Nehemi 8:6 - Yálá laawoo hɛɓɛ (dc)

⁶ Ɛsdrasə ə Yálá mąątɛ̨nɛ̨, yaai gaa a Yálá kɛnɛ̨. Nɔi lonnii kəlee di mu hon, di di yee tɛ yələ, diɛ mą: «Yálá ə kɛti! Yálá ə kɛti!» Yili pulu, di di nwun vilɛn, di pɛlɛ Yai-Laa lííla, tɔwɔla hvilɛn ŋąą nɔi ɓa.

Yálá laawoo hɛɓɛ

⁶ Ɛsdrasə ə Yálá mąątɛ̨nɛ̨, yaai gaa a Yálá kɛnɛ̨. Nɔi lonnii kəlee di mu hon, di di yee tɛ yələ, diɛ mą: «Yálá ə kɛti! Yálá ə kɛti!» Yili pulu, di di nwun vilɛn, di pɛlɛ Yai-Laa lííla, tɔwɔla hvilɛn ŋąą nɔi ɓa.

Bible

⁶ Ɛzura è mò ǹyɛɛ, “Laa maa tɛ̂ tɛɛ Yâwɛɛ pɔ́ nyii gáa a Ŋ̀âla kɛ́tɛi!” Ǹûai kélee dí díyee tɛ̀ ɣelêi dí láɣi, dîyɛɛi, “É kɛ́ tí-oo, é kɛ́ tí.” Dí pìlaŋ dí kpêleŋ ŋá, dí díŋuŋ ma pîlaŋ ǹɔii ma dí Yâwɛɛ fɛli.

Nehemi 8:6 Iomraidhean Croise

Zɛnɛse 14:22

Abramə ə nwoo ŋąąpənə yɛ mą: «Ŋą́ą́ ɲee tɛ Huwalawala Kəlee Nąmu Yálá ɓa, yai yələkɔlɔn da lɔi di pɛli,

Zɛnɛse 24:26

Ɉulɔnui tii, ə pɛlɛ nɔi ɓa, ə Yai-Laa hɛɠɛɛɓo,

Kɔlɔnikɔ Maa-ŋuŋ 16:36

Mąąwiɛ ə kɛ Yai-Laa Israɛlə nwɔ Yálái ɓa, a yələ kəlee da yələ kəlee mɛ̨nį!» Nąąlɔwai nɔi lonnii kəlee di mu hon, diɛ mą: «Ə kɛ tii! Mąąwiɛ ə kɛ Yálá ɓa!»

Kɔlɔnikɔ Maa-ŋuŋ 29:10

Davidə ə Yai-Laa mąątɛ̨nɛ̨ nu kpɔn tii kəlee ɲɛ̨i ɓa, yɛ kɛ diɛ: «Mąąwiɛ ə kɛ Yai-Laa ɓa ɲɛ̨n deei hvo mą! Yai gaa a ku kalaɓɔlɔ Ɉakɔbə nwɔ Yálá!

Kɔlɔnikɔ Maa-ŋuŋ 29:20

Davidə yɛ nu kpɔn gəlee ɓa: «'Ka Yai-Laa, ka wɔ Yálái mąątɛ̨nɛ̨.» Nu kpɔn kəlee di Yai-Laa di nąnni di wɔ Yálá mąątɛ̨nɛ̨, di pɛlɛ nɔi ɓa, di gwɛli hvilɛn Yai-Laa líi la, ɛlɛɛ, da tɔɔmun nií la.

Kɔlɔnikɔ Veerɛi 20:18

Ɉosafatə ə kwɛli hvilɛn, ə pɛlɛ nɔi ɓa. Ə kɛ lɔ tii, Ɉuda nuą da Ɉerusalɛmə nuą kəlee di pɛlɛ nɔi ɓa di kwɛli hvilɛn Yai-Laa ɓa.

Kɔlɔnikɔ Veerɛi 29:10

Gáá bɔ, gua Yai-Laa, Israɛlə nwɔ Yálái ni, gu mįnɛ̨ həɠə yiihu, Ə líiholi kpəiɛi tii həɠə gu pulu.

