Nehemi 8:2 - Yálá laawoo hɛɓɛ (dc)

² Ɉaláá laa həli mun Ɛsdrasə ə pa a dɔ́n ɉɛɓɛ́ nu kpɔn gəlee ɲɛ̨i ɓa; hinąą mąn, nɛ̨ąą mąn, ə mą kɛ nui lɔpee a mɛ̨nį hukpɛ, di kəlee di kɛ laa, ɲąnįn mɛ̨ihveelɛ naa nwɔ dɔlɔɔ tɔlɔɔ li kɛ.

Yálá laawoo hɛɓɛ

² Ɉaláá laa həli mun Ɛsdrasə ə pa a dɔ́n ɉɛɓɛ́ nu kpɔn gəlee ɲɛ̨i ɓa; hinąą mąn, nɛ̨ąą mąn, ə mą kɛ nui lɔpee a mɛ̨nį hukpɛ, di kəlee di kɛ laa, ɲąnįn mɛ̨ihveelɛ naa nwɔ dɔlɔɔ tɔlɔɔ li kɛ.

Bible

² Nya ƃe Ɛzura è pà a gɔlɔi. Diai kélee da mɛni ŋá kâa mai dí kɛ̀ naa. Ǹûai ŋí dí kɛ̀ a sinâa, nɛyâa da nîa-pɛlɛɛ.

Nehemi 8:2 Iomraidhean Croise

Nehemi 10:29

Nɔi lonnii gbəliɠaai tii, ɉaláá laahəli nuą, Levi huwuhu nuą, bɛlɛ́ laaləi nuą, nwələ too nuą, da ɉaláá koló kɛ nuą, da nuąi kpɔ daa həɠə lɔi takpɛliɠaa hu nuą pulu, diɛ hvilɛn Yálá nwɔ tɔ́n nwooi pulu, di nɛ̨ąni, di lon ɉinąą da di lonnii nɛ̨ąą, nuąi kpɔ kɛ da pɛli mɛ̨nį kpaɠala kaai,

Nehemi 13:1

Nąąlɔwai, di Moisə nwɔ hɛɓɛ́i ɓo nɔi lonnii kəlee lííla, di gaa ɉɛɓɛ́ hu diɛ mą: Amɔn nuą da Moabə nuą, mąą hvo nɛ̨ɛ̨li di hvo lɔ Yálá nwɔ nu kpului lɔwai.

Nehemi 8:18

Hvóló tɛitɛi kəlee yee mu, di kɛi Yálá nwɔ tɔ́n ɉɛɓɛ́i ɓo, ə həɠə voló dɔlɔɔ ɓa, ə həli la voló gbɛlamąą ɓa. Di ɉɛlii tii pu hvóló mɛ̨ihveelɛ yee mu. Voló mɛ̨ihaaɓa yələ, di ɉɛli laakulɔ ŋąąkpɔn gɛ.

Nehemi 8:9

Ya ɓə Nehemi ŋɛ̨i kɛ a gbahanama da Ɛsdrasə ɉaláá laa həli mun yai lɔ kɛ a ɉɛɓɛ́ kɛ mun, da Levi huwuhu nuąi tii kɛi ɉɛɓɛ́ hukulɔ wooɠaa ɓo nuą diɛ, di kɛi kɛ nɔi lonnii kəlee diɛ: «Volói ŋɛ̨i kaa a Yai-Laa ka wɔ Yálá nwɔ hvóló. Mąą hvo nɛ̨ɛ̨li, ka hvo kɛ liihɛlɛn ɉu, kaa wɔlɔ. Mąąhɔlɔɓo, nuą kəlee di kɛi wɔlɔ, dɔ́n ɉɛɓɛ́ hu woo mąą mɛ̨nį ɓa.»

Nehemi 9:1

Ɲąnįn tii nwɔ hvóló pow hveelɛ kɔ́w nąą ɲələ, Israɛlə nu huwu di mąąwɛli heeɓo, di muluun gbala pu di nwuɔ̨, di hin nɔ.

Azaya 28:9

Diɛ gɛ tii, di woo laa diɛ: «Gbɛɛ ɓə yɛ́ ə́ mɛ̨nį lɛ mą? Mɛ̨nįi ə́ kaa gaai, yɛ́ ə di hukulɔ gbɛɛ ɓa? Yɛ́ ə́ mo lɛapɛɛlɛɛi daa di laa kulɔ ɲįnį ɓa a nįnɛ̨ diɛ?

Levetekɔ 23:24

«'Mo Israɛlə lonnii diɛ, yɛ́ diɛ: «Ɲąnin mɛ̨ihveelɛnąą nwɔ hvóló dɔlɔɔ, kaa ka yəi a hvįįtɔɔ hvóló, yɛ mɛ̨nį kili too ka ŋą, ə ɓo a hɛli, ka ka ɲąąkpɔn a ɲələ, kaa mą́ą́wiɛ.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Lonon mo 29:1

«Ɲąnin mɛ̨ihveelɛnąą nwɔ hɛli yələ, ka ka ɲąąkpɔn, ka kwɛlihvilɛn Yálá ɓa; ka hva kóló walawala ta kɛ a ka yee a ɉɛli yələ.

Gɛlaɠaa 15:21

Hvo gaai, ə gɔwɔ tɔɔ gu kalaɓɔlɔni di wɔ yələi ɓa, mąąkwɛli kɛ nuą di kaa Moisə yəi daaɠaa hu, gbala ə tɔɔ, da kɛ ɉɛɓɛ́ ɓoi a vįitɔɔ yələ, Yálá hvɛli pɛlɛ́ɠaa mu.»

Dutɛrɔnome 17:18

Akɛ kɛa, dɔɔmun a pa tɛi ə hee dɔɔ kpəlin ɉu, ɉaláá kulɔ nu huwui ŋɛ̨i a Leviɠaa, di kaa pai dɔ́n ɉɛɓɛ́ pɛ̨ɛ̨ tɔ̨nɔ̨ tɛɛi bɔ a nwɔɔ.

Zasua 8:35

Mɛ̨nįɠaa kpɔ Moisə ə bɛ̨ɛ̨ dɔ́n ɉɛɓɛ́ hu, dɔ̨nɔ̨ kpɛli hvo lɛɛ pulu, yii Ɉosue hvo kɛ mo li Israɛlə nu huwu ɓa, nɛ̨ą da ɉinąą, lɛapɛlɛɛ da nwɛ̨ąą mąn, nu kəlee ə mɛ̨n.