Nehemi 8:1 - Yálá laawoo hɛɓɛ (dc)

¹ Nɔi lonnii kəlee di di ŋąąkpɔn nɔ yɛ nu tɔ̨nɔ̨, di pa a Moisə nwɔ tɔ́n ɉɛɓɛ́i, yaai tii Yai-Laa ə naa Israɛlə lonnii nwuɔ̨.

Yálá laawoo hɛɓɛ

¹ Nɔi lonnii kəlee di di ŋąąkpɔn nɔ yɛ nu tɔ̨nɔ̨, di pa a Moisə nwɔ tɔ́n ɉɛɓɛ́i, yaai tii Yai-Laa ə naa Israɛlə lonnii nwuɔ̨.

Bible

¹ Ŋ̀áloŋ ǹɔ́ɔlu mɛi feerɛi su, Eezuɛ-lonii kélee kùla gɔ-soŋ-laai sui, dí nâa kɛ̀ a dí séɛɛ dí taa-ŋai su. Ŋ̀áloŋ tí ŋɔfóloi maa-ŋuŋ, dí kélee dí díŋaa tɛ̀ díkîe ma ziɣãŋ lá da ǹaa tòli a Ǹya Siɣãŋ lá Zerusâlɛŋ taa-leei sui. Dí mò zâla láa soŋ-nuui Ɛzura ma nyii kɛ̀ a dɔ̂ŋ lɛ́-nuui dîyɛɛ mai, “Pá a dɔ̂ŋ kɔlɔi nyii Yâwɛɛ è wɔ́lɔ dɛ̀ɛ Eezuɛ-ŋai pɔ́ Mose sârai, í ǹóno kûɛ.”

Nehemi 8:1 Iomraidhean Croise

Tɔɔɓɛlaa veelɛ 23:2

Yili pulu, ə Ɉuda nuą həɠə, da Ɉerusalɛmə nuą, də li Yai-Laa yəi bɛlɛ́n; ɉaláá laa həli nuą, Yálá kwəi mɛ̨nį hukulɔ nuą, ə mą kɛ nɔi lonnii kəlee, bɛlɛɛɠaa mąn gbɛa-kpɛaa mąn. Mįnɛ̨ həɠə hɛɓɛ́i di gaa Yai-Laa yəi bɛlɛ́n, di ɉu woo ɓo di kəlee di ɲɛ̨i ɓa.

Kɔlɔnikɔ Veerɛi 34:15

Hilkiyahu yɛ ɉɛɓɛ́ kɛmun Safan ɓa: «Ŋą́ą́ dɔ́n ɉɛɓɛ́i kaa Yai-Laa nwɔ pɛlɛ́i mu.» Hilkiyahu ə dɔ́n ɉɛɓɛ́ tɛɛ Safan pɔ.

Kɔlɔnikɔ Veerɛi 34:30

Yili pulu, yaa, da Ɉuda nuą, Ɉerusalɛmə nuą, ɉaláá laa həli nuą, lévi lonnii, ə pɛlɛ la nɔi lonni kəlee diɛ, nui lɔpee gəlee, di li Yai-Laa yəi pɛlɛ́n. Di nɛɛ mą, mįnɛ̨ hɛɓɛ́i ŋɛ̨i di kaa Yai-Laa yəi bɛlɛ́n, di ɉu woo ɓo a di woo kɛnɛ̨ɛ̨.

Ɛsdrasə 7:1

Mɛ̨nįɠaai tii tɛɛ pulu, Pɛrsə tɔɔmun Artasɛrsɛsə nwɔ tɔɔlaa lɔwai hu; Ɛsdrasə ŋɛ̨i kɛ a Seraya lon, a Azaria lon, a Hilkiya lon,

Ɛsdrasə 7:10

Mąąhɔlɔɓo, Ɛsdrasə ə vaŋą lɔ Yai-Laa nwɔ tɔ́n kalan ŋąą ɓa, yɛ bɔ mɛ̨nį kɛ, ɛlɛɛ, yɛ ɉon bələ kalan Israɛlə lonnii diɛ.

Ɛsdrasə 7:11

Tɔɔmun Artasɛrsɛsə ə hɛɓɛ́ tɛɛ ɉaláá laa həli mun da ɉɛɓɛ́ pɛ̨ɛ̨ mun Ɛsdrasə ɓa, yai kɛ a Yai-Laa Israɛlə nwɔ Yálá nwɔ tɔ́nŋąąi kɔ́lɔn mun gɛnɛ̨. Ɉɛɓɛ́i tii hu woo ka:

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Nehemi 12:26

Nuą tii ɓə kɛ goló ɓa a Ɉosue lon Yoyakimə nwɔ lɔwai hu, Yosadakə lon, ə lɛɛ, da Nehemi ŋɛ̨i kɛ a gbahanama da ɉaláá laa həli mun Ɛsdrasə di wɔ lɔwai hu.

