Nehemi 8:17 - Yálá laawoo hɛɓɛ (dc)

¹⁷ Nuą kəlee, diɛi kpɔ tii həɠə nuwɔ laa hu, di kələɠaa tɔɔ di lɔ mu. Ya pa, ə həɠə Nun lon Ɉosue nwɔ hvólói ɓa, ə həli la ɲələi tii ɓa, Israɛlə nu huwu di hvo ta kɛ da kɛ li tii. Ə kɛ a kwəinɛ̨ɛ̨ kɛnɛ̨.

Yálá laawoo hɛɓɛ

¹⁷ Nuą kəlee, diɛi kpɔ tii həɠə nuwɔ laa hu, di kələɠaa tɔɔ di lɔ mu. Ya pa, ə həɠə Nun lon Ɉosue nwɔ hvólói ɓa, ə həli la ɲələi tii ɓa, Israɛlə nu huwu di hvo ta kɛ da kɛ li tii. Ə kɛ a kwəinɛ̨ɛ̨ kɛnɛ̨.

Bible

¹⁷ Ǹûai kélee kùla ǹuɛ laai su Babelɔŋ, dí ƃûu-ŋa tɔ̀ɔ díkɛ ƃò mu. É síɣe Nuŋ ǹóŋ Zasua ŋɔtãi ma é tóo tãi ŋí ma, Eezuɛ-ŋai dítãi maa ŋuŋ káa ŋí kɛ̀ gúui ŋí kulâi. Dí líi è nɛ̃ɛ kpɔ́ a ŋánaa.

Nehemi 8:17 Iomraidhean Croise

Kɔlɔnikɔ Maa-ŋuŋ 29:22

Di di laa mįi, di di kpələ a kwəinɛ̨ɛ̨, Yai-Laa líi la a ɲələi tii, di Davidə lon Salomɔn hee a tɔɔmun, di pənə di wulɔ lɔ mą a Yai-Laa Laa, ə kɛ a ɲąąwooɓo kɛmun, ɛlɛɛ Sadɔkə ə kɛ a ɉaláá laa həli mun gɛnɛ̨.

Kɔlɔnikɔ Veerɛi 30:26

Gwəinɛ̨ɛ̨ tii hu kɛnɛ̨i kɛ Ɉerusalɛmə nuą diɛ. Hvó gaai, ə həɠə kpɔ Israɛlə tɔɔmun lon Salomɔn ŋą yələi ɓa, ə pa ə həli la ɲələi tii ɓa, mɛ̨nį huwui tii ta hvo ta kɛ li Ɉerusalɛmə daai.

Kɔlɔnikɔ Veerɛi 35:18

Di hvo ta pakə hɛli pu li tii Israɛlə lɔi hu, ə həɠə kpɔ Yálá kwəi mɛ̨nį hukulɔ mun Samuɛlə nwɔ yələi ɓa, ə həli la ɲələi tii ɓa, Israɛlə tɔɔmun da, hvo ta pakə hɛli pu li tii, yɛ bələi Ɉosiasə, ɉaláá laa həli nuą, lévi lonnii, Ɉuda nuą da Israɛlə nuąi kɛ laa da Ɉerusalɛmə nuą di bu la.

Kɔlɔnikɔ Veerɛi 8:13

ə kɛi gulɔ yɛ bələi ɲələ tɛitɛi kəlee ŋą haláá kulɔ pələ ə kɛ la, a bələi Moisə ə mąą tɔ́n naa la. Vįitɔɔ yələɠaa nwɛi, ɲąnįn dɔɔ nįnɛ̨ɠaa, da ɉɛli yələɠaa; di kɛi gɛ gee mɛ̨i haaɓa kwɛlan dɛitɛi kəlee yee mu. Nɛɠɛi hvo tɛ li mąą hɛli, nɔwɔ mɛ̨ihveelɛ hɛli, da gələɠaa mąą hɛli.

Ɛsdrasə 3:4

Di nɛɛ mą, di ɉəɠə pɛlɛ́ mąą hɛli pu yɛ bələi bɛ̨ɛ̨i la. Hvóló kəlee haláá yii di kɛi gələn, di kɛi gulɔ yɛ bələi ə kɛ la a di huwula mɛ̨nį, hvóló tɛitɛi kəlee.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Dutɛrɔnome 16:15

Ɉɛlii tii, ka káá pai bui Yai-Laa ka wɔ Yálái mąąwiɛ mɛ̨nį ɓa a hvóló mɛ̨ihveelɛ, gɛɛnąą tii Yai-Laa ka wɔ Yálá kaa pai ɲeekpiɛ lɛi laa. Mąąhɔlɔɓo, Yai-Laa ka wɔ Yálá ə lúwɔ́ too ka wɔ tíiɠaai ɓa, da ka kɛ mɛ̨nįɠaa kəlee.

Hebreu 11:13

Nuą ti kəlee di lɛɛ laa na laa hu, di haa, mɛ̨nįɠaai di naakwɛlanmo diɛ, di hvo naa honŋąą kaa li. Kɛlaa, ə mą kɛ tii, di gaa kwɛaala, di nɛ̨nɛ̨ɓo, di di kpɔwɔ kɔlɔn a nwɛ̨ąą, da hiɛ kulɔ nuą ɓɛ lɔi mɛ̨i.

Hebreu 11:9

Laa na laa háálai, ə pa, ə hee nwɛ̨ą lɔi hu, ɓɛi di nąą laakwɛlanmo mą; di kɛ lɔ həɠə-kələɠaa mu, yaa da Isaakə, ɛlɛɛ Ɉakɔbə, a diɛi tii kɛ a mɛ̨nį laakwɛlanmoɔ ŋą kwɛlin ɉəɠə nuą.

Hebreu 4:8

Akɛ, Ɉosue ə nuą lɔ vįitɔɔ tii hu, hvo li kɛ pənə yili pulu, yɛ hvóló takpɛli mąą mɛ̨nį ɓo.

Zasua 1:1

Yai-Laa nwɔ tímun Moisə haa pulu, nąąlɔwai, Yai-Laa yɛ Moisə pɔ mun Nun lon Ɉosue ɓa: