Osia 10:11 - Yálá laawoo hɛɓɛ (dc)

¹¹ Ɛfraimə ə kɛ a nįŋɛ̨ kpəla, dɔɔ a nɛlɛɛ, koló wɛli ə ɓo mą, ŋą́ lɛɛ tɛɛi, ŋį́ gɔn nɛlɛ pələ kaa, ŋą́ nwun nɔ tiɛ̨ mu, Ɉuda ə kɛi kɛɛ hin, Ɉakɔbə yɛ gɛɛ kpɛŋɛ̨n.

Yálá laawoo hɛɓɛ

¹¹ Ɛfraimə ə kɛ a nįŋɛ̨ kpəla, dɔɔ a nɛlɛɛ, koló wɛli ə ɓo mą, ŋą́ lɛɛ tɛɛi, ŋį́ gɔn nɛlɛ pələ kaa, ŋą́ nwun nɔ tiɛ̨ mu, Ɉuda ə kɛi kɛɛ hin, Ɉakɔbə yɛ gɛɛ kpɛŋɛ̨n.

Bible

¹¹ “Eezuɛ è kɛ̀ yɛ̂ɛ niŋa nyii ŋ̀áa kɔŋɔɔ̂i, gɛ́ tíi fii-kpɛ̂ɛ kɛ̀. Kɛ́lɛ ŋá gbɛ̀tɛ a gɛɛ ŋá kɔŋ ma-kpɔnɔ too gɔŋ ma. Zuda ŋɔtíi ƃa é ǹɔii síŋ, Zeeka ǹyaŋ é pɔ̂rɔ wólo é zu táa-tâa.

Osia 10:11 Iomraidhean Croise

Azaya 28:24

Akɛtii, tíi kɛmun a kɛ bɔ ə mɔ̨nun ɉɔlɔɓo, yələ kəlee lɔ ɓə mɔ̨ɔ̨ a kɛ la kɛɛhin mɛ̨nį hu, yɛ kɛɛhin, yɛ gbɛɠɛ̨n?

Ɉeremi 28:14

Ɉeremi yɛ mą: «Hvó gaai, Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: ‹Kwɛli kpɔ̨nɔ̨ ɓə gáá lɔi kəlee tooi ŋą, diɛ lɛɛ Babilonə tɔɔmun Nabukodonosorə ye mu, di kaa pai tí mą, ə mą kɛ, lɔwɔ huwɔɠaa ɓə, gáá di lɛɛi ɲee kɔ́nma.›»

Ɉeremi 46:20

Nįŋɛ̨ haa gbɔn nɛlɛɛ ɓaa Eziptə, kɛlaa, vɔnŋaa daa həɠə ɲələi pələ, diɛ pa mɛ̨i.

Ɉeremi 50:11

Gaa tii! 'Ka kwəinɛ̨ɛ̨ kulɔ! 'Ka hɛli pu, kaai a gwɛlin ɉu kala nuą. 'Ka pili yələi, yɛ nįŋɛ̨ lonnii da kɛ kala tiliin ɉu. 'Ka tomą yɛ hoo hilɛɠaa.

Osia 11:4

Ŋą́ di hon a nu laa yɛli, gɛ́ li a diɛ, yɛ bələi da nu kan ɉon na, a wɛlikɛmąą yɛli, ɲą́ą́ ɓə luwɔ kalan gulɔ di kwaną gɛ́ kɔ̨nɔ̨n dɛɛ di pɔ.

Osia 2:5

A wala gɛ tii, gáá pai həɠə kulɔi mą, ə lɛɛ a gbuwulu, gɛ́ nɛɛ lɔ yɛ bələi wɔlɔ ə kɛ la a gaa yələ. Ŋį́ gɛ yɛ lɔi pun, ŋį́ gɛ yɛ gbali a kələn, gɛ́ gɛ, yɛ haa la a kpələ wɛli.

Osia 3:1

Yai-Laa yɛ mą́ą́: «Nɛ̨ɛ̨nui nwɛli kaa nwɔ wɛlii ɓa, kɛlaa ə mą kɛ tii yɛ wɛli hon, 'Li nwɔ̨nɔ̨, ə́ hvilɛn bulu. Bələ lɔ ɓə Yai-Laa a Israɛlə lonnii wɛlila kɛ la; ɛlɛɛ diɛn, diɛ di ɲɛ̨i tinɛ̨n haliɠaa pɔ pələ, ɛlɛɛ, hali-ɓa wɛli ə ɓo diɛ.»

Osia 4:16

A tɛ̨ą, Israɛlə aa kɛ̨ą, yɛ nįŋɛ̨ haa a kɛ̨ą, Yai-Laa a pɛli kɛa di hon bələ kɛi ləi, yɛ da kɛ a ɓɛlaa talaɠaai kpomói, diɛ di laa mįi.

Osia 9:1

Israɛlə, 'hvo kwəinɛ̨ɛ̨ kulɔ! 'Hvo mąną, yɛ lɔi ta kpɛliɠaa, mąąhɔlɔɓo, ə́ kaa wɛli hon ɉii a ə́ mąą kwɛai ə́ kaa moi ə wɔ Yálái ɓa, yɛ́ yili mąą hvɛla wɛlila kɛ, mɔ̨nun danɉii kəlee ɓa.

Mise 4:13

'Ə́ muhəɠə, 'mɔ̨nun dan Siɔn nɛ̨ɛ̨gbɛla, gáá pai ə́ mįnɛ̨ɠaa kɛi a kwɛli, gɛ́ ə́ kɔ́wɔɠaa kɛ yɛ kwɛli kpɔlu, ə́ kaa pai lɔi tamąą kiin-giin ɉii, ɉɛn ə́ pai ɉon ɉii a kɔ́, yɛ́ gulɔ Yai-Laa ɓa a haláá, yɛ́ di yəi hɛngɔwɠaa kɛ a Yai-Laa kɔ́ hɛn.

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Dutɛrɔnome 25:4

Nįŋɛ̨ a kɛi mɔ̨nun dan, hvo kwɛli too na.