Nehemi 6:1 - Yálá laawoo hɛɓɛ (dc)

¹ Ɓɛlɔwai di mo la Sanbalatə ɓa da Toviya da Gɛsɛmə, yai kɛ a Arabə mun, da ku yowo takpɛliɠaa diɛ, diɛ kɛ diɛ; ŋą́ą́ ɉįi tɔɔ, ə lɛɛ, wolo hvo kɛa mą; və́ nii kɛ gbonŋąą too li.

Yálá laawoo hɛɓɛ

¹ Ɓɛlɔwai di mo la Sanbalatə ɓa da Toviya da Gɛsɛmə, yai kɛ a Arabə mun, da ku yowo takpɛliɠaa diɛ, diɛ kɛ diɛ; ŋą́ą́ ɉįi tɔɔ, ə lɛɛ, wolo hvo kɛa mą; və́ nii kɛ gbonŋąą too li.

Bible

¹ Saŋbala, Tobaya, Arebi nuui Gɛsɛŋ da kúkpɔara-ƃelai kpéli-ŋai dí mɛ̀ni a gɛɛ kwa kpɛɛ ziɣãŋ tɔ̂ɔ ma pôlu, ǹaa da fé lɛɛ ní. M̀ɛnii nɔ́ lɛ̀ɛ a gɛɛ kú gɛ́i ƃé kɛ̀ a gbôŋ-ŋai sɛ̂lɛŋ mɛni ziɣãŋ lá a tɛ̀ɛ-ŋa.

Nehemi 6:1 Iomraidhean Croise

Nehemi 13:4

Gɛɛ kɛ yili hvo kɛ, ɉaláá laa həli mun Ɛliasivə ɓə di gɛ a ku wɔ Yálái nwɔ pɛlɛ́ɠaai mɛ̨i kaa mun. Ɛliasivə ə kɛ a Toviya nwɔ nu ta.

Nehemi 2:10

Nąąlɔwai Sanbalatə ŋɛ̨i kɛ a Horɔn mun, da Toviya, Amɔn mun, yii kɛ ɲee mu. Di bələi tii mɛ̨n, di kwəi hvo nɛ̨ɛ̨ kpɔ tiikpə, gili kɔ́lɔn di mo, diɛ kɛ nu ta aa pa, yɛ Israɛlə lonnii mąą mɛ̨nį lɛlɛɛ ɲɛ̨i kulɔ.

Nehemi 2:19

Nąąlɔwai, Sanbalatə yai kɛ a Horɔn mun, da Toviya Amɔn mun yii kɛ ɲee mu, da Gɛsɛmə yii Arabə mun, bələ mɛ̨i di mo, di kɛi di woo həɠə ku wɔ, diɛ ku hviiɓo diɛ kɛ diɛ: «Lə ɓə ka káá gɛi? Kaa kɛ kulɔ tɔɔmun nwoo mu?»

Nehemi 3:1

Ɉaláá laa həli mun gɛnɛ̨ Ɛliasivə, ə muhəɠə da gaayɔwɔɠaa ɉaláá laa həli nuą, bɛlɛ́ laaləi ŋɛ̨i ɉįi ɓa, yɛ ɓo a mɛlaaɠaa lɔi, di naa gbon doo. Di lúwɔ́ too mą. Di gbon mɛlaɠaa hɛlɛn, di həli la nu nwundɔ̨nɔ̨ nwɔ taa mąąkpɛ pɛ́lɛ́i ɓa. Di lúwɔ́ too ɉįi ɓa, ə lɛɛ la ɉu, di həli la Hananeɛlə daa mąąkpɛ pɛlɛ́ ɓa.

Nehemi 3:3

Ha-Senaa lonnii diɛ ɉɔ̨nwɔ̨lee pɛlɛ́ laaləi tɔɔ, diɛ lɔ ɓə bɛlɛ́ mɛ̨i kɛ, di gbonŋąą too, di gwɛliɠaa too na.

Nehemi 3:6

Pasea lon Yoyada da Besodia lon Mesulamə, diɛ ɓə Yesana pɛlɛ laaləi tɔɔ; diɛ lɔ ɓə mɛ̨i kɛ, di gbonŋąą too, di gwɛli too na.

Nehemi 4:1

Sanbalatə, Toviya, Arabə nuą, Amɔn nuą, da Asdɔdə nuą, bələ mɛ̨n di mo, diɛ Ɉerusalɛmə mąąkpɛ hįį kaa pɛlii, goló yɛ tɛ tɔwɔ, ə lɛɛ nwoloɠaa yɛ kpulu, di lii ə holi kpɔ kɛnɛ̨.

Nehemi 7:1

Di kpɛɛ a ɉįi tɔɔ, ŋį́ gbonŋąą too, pɛlɛ laləi nuą, nwələ too nuą, da Levi huwuhu nuą, di nu kəlee hee nwɔ koló ɓa.

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.