Nehemi 8:10 - Yálá laawoo hɛɓɛ (dc)

¹⁰ Ɛsdrasə yɛ diɛ: «Ka li, ka kɔ̨nɔ̨n nɛlɛɛɠaa mįi, ka lɔɔ nɛ̨ɛ̨ɠaa kpələ, ɛlɛɛ, nui hvo pɛli li hɛn da kɛ pələ pɛlii, ka mąą nuą tii kɔ́. Mąąhɔlɔɓo, volói ŋɛ̨i kaa a gu Ną́mu nwɔ hvóló mąąhəɠɛɛ, ka hvo kɛ liihɛlɛn ɉu, mąąhɔlɔɓo, Yai-Laa nwɔ kwəinɛ̨ɛ̨ ɓə gaa a guɔ huwalawala.»

Yálá laawoo hɛɓɛ

¹⁰ Ɛsdrasə yɛ diɛ: «Ka li, ka kɔ̨nɔ̨n nɛlɛɛɠaa mįi, ka lɔɔ nɛ̨ɛ̨ɠaa kpələ, ɛlɛɛ, nui hvo pɛli li hɛn da kɛ pələ pɛlii, ka mąą nuą tii kɔ́. Mąąhɔlɔɓo, volói ŋɛ̨i kaa a gu Ną́mu nwɔ hvóló mąąhəɠɛɛ, ka hvo kɛ liihɛlɛn ɉu, mąąhɔlɔɓo, Yai-Laa nwɔ kwəinɛ̨ɛ̨ ɓə gaa a guɔ huwalawala.»

Bible

¹⁰ Niɛmaya è mò ǹûai dîa ǹyɛɛi, “Ka lí naa kápɛrɛ-ŋai lá. Ka lí ká kátaa tûlɛ-ŋai da paa, ká kúu kɛ́, ká ŋwã̂ai kpele, ká lii nɛ̃ɛ kùla. Kà zãâi ŋí da tɛ̀ɛ diai pɔ́ da kɔ́ri pɔ̂ri maa fé dîɛi. Ká fé sèe a malôŋ pere. Ŋ̀elei ŋí káa a ɣele maa waa Kánuu-namui Yâwɛɛ mɛni ma. A pâi lii sêe tɛɛ̂i kápɔ é ká kákponôi kpanaŋ.”

Nehemi 8:10 Iomraidhean Croise

Tɔɔɓɛlaa dɔlɔɔ 8:66

Voló mɛ̨ihaaɓa yələ, Salomɔn ə ɓo nuą diɛ, di di hvɛli da tɔɔmun ni, nu kəlee ə li bɔ taai a gwəinɛ̨ɛ̨. Di kwəinɛ̨ɛ̨i kɛ, mɛ̨nįi kpɔ Yai-Laa ə gɛ nwɔ tímun Davidə da nwɔ nu huwui Israɛlə ɓa, mąą mɛ̨nį ɓa.

Kɔlɔnikɔ Maa-ŋuŋ 16:27

Mąą tinɛ̨nŋąąi a kɛɛpono kɛnɛ̨ɛ̨ mąąwiaa, ɓɛi gaa laa, huwalawala da mąąwiɛ ɓə nąą.

Nehemi 8:11

Levi huwuhu nuą di kɛi nuą kəlee ŋąąyɛɛ, di kɛ diɛ: «Ka ka laapilɛ! Mąąhɔlɔɓo, volói ŋɛ̨i kaa hvóló mąąhəɠɛɛ, mąą hvo nɛ̨ɛ̨li ka hvo kɛ liihɛlɛn ɉu.»

Nehemi 8:12

Nɔi lonnii kəlee diɛ kɛa li di kɔ̨nɔ̨n mįi diɛ di kpələ. Nuą yiiɠaai hɛn da hvo kɛ di yəi, diɛ di kɔ́, di kəlee diɛ kwəinɛ̨ɛ̨ kɛnɛ̨ kulɔ. Mąąhɔlɔɓo, nwooɠaai di mo diɛ, daa kɛ ŋąą kaa.

Mąątɛ̨nɛ̨ 149:2

Israɛlə ə kwəinɛ̨ɛ̨ kulɔ bɛlimun naa hu, Siɔn lonnii di hɛ́li pu di wɔ Heeɓomun mąą mɛ̨nį ɓa!

Mąątɛ̨nɛ̨ 89:17

A tɛ̨ą, di kaa pai kɛi túwɔ́i mąną kaai ə́ laa hu, di ɲɛ̨i yɛ pɔ̨nɔ̨, ə́ haŋą pələ ɓa.

Hanwon 17:22

Líílaa kaa a ɲɔ̨n ɉalə kɛnɛ̨, Kɛlaa, lííkələn gwəi, a nu kulɔ nwului.

Ikilisiati 11:2

Ə́ yəi hɛn gɔw lɔ mɛ̨nį tamąą hu, mąąhɔlɔɓo, ɓɛlɔwai kpaan mɛ̨nį kaa pai həli la lɔi mɛ̨i, hvó ɲələ kɔ́lɔn.

