Nehemi 8:16 - Yálá laawoo hɛɓɛ (dc)

¹⁶ Nu kəlee di kulɔ, də li di pa a kələ tɔɔ hɛnŋąą, nu kəlee ə pa a nwɛi ɲəi bɛlɛ́ laaləi da Yálá hee pɛlɛ́ kwɛlɛ kwəliɠaa hu, ə mą kɛ gwəli hąą tii kɛ ɲai pələ nwun na, da yii ŋɛ̨i kɛ Ɛfraimə nwɔ kpɔn dənən ma.

Yálá laawoo hɛɓɛ

¹⁶ Nu kəlee di kulɔ, də li di pa a kələ tɔɔ hɛnŋąą, nu kəlee ə pa a nwɛi ɲəi bɛlɛ́ laaləi da Yálá hee pɛlɛ́ kwɛlɛ kwəliɠaa hu, ə mą kɛ gwəli hąą tii kɛ ɲai pələ nwun na, da yii ŋɛ̨i kɛ Ɛfraimə nwɔ kpɔn dənən ma.

Bible

¹⁶ Nya ƃe ǹûai dí lì dí pá a wúru laa-ŋa. Dí ƃuu-ŋa tɔ̀ɔ dípɛrɛ-ŋai mɛi-pere a tɛ̀ɛ-ŋa. Da-ŋa dí díwɔ̂-ŋai tɔ̀ɔ dípɛrɛ-ŋai kɔlɛ ma, da-ŋa dí díwɔ̂-ŋai tɔ́ɔ Ŋ̀âla-pɛrɛ Kɛ́tɛi kɔlɛ ma. Da-ŋa dí díwɔ̂-ŋai tɔ̂ɔ Ǹyá Siɣãŋ lá kɔlɛ ma, da-ŋa dí díwɔ̂-ŋai tɔ́ɔ Ifiraŋ Siɣãŋ lá.

Nehemi 8:16 Iomraidhean Croise

Samia Veerɛi 11:2

Yələwulii pɔ ta, Davidə ə muhəgə ɲəi gbinŋa, yɛ gɔwɔ hu hiɛ nwɔ tɔɔ pɛlɛ́i a yələi pɛlɛ́ ɲimąn mu ɲələi. Ə lɛɛ laa bɛlɛ́ ton na, ə nɛ̨ɛ̨nu ta kaa yɛ nwaa, nɛ̨ɛ̨nui tii lɛlɛɛ kpɔ kɛ a mɔlɔ.

Tɔɔɓɛlaa veelɛ 14:13

Israɛlə tɔɔmun ə Ɉuda tɔɔmun Amasiasə hon a kɔluwɔ Bɛtə-Sɛmɛsə daai, Amasiasə yai kɛ a Ɉoasə lon, ə ɓo a Akaziasə mąnįn. Yili pulu, Ɉoasə ə pənə ə pa Ɉerusalɛmə daa, ə Ɉerusalɛmə mąąkpɛ hį́i wolo, ɓɛi ə nąą wolo ə kɛ a yee laa mą nwun nąąn; ə həɠə Ɛfraimə kpon mą, ə həli ɓɛi ɉį́i nwąną a hee laa gee ɓa gbon na.

Kɔlɔnikɔ Veerɛi 20:5

Ɉosafatə ə kɛ tɔɔni, Ɉerusalɛmə nuą da Ɉuda nuą daa mąątinɛ̨n. Di ɲąąkpɔn tii too Yai-Laa yəi bɛlɛ́ laaləi gwəli hɛ̨ąi nįnɛ̨ ɓa.

Kɔlɔnikɔ Veerɛi 33:5

Manase ə yələ kɔ́lɔn ɉu pɛmɛ̨lɛ̨n-gɔwɠaa kɔ́i pɛli Yai-Laa nwɔ pɛlɛ́i gwəli hɛ̨ąi hveelɛi ɓa.

Nehemi 12:37

Ɲa nwun gulɔi gbon gɛɛnąą, yii kɛ di ɲɛ̨itɔwɔ, də li naa diɛ li laa pələ, di tɛɛ a Davidə yəi bɛlɛ́ laaləi pələ diɛ tɛ ɉįi nwuɔ̨, Davidə nwɔ pɛ́lɛ́i nwun mɛ̨i pələ, ə lɛɛ di həli la nwɔ kpon ɓa, hvóló kulɔi pələ.

Nehemi 12:39

Ə lɛɛ, Ɛfraimə nwɔ kpon nwun mɛ̨i da Yesana nwɔ kpon, da ɉɔwɔlee pɛlɛ kpon. Hananeɛlə taa mąąkpɛ pɛlɛ da nu nwun nwundɔ̨nɔ̨ taa mąąkpɛ pɛlɛ, ə lɛɛ ɉu ku həli la daa mąąkpɛ pɛlɛ ɓa.

Nehemi 3:26

Goló kɛ nuą di kɛi yii Ofɛlə, ə həli la ɲa pɛlɛ laaləi tənən ma, ɓa-mįi-yee hu pələ, da daa mąąkpɛ pɛlɛ tənən ma.

Nehemi 8:1

Nɔi lonnii kəlee di di ŋąąkpɔn nɔ yɛ nu tɔ̨nɔ̨, di pa a Moisə nwɔ tɔ́n ɉɛɓɛ́i, yaai tii Yai-Laa ə naa Israɛlə lonnii nwuɔ̨.

Nehemi 8:3

Ə ɉɛɓɛ́ hu woo ɓo gwəli hąą, ɲai pələ nwun na, ə həɠə yələwala pɔ ɓa, ə lɛɛ la ɉu hvóló ə haŋą. Ɉinąą mąn, nɛ̨ąą mąn, da nuąi da mɛ̨nį hukpɛ di ɲɛ̨i ɓa. Nɔi lonnii kəlee wəli tɔɔi kɛ ɉɛɓɛ́ hu woo ɓa.

Ɉeremi 19:13

Ɉerusalɛmə taa da Ɉuda lɔi hutɔɔɓɛlaa kaa pai kɛi yɛ Tafetə, mąąliɓiɛ, a bɛlɛ́ɠaa kpɔ tii da kɛ halááɠaa kələn ɉii di laaləi yələkɔlɔn ɉu hɛnŋaa diɛ, diɛ lɔɔ pu laa haliɠaa diɛ.

Ɉeremi 32:29

Kalde nuąi tii pai gɔ́ pɛlɛi daai ŋɛ̨i ɓa, di kaa pai nwɔ̨n bilii daai, ɛlɛɛ, bɛlɛ́ɠaai di kɛi Baalə kɔ́ halááɠaa kulɔ mui, diɛ haliɠaa kɔ́ mui, di gəlee kələn.

Dutɛrɔnome 22:8

Yá pɛlɛ́ tɔɔ a nįnɛ̨, gala tɔɔ mɛ̨i nwəli la, ə gɛ nu ta hvo pa kulɔ laa hvo too ɲąmą wulu hvo lɛɛ ə́ wɔ pɛ́lɛ́i nwuɔ̨.