tɛɛ ɓɛi ə́ kɛ laa nąą kwɛlɛ, ŋį́ ə́ kaa, yɛ́ ə́ mąą kɔ̨ŋɔ̨ ə́ ɲąmą hu; ya ɓə ŋį́ kɛ yɛ́, a ɓɛlɔwai ə́ kɛ laa ə́ ɲąmą ti hu: 'yɛnɛ̨ɛ̨ kɛ! A ɓɛlɔwai kpɔ ti ə́ kɛ laa ə́ ɲąmą hu, gɛ́ yɛ́: 'lɛɛ yɛnɛ̨ɛ̨.

Osia 10:15

Mɛ̨nįi tii ɓə Betɛlə kaa pai nąą kaai, ka wɔ kili ɲɔ̨nwɔ̨n gwəi laa mąą mɛ̨nį ɓa, gɛɛ yələ hvo ɓɔ, Israɛlə tɔɔmun nwɔ yɛnɛ̨ɛ̨ a kɛ a gbɛɛ.

Osia 12:13

Ɉakɔbə ə pu Aramə yɛɛ kɔ́wɔ hu, ɛlɛɛ, Israɛlə yɛ nɛ̨ɛ̨nu mąą koló ɓo laa, ɛlɛɛ, yɛ gbɔwɔ kɛ a taatɛlɛɛ mɛ̨i kaamun nɛ̨ɛ̨nu mɛ̨nį ɓa.

Osia 12:9

Ɛfraimə nwɛi yɛ kɛ diɛ: «Ŋą́ą́ hɛn ɉɔlɔɓo kɛnɛ̨, ŋą́ą́ wali tiɛ̨ gee mɛ̨i, góloi kpɔ ŋą́ gɛ, di hva pɛli nɛ̨ŋɛ̨n bɔɔ kaai ɉu.»

Osia 13:4

Ɛlɛɛ, ə həɠə kpɔ ə́ kulɔ yələ ɓa Eziptə lɔi hu, ɲą́ą́ lɔ ɓə a Yai-Laa ə́ wɔ Yálá. Akɛ ɲą́ą́ hvəi, hvó Yálá takpɛli kɔ́lɔn, nu ɓalomun dakpɛli hvo laa, a kɛ ɲą́ą́ hvəi.

Osia 2:15

Gáá pai múhəɠəi naa ɓa, Baaləɠaa mąą mɛ̨nį ɓa, diɛi tii ə kɛi di kɔ́ a hɛn gun nɛ̨ɛ̨ɠaa, yɛ mąą yili nąąlɔwai a wəlii-kwɛli da kwɛan, ə kɛi gilɛ həɠə nwɔ wɛliɠaa pulu, ɛlɛɛ ɲą́ą́n, yɛ lɛ̨ą mą́ą́, Yai-Laa woo li.

Malasi 1:2

Yai-Laa ə mo wɔ nuąi diɛ, yɛ diɛ: «Ká wɛlikaa mą́ą́.» Ká mą́ą́nįn gɛ, kaa kɛ mą: «Lə ɓə kwa pɛli gɔlɔn ɉi la, kuɔ kɛ: ku wɛli kaa yɛ́?» Yai-Laa yɛ diɛ: «Kɛlɛi Ɉakɔbə niɛ ɓa kɛ a Esau-e? Bələi mąn ə kɛ la tii, ŋą́ Ɉakɔbə wɛlilakɛ,

Maafîu 2:15

Di lɛɛ laa, ə lɛɛ la ɉu, Herodə ə haa. Yili ə kɛ tii, ə gɛ, mɛ̨nįi Ną́mu ə mo gwəi mɛ̨nį hukulɔ mun ma, naa ə hon, yai ə kɛ la mą: «Ŋą́ą́ nón ɉulɔnu təli ə kulɔ Eziptə lɔi hu.»

Dutɛrɔnome 33:3

Israɛlə lonnii wɛli kaa Yai-Laa ɓa; a nwɔ nuą mɛ̨i kaa, diɛi da di ɲąą kpɔn gɔwɔ mu, diɛ di wəli tɔɔ nwɔ liɛwoo ɓa.

Dutɛrɔnome 7:7

Ka gaa Yai-Laa yɛ kanąn kaa, yɛ ka həɠə ɉu, ka tamą mɛ̨nį ka tɛɛ nu huwu takpɛliɠaa diɛ hvəi. Yaamun, kaa ɓə ka kpulu tikpɛɛ nu huwuɠaa kəlee lɔwai.