Ikilisiati 2:24

Mɛ̨nį ɲąąnɛ̨ɛ̨i lɔ gaa nu yəi, ya ɓaa: Ə kɔ̨nɔ̨n mįi, ə gbələ, ɛlɛɛ, ə gwəinɛ̨ɛ̨ kɛ kóló dɔlɔ hu. Ŋą́ gaa gɛ́ diɛ Yálá ɓə a nu kɔ́ a yili.

Ikilisiati 3:13

Nu a kɔ̨nɔ̨n ɉɔlɔɓo yɛ mįi, yɛ gbələ, yɛ ɲąąnɛ̨ɛ̨ kulɔ gɛ kóló hu, yili kaa a Yálá yəi mɛ̨inɛ̨ɛ̨.

Ikilisiati 5:18

Yili pulu, Yálá a hɛn gɔw da yee la hvólón dɛɛ nu pɔ, mąą nu yɛ pɛli gɛ kóló dɔlɔ kulɔi, yili kaa a Yálá yəi mɛ̨inɛ̨ɛ̨.

Ikilisiati 9:7

Yili ɓa, ə́ laa mįi, ə́ wɔ lɔɔi kpələ a ə́ kwəinɛ̨ɛ̨; mąąhɔlɔɓo, Yálá aa ə́ kɛ mɛ̨nįɠaa hu nɛ̨ɛ̨.

Wɛli 5:1

Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Azaya 49:5

Kɛlaa, yiihu, Yai-Laa aa hvaa, yai nɛ́ɛ́ néé kwəi, ə bɛ́li a nwɔ tímun, gɛ́ pɛli pənəi gɛ́ pa a Ɉakɔbə bɔ pələ, Israɛlə yɛ pənə yɛ ɲąąkpɔn gwɛlɛ. Ə həɠə nąąlɔwai ɓa, dɔ́lɔ́ kaa mą́ą́ Yai-Laa ɲɛ̨i ɓa, mąąhɔlɔɓo, vą́ŋą́ ɓaa a nwɔ́ Yálá.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Zooɛ 2:23

Siɔn daai nuą, ka kwəinɛ̨ɛ̨ kulɔ. Ka ɓə́lə́n ka pili yələi. Yai-Laa ka wɔ Yálái laa hu. Mąąhɔlɔɓo, aa tulɔ tɛɛ ka pɔ; a hamą tulɔ. Yɛ ka nwun mąąɓo. Yɛ pənə yɛ tulɔ pu ka mɛ̨i a hamą lɔɔ tulɔ. Yɛ pələi ə kɛi gɛ la a bɔlɔ.

Zakari 14:21

Ɉuda da Ɉerusalɛmə di wɔ kwɛli ləɠii kəlee di kaa pai kɛi a Yai-Laa Mɛ̨nį Kəlee ŋą Hééɓomun nwɔɔ, nui lɔpee pai pai haláá kulɔi, a di həɠə yɛ nwɔ haláá hɛn yili di hu. Mąą yələi tii, lɔwɔtɔɔmun va kɛa kɛ Yai-Laa Mɛ̨nį Kəlee ŋą Hééɓomun yəi bɛlɛ́n.

Lukə 11:41

Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Korɛntə veelɛ 8:2

Mɔ̨nɔ̨ huwu tamąą ə laa diɛ, kɛlaa di kwəinɛ̨ɛ̨ pələ kɛnɛ̨, di mɛ̨inɛ̨ɛ̨ kpɛa-kpɛaa kɛ, bələi mąn ti di kɛ la yeehvowolo laa hu.

Filipə 3:4

Ya pa, gílitɔɔ mɛ̨nį gbɔ́wɔ́ ɓa, nwunŋaa kaa mą, akɛ nu ta a gaa, yɛ kɛ, gaa gilitɔɔi kpɔwɔ ɓa, nwɛ́i tɛɛi nwɛi ɓa, kpɔ kɛnɛ̨.

M̀ɛni-lɛɛi 11:10

Lɔi mɛ̨i heeɓo nuą di kaa pai kwəinɛ̨ɛ̨ kulɔi di haa mɛ̨nį ɓa, da kɛ kwəinɛ̨ɛ̨ hu, diɛ mɛ̨inɛ̨ɛ̨ kɛ di kee ɓa, mąąhɔlɔɓo, Yálá kwəi mɛ̨nį hukulɔ nuą hveelɛi tii, di kɛli mɛ̨nį laa diɛ.

Samuɛlə dɔlɔɔ 25:8

Ə́ wɔ hilɛlɛa mąąnin gɛ, di kaa pai kɛi yɛ́: Tɛ̨ą li. Ə́ yee lɛlɛɛ hee kani nwɔ́ hilɛlɛai mu, hvo gaai kwaa pa a hɛli yələ. Nɛ̨ɛ̨ yɛ́, yii ə́ yee a pɛli mą, dɛɛ ə́ wɔ tínuą da ə́ lon Davidə ni pɔ.›»