Nehemi 8:3 - Yálá laawoo hɛɓɛ (dc)

³ Ə ɉɛɓɛ́ hu woo ɓo gwəli hąą, ɲai pələ nwun na, ə həɠə yələwala pɔ ɓa, ə lɛɛ la ɉu hvóló ə haŋą. Ɉinąą mąn, nɛ̨ąą mąn, da nuąi da mɛ̨nį hukpɛ di ɲɛ̨i ɓa. Nɔi lonnii kəlee wəli tɔɔi kɛ ɉɛɓɛ́ hu woo ɓa.

Yálá laawoo hɛɓɛ

³ Ə ɉɛɓɛ́ hu woo ɓo gwəli hąą, ɲai pələ nwun na, ə həɠə yələwala pɔ ɓa, ə lɛɛ la ɉu hvóló ə haŋą. Ɉinąą mąn, nɛ̨ąą mąn, da nuąi da mɛ̨nį hukpɛ di ɲɛ̨i ɓa. Nɔi lonnii kəlee wəli tɔɔi kɛ ɉɛɓɛ́ hu woo ɓa.

Bible

³ Ɛzura è Mose ŋɔtɔ̂ŋ kɔlɔi ŋí lòno naa dîɛ é kúla ɣele-wala pɛ-pɛ ma, é lɛ́ɛ la zu vóloi é tɛ́ ŋuŋ ma. È kɛ̀ tɔɔ̂-ni Ǹyá Siɣãŋ lá. È kɛ̀ Dɔ̂ŋ-ŋai ŋí lônoi ǹûai kélee wóli tɔ̂ɔ ma kpɔ́ tɔ̀ŋ-tɔŋ.

Nehemi 8:3 Iomraidhean Croise

Nehemi 10:29

Nɔi lonnii gbəliɠaai tii, ɉaláá laahəli nuą, Levi huwuhu nuą, bɛlɛ́ laaləi nuą, nwələ too nuą, da ɉaláá koló kɛ nuą, da nuąi kpɔ daa həɠə lɔi takpɛliɠaa hu nuą pulu, diɛ hvilɛn Yálá nwɔ tɔ́n nwooi pulu, di nɛ̨ąni, di lon ɉinąą da di lonnii nɛ̨ąą, nuąi kpɔ kɛ da pɛli mɛ̨nį kpaɠala kaai,

Nehemi 13:1

Nąąlɔwai, di Moisə nwɔ hɛɓɛ́i ɓo nɔi lonnii kəlee lííla, di gaa ɉɛɓɛ́ hu diɛ mą: Amɔn nuą da Moabə nuą, mąą hvo nɛ̨ɛ̨li di hvo lɔ Yálá nwɔ nu kpului lɔwai.

Nehemi 8:1

Nɔi lonnii kəlee di di ŋąąkpɔn nɔ yɛ nu tɔ̨nɔ̨, di pa a Moisə nwɔ tɔ́n ɉɛɓɛ́i, yaai tii Yai-Laa ə naa Israɛlə lonnii nwuɔ̨.

Nehemi 8:18

Hvóló tɛitɛi kəlee yee mu, di kɛi Yálá nwɔ tɔ́n ɉɛɓɛ́i ɓo, ə həɠə voló dɔlɔɔ ɓa, ə həli la voló gbɛlamąą ɓa. Di ɉɛlii tii pu hvóló mɛ̨ihveelɛ yee mu. Voló mɛ̨ihaaɓa yələ, di ɉɛli laakulɔ ŋąąkpɔn gɛ.

Nehemi 8:4

Ɉɛɓɛ́ kɛ mun Ɛsdrasə ə kɛ tɔɔni wulu ɓɛla gbatala ta mɛ̨i, yii di bɛli lɔ mɛ̨nįi tii mąą mɛ̨nį ɓa. Ɛlɛɛ, Matitia, Sɛma, Anaya, Uriya, Hilkiya, da Maaseya di kɛ tɔɔni gwɛlɛ mamįiyee hu pələ. Ɛlɛɛ, Pedaya, Misaɛlə, Malkiya, Hasumə, Hasbadana, Ɉekaria, da Mesulamə, di kɛ tɔɔni gɛɓɛyee hu pələ.

Nehemi 8:5

Ɛsdrasə ə ɉɛɓɛ́ laa ɓo nɔi lonnii kəlee ɲɛ̨i ɓa, nwun laŋin ŋąąi kɛ nu kəlee nwun mɛ̨i. Ɉɛɓɛ́ laa ɓoi ə mo, nu kəlee di haŋą di tɔɔ.

Markə 12:37

«Akɛ Davidə ə kɛ non mą: ‹Nwɔ́ mɛ̨nį Námu›, Nwun mąąɓo mun Yálá ə naakwɛlanmo, a pɛli kɛi ləi a Davidə lon?» Nuą tii di kɛi Jesus woo mɛ̨i di kwəi yɛ nɛ̨ɛ̨.

Lukə 19:48

Kɛlaa, pələi kɛ di tɛɛ la, di hvo kɛ bələ kɔ́lɔn, mąąhɔlɔɓo, nɔi nuą kəlee wəli tɔɔ kɛ nwoo ɓa kpaan.

Lukə 8:18

Ka gɛ a nɛlɛɛ, mɛ̨nįɠaai ka káá mɛ̨n ɉi mąą mɛ̨nį ɓa. Mąąhɔlɔɓo, nui hɛn da kaa ɲəi, Yálá a da pɛlɛ mą. Kɛlaa, nui hɛn da hvo ɲəi, yii woloi gili kaa mą, Yálá a tinąą gulɔ ɲəi.»