Kɔlɔnikɔ Veerɛi 29:30

Yili pulu, tɔɔmun da galanɉonŋąą di mo Levi lonnii diɛ, di Yai-Laa mąątɛ̨nɛ̨ a Davidə nwɔ wələɠaai Asafə nwɔ wələɠaa, da gɛɛ kaamun nwɔ wələɠaai. Di mąątɛ̨nɛ̨ kpɔ a di kwəinɛ̨ɛ̨, yili pulu, di pu di kpəlin na di gwɛli hvilɛn.

Kɔlɔnikɔ Veerɛi 6:4

Yɛ diɛ: «Mąąwiɛ ə Yai-Laa ɓa, Israɛlə nwɔ Yálá! Yaa kpįnįi ə pə́lə́ ɓo ną́n Davidə ɓa a naaləi, ɛlɛɛ, mɛ̨nįi ə mo, ə gɛ ɲee hu. Mɛ̨nįi ə mo ya ka, yɛ diɛ:

Nehemi 5:13

Ə lɛɛ, ŋį́ nwɔ́ həɠəi hu kpɛŋɛn, gɛ́ diɛ: «Bələ ɓə, nui lɔpee a wala nwoo pɔ mɛ̨nį kɛ, Yálá kaa pai gbɛŋɛ̨n ɉii la, yɛ gulɔ ɲəi bɛlɛ́n, yɛ mąą kwɛa ɲəi hɛnŋąą diɛ. Bələ ɓə da mąą nu kpɛŋɛn na, diɛ nɛɛ a ɲee hvowolo.» Nu kpɔn gəlee diɛ mą: «Ə kɛ tii!» Ə lɛɛ, di Yai-Laa mąątɛ̨nɛ̨ di gɛ yɛ pələi di mo la.

Nehemi 8:7

Yesua, Bani, Serevia, Yamin, Akuvə, Sabtai, Hodiya, Maaseya, Kelita, Azaria, Yozavadə, Hanan, da Pelaya, di kɛ a Levi huwuhu nuą; di kɛ dɔ́n nwoo hukulaa lɛ nuą diɛ, ɛlɛɛ, nuą di kɛ tɔɔni gwəli hąą.

Mąątɛ̨nɛ̨ 134:2

'Ka ká yee haŋą nwɔ pɛlɛ́i pɔ pələ, 'ka Yai-Laa mąąwiɛ!

Mąątɛ̨nɛ̨ 141:2

Nwɔ́ hvɛli wooi ə kɛ ə́ lííla yɛ lansan, Ɛlɛɛ, ŋą́ ɲééɠaa hąŋąn, ə ɓo yɛ yələ wilii haláá.

Mąątɛ̨nɛ̨ 28:2

Ə́ mąąnɛ̨ɛ̨i gáá moi, ə́ wəli tɔɔ nwóó ɓa, ɓɛlɔwai gáá tomąi la ə́ pɔ pələ, gɛ́ ɲéé tɛ ə́ pɔ pələ, ɓɛi ə́ kaa laa ə́ wɔ pɛlɛ́ mąąhəɠɛɛi mui.

Mąątɛ̨nɛ̨ 41:13

Nwɛ́i, yáá ə́ yee hee mú, yáá gɔ́lɔi pɔ̨nɔ̨, Ə́ ɲɛ̨i kaa mą́ą́ a yələ kəlee da wɔɔ.

Mąątɛ̨nɛ̨ 63:4

A tɛ̨ą, ə́ wɔ wɛlikɛmąąlaa hviɛla ɓoɔi yɛnɛ̨ɛ̨ ɓa, yili ɓə a gɛ, gɛ́ pa kɛi ə́ laa tɛi la a wələ.

Mąątɛ̨nɛ̨ 95:3

Mąąhɔlɔɓo, Yai-Laa kaa a Yálá kɛnɛ̨, a Heeɓomun gɛnɛ̨ yáláɠaa kəlee diɛ.

