Nehemi 8:9 - Yálá laawoo hɛɓɛ (dc)

⁹ Ya ɓə Nehemi ŋɛ̨i kɛ a gbahanama da Ɛsdrasə ɉaláá laa həli mun yai lɔ kɛ a ɉɛɓɛ́ kɛ mun, da Levi huwuhu nuąi tii kɛi ɉɛɓɛ́ hukulɔ wooɠaa ɓo nuą diɛ, di kɛi kɛ nɔi lonnii kəlee diɛ: «Volói ŋɛ̨i kaa a Yai-Laa ka wɔ Yálá nwɔ hvóló. Mąą hvo nɛ̨ɛ̨li, ka hvo kɛ liihɛlɛn ɉu, kaa wɔlɔ. Mąąhɔlɔɓo, nuą kəlee di kɛi wɔlɔ, dɔ́n ɉɛɓɛ́ hu woo mąą mɛ̨nį ɓa.»

Yálá laawoo hɛɓɛ

⁹ Ya ɓə Nehemi ŋɛ̨i kɛ a gbahanama da Ɛsdrasə ɉaláá laa həli mun yai lɔ kɛ a ɉɛɓɛ́ kɛ mun, da Levi huwuhu nuąi tii kɛi ɉɛɓɛ́ hukulɔ wooɠaa ɓo nuą diɛ, di kɛi kɛ nɔi lonnii kəlee diɛ: «Volói ŋɛ̨i kaa a Yai-Laa ka wɔ Yálá nwɔ hvóló. Mąą hvo nɛ̨ɛ̨li, ka hvo kɛ liihɛlɛn ɉu, kaa wɔlɔ. Mąąhɔlɔɓo, nuą kəlee di kɛi wɔlɔ, dɔ́n ɉɛɓɛ́ hu woo mąą mɛ̨nį ɓa.»

Bible

⁹ Tãi ǹûai dí Mose ŋɔtɔ̂ŋ-ŋai ŋí lóno woo mɛ̀ni lai, díkelee dí wɔ̀lɔ a zu kɛ́tɛ. Nya ƃe Zuda lɔii kpiniŋ mɛi nuui Niɛmaya, zâla láa soŋ nuui Ɛzura, nyii kɛ̀ a dɔ̂ŋ-ŋai lɛ́ nuui dɔnɔi da Liiva-ŋai nyii-ŋai kɛ̀ dɔ̂ŋ-ŋai ŋá lɛ̂i ǹûai dîai, dí mò dîa dîyɛɛi, “Ŋ̀elei ŋí maa waai Káɣâlai Yâwɛɛ mɛni ma. M̀ɛni ma, káfe sèe a malôŋ pere, kpaa máŋ ká wɔ́lɔ.”

Nehemi 8:9 Iomraidhean Croise

Tɔɔɓɛlaa veelɛ 22:11

Yii lɔ tɔɔmun ə dɔ́n ɉɛɓɛ́i tii hu woo mɛ̨n, ə mąą hɛɠɛ huɓɛla.

Tɔɔɓɛlaa veelɛ 22:19

yii kpɔ ə́ lii ə too pulu, ə́ ə́ mąą həɠə huɓɛla, yɛ́ wɔlɔ nííla, yili ɓa, ɲą́ą́ gbɛli mąn, ŋą́ą́ mɛ̨n, Yai-Laa nwóó li.

Kɔlɔnikɔ Veerɛi 15:3

Israɛlə ə lamun, Yálá kpɔ-kpɔ hvo kɛ ɲəi, haláá laa həli mun və kɛ laa yɛ nuą mąąkwɛli, tɔ́n və kɛ laa.

Kɔlɔnikɔ Veerɛi 30:22

Ezekiasə wooɠaa ə lévi lonnii lii hon, ə kiliŋąhiɛ lɛlɛɛ too diɛ yɛ hvilɛn na Yai-Laa ɓa. Ɛlɛɛ ɉɛli guu ta pɛlɛ mą a hvóló mɛ̨ihveelɛ, diɛ liilaa haláá kulɔ, diɛ di nąnni di wɔɔ Yálái Yai-Laa hɛɠɛɛɓo.

Kɔlɔnikɔ Veerɛi 34:19

Yii lɔ tɔɔmun ə dɔ́n ɉɛɓɛ́ hu woo mąn, ə nɛɛ mą ə mąą həɠə huɓɛla.