Gɛlaɠaa 13:15

Dɔ́n ɉɛɓɛ́ da Yálá kwəi mɛ̨nį hukulɔ nuą di wɔ hɛɓɛ́i ɓoɔ pulu, Yálá hvɛli pɛlɛ́ nwun nąmįną di nu tɔɔ di pɔ, diɛ kɛ diɛ: «Ku nąn nonnii, liɛwoo a kɛ ka la, káá kɛ ká mo nuą diɛ, bələ kaa ká yəi.»

Gɛlaɠaa 13:27

Kɛlaa yaamun Ɉerusalɛmə nuą da ɲɛ̨itɔwɔ nuą, di hvo Jesus kɔ́lɔn ni, di baa. Yálá kwəi mɛ̨nį hukulɔ nuą wooɠaai da moi a vįitɔɔ yələ tɛitɛi, diɛ di pɔ mɛ̨nį kɛ la tii.

Gɛlaɠaa 15:21

Hvo gaai, ə gɔwɔ tɔɔ gu kalaɓɔlɔni di wɔ yələi ɓa, mąąkwɛli kɛ nuą di kaa Moisə yəi daaɠaa hu, gbala ə tɔɔ, da kɛ ɉɛɓɛ́ ɓoi a vįitɔɔ yələ, Yálá hvɛli pɛlɛ́ɠaa mu.»

Gɛlaɠaa 16:14

Nɛ̨ąą ti dɔ̨nɔ̨ laa ɓaa kɛ a Lidi, a həɠə Tiatirə daai. Nįnį-kɔlɔ həɠə lɔwɔ́tɔɔmun ni, ə kɛli kwɛli hvilɛn Yálá ɓa. Nwəli tɔɔi kpɔ kɛ kpąą, gu Ną́mu aa kɛ hvaa mą, aa níi laa ɓo Polə woo tɔwɔ.

Gɛlaɠaa 17:11

Yiliɠaa lii lɛlɛɛi kɛ di kwəi, ə tɛɛ Tesalonikə Ɉuifəɠaa diɛ. Di di yee hee Yálá lawoo mu a di kwəi kwəlɛɛ, ɛlɛɛ, hvóló tɛitɛi yee mu, di kɛli Yálá lawoo hɛɓɛ́ mąą kpɛɛ, akɛ, mɛ̨nįi di kaa nɛi diɛ, gaa kpɔ ti a tɛ̨ą.

Gɛlaɠaa 20:11

Yili pulu, di pənə di tɛ, di nɛɠɛ ɲąąkwɛlɛ di mįi, ə lɛɛ kpɔ nwɔ̨nɔ̨ bələɓoi ə lɛɛ ɉu yələ ə ɓo. Yɛ kɛa li.

Gɛlaɠaa 20:7

Nɔwɔ nwɔ hvoló dɔlɔɔ yələ, ku ɲąąkpɔnŋąąi kɛ nɛɠɛ mįi mɛ̨nį ɓa, yii Polə ə kɛli pa lii a mąą yələ laaɓoɔ, ə kɛli galan nɛa kalan, ə lamun gbɔ pələ ɓoi diɛ, ə lɛɛ ɉu kwii hąą ə mɛlaɓo.

Gɛlaɠaa 28:23

Da diɛni di kuu hee, ɲələ həliɛ, di pa ɲəi bɛlɛ́n a di kpulu kɛnɛ̨. Gɛɛ nwoo hukulɔi, ə Yálá ŋą tɔɔlaai mąą kɛla hvaa ɓo, yɛ gɛ pələ kwɛli mą, ə gɛ, di yee hee Jesus mąą mɛ̨nį mu. Ə gɔwɔ tɔɔ Moisə nwɔ tɔ́n ɉɛɓɛ́i ɓa, da Yálá kwəi mɛ̨nį hukulɔ nuą di wɛiɠaa; di tuwɔ ɉu, ə həɠə yələwala pɔ ɓa, ə həli la yələwulii pɔ ɓa.

Dutɛrɔnome 31:9

Levi lonnii ŋɛ̨i kɛ a ɉaláá kulɔ nuą, diɛi kɛi mįnɛ̨ kon ɉəɠə, yii gwɛni ɓɛla hveelɛi ə kɛ laani ɉu, Moisə ə dɔ́n nwooɠaa tii pɛ̨ɛ̨ ə dɛɛ di pɔ, da Israɛlə kalanɉonŋąą kəlee.

Tɛsalonikə dɔlɔɔ 2:13

Yili ɓə gɛ, ku wɛi, ku pɔ pələ, kwa hva kpɛla Yálá mąmąɓo a yələ kəlee; ɓɛlɔwai ká Yálá laa woo hɔlɔɓo la, a yai kwa kɛ ká wəli tɔɔi mą, ká ká yee hee mu, ká hvo gɛli yɛ nu kan vaa woo, kɛlaa, yɛ bələi lɔ tii gaa la, a Yálá laa woo, yai gɛ-mɛ̨nį kɛi ká hu, káái a laa na nuą.

Zasua 8:35

Mɛ̨nįɠaa kpɔ Moisə ə bɛ̨ɛ̨ dɔ́n ɉɛɓɛ́ hu, dɔ̨nɔ̨ kpɛli hvo lɛɛ pulu, yii Ɉosue hvo kɛ mo li Israɛlə nu huwu ɓa, nɛ̨ą da ɉinąą, lɛapɛlɛɛ da nwɛ̨ąą mąn, nu kəlee ə mɛ̨n.

M̀ɛni-lɛɛi 2:29

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

M̀ɛni-lɛɛi 3:22

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»