Nehemi 12:37

Ɲa nwun gulɔi gbon gɛɛnąą, yii kɛ di ɲɛ̨itɔwɔ, də li naa diɛ li laa pələ, di tɛɛ a Davidə yəi bɛlɛ́ laaləi pələ diɛ tɛ ɉįi nwuɔ̨, Davidə nwɔ pɛ́lɛ́i nwun mɛ̨i pələ, ə lɛɛ di həli la nwɔ kpon ɓa, hvóló kulɔi pələ.

Nehemi 3:26

Goló kɛ nuą di kɛi yii Ofɛlə, ə həli la ɲa pɛlɛ laaləi tənən ma, ɓa-mįi-yee hu pələ, da daa mąąkpɛ pɛlɛ tənən ma.

Nehemi 8:16

Nu kəlee di kulɔ, də li di pa a kələ tɔɔ hɛnŋąą, nu kəlee ə pa a nwɛi ɲəi bɛlɛ́ laaləi da Yálá hee pɛlɛ́ kwɛlɛ kwəliɠaa hu, ə mą kɛ gwəli hąą tii kɛ ɲai pələ nwun na, da yii ŋɛ̨i kɛ Ɛfraimə nwɔ kpɔn dənən ma.

Nehemi 8:3

Ə ɉɛɓɛ́ hu woo ɓo gwəli hąą, ɲai pələ nwun na, ə həɠə yələwala pɔ ɓa, ə lɛɛ la ɉu hvóló ə haŋą. Ɉinąą mąn, nɛ̨ąą mąn, da nuąi da mɛ̨nį hukpɛ di ɲɛ̨i ɓa. Nɔi lonnii kəlee wəli tɔɔi kɛ ɉɛɓɛ́ hu woo ɓa.

Azaya 8:20

A kɛ tii, 'ka ɉɛɓɛ́ hu kaa, da mąąkwɛli woo, da wala hvaa yɛ bələi ɉɛɓɛ́i tii hu woo kaa la, a kɛ tii yələ hvo ɓɔli di mɛ̨i.

Levetekɔ 9:5

Ɉɛnŋąąi tii Moisə ə di hvaaɓo, di pa a diɛ gee kaa kələ laaləi, yili pulu, nuą kəlee di lɛɠɛ laa, di tɔɔ Yai-Laa lííla.

Maafîu 13:52

Yili pulu, yɛ diɛ: «Tɔ́n galamɔ̨ɔ̨i lɔpee gilaa a pono Yálá-taa tɔɔlaa mąą mɛ̨nį hu, a ɲee hee mu, a kɛ yɛ: pɛlɛ́ nąmu ta, yaai, a hɛn nįnɛ̨ hɔlɔɓo, nwɔ hɛn gɔw pɔlɔi hu.»

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Maafîu 23:2

«Tɔ́n galamɔ̨ɔ̨ɠaa da Farisiɛ̨ɠaa ɓə da Moisə nwɔ tɔ́n hukulɔ kaa.

Maafîu 23:34

Yili ɓə gaa mą ka ka wəli tɔɔ a nəlɛɛ. Gáá Yálá kwəi mɛ̨nį hukulɔ nuą tɛɛi kaa, ə mą kɛ, mɛ̨nį kɔ́lɔn nuą da tɔ́n galamɔ̨ɔ̨ɠaa. Ka káá pai daɠaa kpanwoi kolɔwa ɓa, kaa daɠaa kɛlɛ ka wɔ Yálá hvɛli pɛlɛ́ɠaa mu a hvaɠa, kaa hvilɛn daɠaa pulu, kaa di kpɛ daa kpɛa-kpɛaɠaa hu.

Dutɛrɔnome 31:11

ɓɛlɔwai Israɛlə nuą kəlee kaa pai di ɲąąkpɔn ɉii la Yai-Laa ka wɔ Yálái lííla, ɓɛi ŋɛ̨i ə ɲeekpiɛ lɛ nąąi, nąąlɔwai, ka dɔ́n ŋɛ̨i ɓo Israɛlə lonnii kəlee ɲɛ̨i ɓa, ə too di wəlii.

Nwun mąąɓo 20:1

Israɛlə lonnii kəlee woo tɔɔi ə kɛ tanɔ̨n, di kəlee di di ŋąąkpɔn Mispa daai, Yai-Laa lííla. Di kɛi həɠə Dan lɔi hu, ɲələi pələ, ə lɛɛ la ɉu ə həli Beɛrə-Seva ɉɛɠɛɛ pələ, da Galaadə lɔi hu, voló həɠəi pələ.

Nwun mąąɓo 20:8

Di kəlee di woo tɔɔi ə kɛ tanɔ̨n, diɛ mą: «Nu ta lɔpee hvo kɛa bulu pənəi ɲəi ɉəɠə pɛlɛ́ mu, a wala kɛ tii, ɲəi bɛlɛ́ laaləi.