Kɔlɔnikɔ Veerɛi 34:21

«'Ka li ka Yai-Laa mąąni kɛ, ɲą́ą́ kwa Israɛlə nu kpəli, ə pɛlɛ la Ɉuda nuą mąą mɛ̨nį ɓa, yɛ hvilɛn na ɉɛɓɛ́i ŋɛ̨i di gaa ɉu wooɠaa mąą mɛ̨nį ɓa. Mąąhɔlɔɓo, Yai-Laa nwɔ liiholii hu kɛnɛ̨ɛ̨ ɓə, yaai yɛ ə pu ku mɛ̨i, hvo gaai, ku nąnni di hvo gɛ li di hvo Yai-Laa woo pɔ yii ɓo, yɛ bələi bɛ̨ɛ̨i la ɉɛɓɛ́i ŋɛ̨i hu.»

Kɔlɔnikɔ Veerɛi 35:3

Yɛ lévi lonnii tii kɛ a Israɛlə nuą kəlee mąąkwɛli nuą, yiiɠaai kɛ a di mąąhəɠɛɛ Yai-Laa mąą mɛ̨nį ɓa, yɛ diɛ: «Ə li kɛ, ka li a mįnɛ̨ kəhi mąąhəɠɛɛ, bɛlɛ́i ŋɛ̨i Israɛlə tɔɔmun Davidə lon Salomɔn ə dɔɔ mui, hvo li kɛ a tiɛ̨ kaa ɉəɠə ka kalan ŋą. Yii hu kɛa, 'ka tí ka wɔɔ Yálái Yai-Laa ɓa da ŋą nu huwui Israɛlə lonnii.

Ɛsdrasə 2:63

Gbahanąmą ə mo diɛ, yɛ diɛ, mąą hvo nɛ̨ɛ̨li ka hvo ɉaláá kulɔi kɔ̨nɔ̨n da mįi, ə lɛɛ la ɉu, di haláá laa həli mun gɛnɛ̨ ta hee, yai pai Yálá mąąlən gɛi a urimə da tumimə, ə mɛ̨nįi tii gulɔ ɉu lɛ.

Ɛsdrasə 7:11

Tɔɔmun Artasɛrsɛsə ə hɛɓɛ́ tɛɛ ɉaláá laa həli mun da ɉɛɓɛ́ pɛ̨ɛ̨ mun Ɛsdrasə ɓa, yai kɛ a Yai-Laa Israɛlə nwɔ Yálá nwɔ tɔ́nŋąąi kɔ́lɔn mun gɛnɛ̨. Ɉɛɓɛ́i tii hu woo ka:

Nehemi 10:1

Mɛ̨nįɠaai tii mąą mɛ̨nį ɓa, ku kaa ku kwɛlai a nwalawala ku bu hɛɓɛ́ hu, nu kɛnɛ̨ ə ɲee pɔɔ too ɉu. Ku ɲɛ̨itɔwɔ nuą, Levi huwuhu nuą da ku wɔ haláá laa həli nuą, di laa kaa ɉu.

Nehemi 12:26

Nuą tii ɓə kɛ goló ɓa a Ɉosue lon Yoyakimə nwɔ lɔwai hu, Yosadakə lon, ə lɛɛ, da Nehemi ŋɛ̨i kɛ a gbahanama da ɉaláá laa həli mun Ɛsdrasə di wɔ lɔwai hu.

Nehemi 7:65

Gbahanama ə tɔ́n dɔɔ diɛ, di hvo kɔ̨nɔ̨n naakwɛlan ɓoɔ Yálá ɓa, da mįi. Ə lɛɛ la ɉu, ɉaláá laa həli nuą urimə da tumimə di nuą tii mąą mɛ̨nį hu pili.

Nehemi 7:70

Bɛlɛ nąmįną taɠaa di wali tɛɛ a goló kɛ wali ta; hɛni kpuwulu waa pow hveelɛ (20000), da wali kpuwulu waa tɔ̨nɔ̨ pulu nwundɔ̨nɔ̨.