Lɛɛ gbɔwɔ ɓa 12:27

Ka kɛ diɛ: ‹Yai-Laa nwɔ pakə haláá li, yai ku gulɔ mą, ɓɛlɔwai ə kɛi Eziptə nuą kɛlɛ la, yɛ Israɛlə nwɔ pɛ́lɛ́i nwun mąąɓo.›» Israɛlə lonnii kəlee di pɛlɛ nɔi ɓa, di kwɛli hvilɛn.

Lɛɛ gbɔwɔ ɓa 4:31

Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Ɉeremi 28:6

«Mįįną lúwɔ́; Yai-Laa əgə tii wɛ! Mɛ̨nįɠaai kpɔ ŋɛ̨i ə́ di lɛɛ kwɛa la yɛ́ mo a Yai-Laa laa, ə gəlee kɛ-oo! Yálá hee pɛlɛ́ mu hɛnŋaa da nəɠiɠaa kəlee, ə di kulɔ Babilonə, ə pa a diɛ gɛɛnąąi ŋɛ̨i ɓa-oo!

Woolaa 3:41

'Ká gu gu yee da gu lii kəlee tɛ, yələkɔlɔn ɉu Yálá ɓa.

Levetekɔ 9:24

Nwɔ̨n da ə kulɔ Yai-Laa lííla, ɉaláá hɛnŋąąi kɛ ɉaláá kulɔ kəhi mɛ̨i da ɉuwɔ wulɔɠaa, ə di kələn. Nuą kəlee di nąą kaa, di tómą a kwəinɛ̨ɛ̨, di pɛlɛ di liiɓa nɔi ɓa.

Maafîu 26:39

Ə mo lɔ tii, ə həɠə nu haaɓai tii kwɛlɛ ə mąą tɛ tɔwɔ. Ə pɛlɛ nɔi ɓa, yɛ Yálá hvɛli yɛ kɛ mą: «Ną́n, akɛ ya hvaa mą, ə́ mɔ̨nɔ̨ kpələ kɔ́wɔi ŋɛ̨i mąą kwɛa mą́ą́; kɛlaa, və́ bɔ hvo nííɓa kɛ, ə́ liiɓa ɓə gáá bɔ.»

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Korɛntə dɔlɔɔ 14:16

Gbala ə tɔɔ, ɉį́iwooi gáá moi, ŋą́ kɛli lúwɔ́ kɛ ɉu, nuą di hvo gɔlɔn, da hvaa pələ kɛ ləi núwɔ́ mu? Mąąhɔlɔɓo, mɛ̨nįi ə́ kaa moi, hvo di mɛ̨n ɉii.

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Timote dɔlɔɔ 2:8

Yii kani gáá bɔ, ya ɓaa, ɓɛi lɔpee, hinąą da kɛi Yálá hvɛli laa, di di yee mąąhəɠɛɛ tɛ, lííholi hva kɛ diɛ, yəliháá hvo kɛ di lɔwai da nu ta.

Piɛrə dɔlɔɔ 1:3

Lúwɔ́ ə kɛ Yálá ɓa, yai a gu Nąmu Jesus Kristə Nąn: nwɔ ɲɛ̨imąąwɛli kaa laa kɛnɛ̨ɛ̨ hu, aa pənə aa gu kaa nwɔ̨nɔ̨ a nįnɛ̨, kilitɔɔmąą laa walawala mąą mɛ̨nį ɓa, a Jesus Kristə nwun ə mo haa nuą lɔwai,

M̀ɛni-lɛɛi 7:11

Malakaɠaa kəlee ɲąąkpɔnŋąą kɛ dɔɔkpəlin gwɛlɛ, galanɉonŋaa, ɛlɛɛ da, ɉuwɔ nąąn tii, gəlee pɛlɛ di liiɓa dɔɔkpəlin gɔwɔ mu, ɛlɛɛ, diɛ kwɛli hvilɛn Yálá ɓa.