Osia 10:3 - Yálá laawoo hɛɓɛ (dc)

³ Yiihu, di kaa kɛi diɛ; tɔɔmun və ku yəi, mąąhɔlɔɓo, ku hva ɲɔw Yai-Laa ɓa, ɛlɛɛ, lə kpɔ ɓə tɔɔmun a pɛli gɛi ku mąą mɛ̨nį hu?

Yálá laawoo hɛɓɛ

³ Yiihu, di kaa kɛi diɛ; tɔɔmun və ku yəi, mąąhɔlɔɓo, ku hva ɲɔw Yai-Laa ɓa, ɛlɛɛ, lə kpɔ ɓə tɔɔmun a pɛli gɛi ku mąą mɛ̨nį hu?

Bible

³ Da pâi môi dîyɛɛi, “Kâloŋ fé kúyêei, kpɛ́ni fêi, kúfa yâo Yâwɛɛ ma. À kɛ̀ kpîŋ kâloŋ à kɛ̀ kúyêei, lé ƃé a pɔ̂ri gɛ̂i kûɛ?”

Osia 10:3 Iomraidhean Croise

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Tɔɔɓɛlaa veelɛ 15:13

Yavɛsə lon Salumə ə dɔɔlaa həɠə Israɛlə lɔi hu, Ɉuda tɔɔmun Oziasə nwɔ tɔɔlaa gwɛlan bow haaɓa gɔw mɛ̨inąąn nɔwai. Ɲąnin dɔ̨nɔ̨ ɓə ə gɛ dɔɔlaa hu Samari.

Mąątɛ̨nɛ̨ 118:9

Nu ya ə́ lɛɛbɔ kɛ Yai-Laa ɓa, yili hviɛlaɓoɔi, ə tɛɛ nu lɛɛ ɲəi kɛɛ tɔɔɓɛlaa diɛ, ɓa.

Mąątɛ̨nɛ̨ 12:4

Ee Yai-Laa! Nu ɓowo nuą tii, nɛ̨n gboloon dai di la, Ə́ bɛlɛ nwoo kpɛa-kpɛa ɓo nɛ̨n tii kəlee ɓa.

Azaya 5:19

Diɛ kɛ diɛ: «Ə gɛ kani ɉa, ə nwɔ kólói kɛ ɉa ku nąą kaa. Mɛ̨nįi Israɛlə nwɔ mąąhəɠəmun gwəi, ə too pɔ̨nɔ̨ŋą kuɔ pɛli gɔlɔn ɉii.»

Osia 10:15

Mɛ̨nįi tii ɓə Betɛlə kaa pai nąą kaai, ka wɔ kili ɲɔ̨nwɔ̨n gwəi laa mąą mɛ̨nį ɓa, gɛɛ yələ hvo ɓɔ, Israɛlə tɔɔmun nwɔ yɛnɛ̨ɛ̨ a kɛ a gbɛɛ.

Osia 10:7

Samari aa nwɔ yɛnɛ̨ɛ̨ laa kulɔ, ə mą kɛ nwɔ tɔɔmun, gaa yɛ wulu kalan a kɛ too ni yá ŋą.

Osia 11:5

Di hvo pai pənəi di hvo li Eziptə lɔi hu, Asiri ɓə pai kɛi a di wɔ tɔɔmun, mąąhɔlɔɓo, di hvo gɛ li di hvo pənə di hvo pa bɔ́.

Osia 13:10

Ə́ wɔ tɔɔmun gaa mį, ə ə́ ɓalo ə́ wɔ taaɠaai kəlee hu, ə́ nwun mąąɓo nuą, a diɛi ə́ kɛli kɛ diɛ: «Tɔɔmun dɛɛ bɔ́ da ɲɛ̨itɔwɔ nuą»?

Osia 13:11

Ŋą́ tɔɔmun dɛɛ ə́ pɔ lííholi hu, lííkələn gwəi hu, gɛ́ pənə gɛ́ ɉəɠə.

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Mise 4:9

Lə ɓə kɛ yai ə́ kaa tómąi yiihu? Tɔɔmun və kɛa ə́ pɔɔli? Ə́ liɛwoo ɓomun aa pili? Yai ə́ kaa mɔ̨nɔ̨ mįi la? Yɛ nɛ̨ɛ̨nui kwəinwąną kɛi?

Ɉaan 19:15

Di kəlee di tómą diɛ mą: «Ə haa! Ə haa! 'Gbanwo kolɔwa ɓa.» Pilatə yɛ diɛ: «Ɲį́ ka wɔ tɔɔmun gbanwoi kolɔwa ɓa?» Ɉaláá laa həli nuą kpɛa-kpɛa di nwoo pulu pənə diɛ mą: «Tɔɔmun da kpɛli hvo ku yəi, ə kulɔ Sesarə pulu.»

Samuɛlə dɔlɔɔ 12:25

Kɛlaa, ka túwɔ́ a ɲɔ̨nwɔ̨ɔ̨, a ka kalaɠala ka ká wɔɔ tɔɔmun ni.