Nehemi 8:2

Ɉaláá laa həli mun Ɛsdrasə ə pa a dɔ́n ɉɛɓɛ́ nu kpɔn gəlee ɲɛ̨i ɓa; hinąą mąn, nɛ̨ąą mąn, ə mą kɛ nui lɔpee a mɛ̨nį hukpɛ, di kəlee di kɛ laa, ɲąnįn mɛ̨ihveelɛ naa nwɔ dɔlɔɔ tɔlɔɔ li kɛ.

Ikilisiati 3:4

Nu wɔlɔ yələ kaa mą, nu yɛlɛ yələ yɛ ɓo mą. Woolaa kɛi yələ kaa mą, mąnąkaa yələ yɛ ɓo mą.

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Levetekɔ 23:24

«'Mo Israɛlə lonnii diɛ, yɛ́ diɛ: «Ɲąnin mɛ̨ihveelɛnąą nwɔ hvóló dɔlɔɔ, kaa ka yəi a hvįįtɔɔ hvóló, yɛ mɛ̨nį kili too ka ŋą, ə ɓo a hɛli, ka ka ɲąąkpɔn a ɲələ, kaa mą́ą́wiɛ.

Malasi 2:13

Yii nwɔ̨nɔ̨ ka kɛ gɛi, ya ka: Ɓɛi ŋɛ̨i ka ɉaláá kulɔ laa, ka nąą yɔwɔ a ka ɲɛ̨iyá, káá ka woolaa. Mąąhɔlɔɓo, Yálá hvo kɛa ɲɛ̨i heei ka wɔ haláá hɛnŋaai diɛ, hvo kpɛli gaai a hɛn da.

Lomaŋ 3:20

Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa, nui lɔpee ta hvo pai tələnmolaa hɔlɔɓoi tɔ́n bɔ yíi ɓoɔ hu. Tɔ́n mə a gɛ, guɔ nɛ̨ŋɛ̨n gɔlɔn.

Lomaŋ 7:9

Tɔlɔɔ ti kɛ, dɔ́n və ni kɛ pa li; ŋį́ kɛ a vúlú. Kɛlaa, yii kɛa dɔ́n ə pa a liɛwoo, nɛ̨ŋɛ̨n aa mąn kɛ a vulú.

Dutɛrɔnome 12:12

Nąą ɓə ka káá pai kɛi kwəinɛ̨ɛ̨ kulɔi laa Yai-Laa ka wɔ Yálái lííla; kaa mąn, ka lon ɉinąą mąn, ka lon nɛ̨ąą mąn, ka wɔ luwɔ hinąą da ka wɔ luwɔ nɛ̨ąą, ə mą kɛ Levi lonnii di kaa ka wɔ taaɠaai hu. Mąąhɔlɔɓo, Levi lonnii tii lɔi hvo di yəi, di kwɛlin və di yəi yɛ kaa.

Dutɛrɔnome 12:7

Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

Dutɛrɔnome 16:11

Gɛɛnąą tii Yai-Laa ka wɔ Yálái kaa pai ɲeekpiɛ lɛi laa, yɛ naa hee laa, ka káá pai kɛi laa kwəinɛ̨ɛ̨ hu, Yai-Laa ka wɔ Yálái lííla, ka ka lonnii ɉinąą mąn nɛ̨ąą mąn, ə mą kɛ ka wɔ luwɔɠaa, ɉinąą mąn, nɛ̨ąą mąn, ə mą kɛ, Leviɠaai di kaa ka lɔwai ka wɔ taaɠaa hu, da ka wɔ nwɛ̨ąą, təliɠaa, da galaninŋąąi ka lɔwai.

Dutɛrɔnome 26:14

Və́ ɉɛnŋąą tii ta mįi, ɓɛlɔwai haa ə too la mą́ą́ və́ kpɛli da kulɔ ɉu, ɓɛlɔwai tɔ́n ə kɛ la mą́ą́, ɛlɛɛ və́ kɛ ɲɔ̨muą kɔ́ li a da. Ŋą́ lɛɛ Yai-Laa nwɔ́ Yálái woo mu, ŋį́ gɛ yɛ bələi ə mo la mą́ą́.

Zĩi 4:9

'Ká ká wɔɔ mąąwɛli laa hu kɔlɔn, ká mąą wɛli hee ɓo, 'ká wɔlɔ, 'ká ká wɔɔ yɛlɛ mąą pənə a haa wɔlɔ, ɛlɛɛ, 'ká ká wɔɔ kwəinɛ̨ɛ̨ mąą pənə a nwumɛ̨.