Nehemi 7:1 - Yálá laawoo hɛɓɛ (dc)

¹ Di kpɛɛ a ɉįi tɔɔ, ŋį́ gbonŋąą too, pɛlɛ laləi nuą, nwələ too nuą, da Levi huwuhu nuą, di nu kəlee hee nwɔ koló ɓa.

Yálá laawoo hɛɓɛ

¹ Di kpɛɛ a ɉįi tɔɔ, ŋį́ gbonŋąą too, pɛlɛ laləi nuą, nwələ too nuą, da Levi huwuhu nuą, di nu kəlee hee nwɔ koló ɓa.

Bible

¹ Kú ziɣãŋ tɔ̂ɔ Zerusâlɛŋ taa-leei ma pôlu kú gbôŋ-ŋai tóo ziɣãŋ-ŋai gbôŋ lá-ƃelei. È kɛ̀ tí, ŋá Ŋ̀âla-pɛrɛ Kɛ́tɛi mɛi káa-ƃelai, Ŋ̀âla-pɛrɛ Kɛ́tɛi mu wule-too-ƃelai da Liiva-ŋai pù dí tíi-ŋai mɛi.

Nehemi 7:1 Iomraidhean Croise

Tɔɔɓɛlaa veelɛ 7:10

Di pa, di ɉįi la nuą təli, diɛ diɛ: «Kwaa li, kwaa həli Aramə nuą di wɔ kɔ́ɓuwui la, nui lɔpee ta hvo laa, nu woo kpɛli hvo tɔɔi laa; ɉooɠaa lɔ ɓə kɛ laa da ɉoohvaalənŋąą, di yiliɛ ɉəɠə pɛlɛ́ɠaa diɛ, daa di lɛɛ laa.»

Kɔlɔnikɔ Veerɛi 31:2

Ezekiasə ə ɉaláá laa həli nuą da lévi lonnii heekpəlin na kɛ, ə di hee a di kpulu, ə di kɛ kolóɠaa lɛ diɛ. Ɉaláá laa həli nuą da lévi lonnii di yee ə lɛɛ ɉaláá hɛn da gəlee kələn mąą mɛ̨nį ɓa, niilaa haláá, goló mɛ̨nį, Yálá hɛɠɛɛɓo mɛ̨nį da mąątɛ̨nɛ̨ mɛ̨nį ɓa Yai-Laa ŋą kwəlii laaləi.

Ɛsdrasə 3:8

Pai ŋɛ̨i di mo Ɉerusalɛmə, Yálá nwɔ pɛ́lɛ́i kɛ laa, gwɛlan veelɛnąą nwɔ ɲąnin veelɛ lɔwai, Saltiɛlə lon Zorobabɛlə da Yosadakə lon Ɉosue, da di kaayɔwɔɠaai ŋɛ̨i kɛ a ɉaláá laa həli nuą, a Levi lonnii da nuąi kpɔ kulɔ luwɔlaa hu, diɛ pa Ɉerusalɛmə daai, di di yee pɛlɛ goló ɓa. Di Levi lonnii hee Yálá hee pɛlɛ́ tɔɔ mɛ̨nį golóɠaa nwun na, ə gɔwɔ tɔɔ nui gaa kwɛlan gaa pow hveelɛ mą, yɛ li la tɔwɔ pələ.

Nehemi 10:39

Ɉaláá laa həli mun dɔ̨nɔ̨, yii gaa a Aarɔn lon da, a kɛ Levi huwuhu nuą pɔ, ɓɛlɔwai da kɛ ɉɛn bow naa hon ɉii la. Levi huwuhu nuą da ɉɛn bow naa tii, nwɔ hɛn bow nąąɠaa həɠə a ku wɔ Yálái nwɔ pɛ́lɛ́i nwɔɔ, də li di bu ɉɛn gɔw laikɛ pɛlɛ mu.

Nehemi 11:3

Nɔi ɲąąwooɓo nuąi pa heei Ɉerusalɛmə daai, di laa ka: Ə gɔwɔ tɔɔ Ɉuda taaɠaa hu, Israɛlə, ɉaláá laa həli nuą, Levi huwuhu nuą, ɉaláá koló kɛ nuą, da Salomɔn nwɔ tínuą lonnii nu kəlee ə hee nąn gwɛlin mɛ̨i, bɔ taai.

Nehemi 12:24

Levi huwuhu nuą ɲɛ̨itɔwɔ nuą ka: Hasavia, Serevia da Kadmiɛlə lon Yesua, ə lɛɛ, di nąn nonnii ŋɛ̨i kɛi nwələ muhon di ɲɛ̨itɔwɔ, yɛ pələi Yálá nwɔ nu Davidə ə mo la, nu kəlee da nwɔ hvóló, Yálá mąątɛ̨nɛ̨ mɛ̨nį da ɉɛɠɛɛ ɓo mɛ̨nį ɓa.

Nehemi 6:1

Ɓɛlɔwai di mo la Sanbalatə ɓa da Toviya da Gɛsɛmə, yai kɛ a Arabə mun, da ku yowo takpɛliɠaa diɛ, diɛ kɛ diɛ; ŋą́ą́ ɉįi tɔɔ, ə lɛɛ, wolo hvo kɛa mą; və́ nii kɛ gbonŋąą too li.

Nehemi 6:15

Daa mąąkpɛ hįį tɔɔ ə kpɛɛ ɉu a Elulə ɲąnįn nwɔ hvóló pow hveelɛi kɔ́w lɔɔli yələ; hvóló pow lɔɔli kɔ́w hveelɛ yee mu.

Nehemi 6:19

Di kɛi kpɔ mun hɔlɔɔ mąątɛ̨nɛ̨ ɲɛ̨́i ɓa, diɛ nwóóɠaa hukulɔ mą. Toviya ə kɛi hɛɓɛ́ɠaa tɛɛ diɛ, yɛ mą́ą́ɲɔw ɉu.