Nehemi 5:8 - Yálá laawoo hɛɓɛ (dc)

⁸ Gɛ́ diɛ: «Ɉuifəɠaa ŋɛ̨i a gu kaayɔwɔɠaa, diɛi kɛ daa di lɔwɔ́tɔɔ hį́i takpɛliɠaa diɛ, guɔ kpinįi ɓə di nwun mąąɓo, yɛ pələi guɔ yee pɛli mąą mɛ̨nį kaa la. Kɛlaa, kaa mun, ka káá ka kaayɔwɔɠaa lɔwɔ́tɔɔi, ku wɔ ɓə ka káá di lɔwɔ́tɔɔi kuɔ.» Di di mɛ̨i haa, di hvo pɛli mɛ̨nįi lɔpee ta ɓoi.

Yálá laawoo hɛɓɛ

⁸ Gɛ́ diɛ: «Ɉuifəɠaa ŋɛ̨i a gu kaayɔwɔɠaa, diɛi kɛ daa di lɔwɔ́tɔɔ hį́i takpɛliɠaa diɛ, guɔ kpinįi ɓə di nwun mąąɓo, yɛ pələi guɔ yee pɛli mąą mɛ̨nį kaa la. Kɛlaa, kaa mun, ka káá ka kaayɔwɔɠaa lɔwɔ́tɔɔi, ku wɔ ɓə ka káá di lɔwɔ́tɔɔi kuɔ.» Di di mɛ̨i haa, di hvo pɛli mɛ̨nįi lɔpee ta ɓoi.

Bible

⁸ Ŋá m̀o dîa ńyɛɛ, “Kánûai ká díkɔ̀lɛ lɔii ŋûŋ da kpɛ́ni-ŋa su-ƃela dîai, kú díŋuŋ maa ƃó kú pá a dia pôlu. Kɛ́lɛ ká káa niî gɛ̂i kánûai da-ŋa díkɛ díkpîŋ kɔlɛ káƃarâa Zuda-ŋai kûa!” Tãi ǹûai láa túɛ-ƃelai da diai kɛ̀ naa a gâloŋ ŋɛ́i gaoi dí ŋ́ooi ŋí m̀ɛni lai, dífe pɔ̂ri ní ŋ́oo su toôi, kpɛ́ni fêi, díkɛ̀ a gɔ́lɔŋɔɔ a gɛɛ m̀ɛnii ŋá m̀o dîai è kɛ̀ a tɔ̃yâ.

Nehemi 5:8 Iomraidhean Croise

Nehemi 5:9

Ɛlɛɛ, gɛ́ diɛ: «Yii ŋɛ̨i ka káá gɛi, hvo pɛli li ɉu. Kɛlaa, mąąnɛ̨ɛ̨ ka gu hiɛ gu wɔ Yálái nwɔ ɲɔw mąą laa hu, ə gɛ, gu hvo pa nwunmɛ̨ hį́i takpɛliɠaa ɲɛ̨i ɓa, diɛi di kaa a gu yowoɠaa.

Zôo 29:10

Nɔi nąmįną woo ə kɛi pu di la, di nɛ̨n yɛ kanąn di nɛ̨ŋɛ̨nɛ̨ŋɛ̨n mu.

Zôo 32:15

Di kaa li! Daa di hvina tɔ́n, di hvo pɛli li hvaai kɛa. Daa di woo tee di la.

Lɛɛ gbɔwɔ ɓa 21:16

«‹Nui a nu kan nwuɔ̨, akɛ aa gbɛa nɔwɔtɔɔ, a wala kɛ ti a kɛ nii ɲəi, mąąnɛ̨ɛ̨ di nwuɔ̨mun tii baa.

Maafîu 22:12

Ə mo yili ɓa yɛ mą: ‹Náwɛi, ə́ gɛ pələ kɛ ləi yɛ́ lɔ ɓɛ yaan ɉɛli həɠə ta hvo ə́ kwaną?› Kɛlaa, nui tii hvo hvaa.

Maafîu 25:15

Ə wali kwələ lɔɔli həɠə ə dɛɛ dɔlɔɔ pɔ, ə hveelɛ həɠə ə dɛɛ veelɛ nąn pɔ, ə li ə tɔ̨nɔ̨n həɠə ə dɛɛ ɉaaɓa nąn pɔ. Ə dɛɛ di pɔ yɛ pələi di wɔ hvaŋą lɔ laa kaa la. Yili pulu ə li hiɛ ɓa.

Maafîu 25:29

Mąąhɔlɔɓo, nui da kaa ɲəi, da pɛlɛ mą, ə gɛ, ə kɛnɛ̨ ɲəi. Kɛlaa, nui da hvo ɲəi, yii woloi gaa ɲəi da ɉəɠə ɲəi.

Lomaŋ 14:15

Kɔ̨nɔ̨n yá mįi ə kɛ a ə́ ɓɛlanmun nan ɉɛn, yá mįi, a kɛ tii, hvó hiɛi wɛlikɛmąąlaa hu. 'Gɛ a nɛlɛɛ, ə́ kɔ̨nɔ̨n və, nui Kristə ə haa mąą mɛ̨nį ɓa, nwun na pili.

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Korɛntə dɔlɔɔ 8:11

A kɛ tii, ə́ wɔɔ mɛ̨nį kɔlɔn bələi tii kaa pai gɛi, nui ŋɛ̨i Kristə ə haa mąą mɛ̨nį ɓa, nwun na ə pili.

Korɛntə veelɛ 8:12

Nu kiliŋąhiɛ pələ a lɛlɛ kpɔ a neelee, da di yee hee mu, da hɛn gaa ɲəi, hɛn da awala nwɔ̨nɔ̨ kɛ ɲəi, mɛ̨nį hvo li!

Galatə 6:10

Yili ɓa, yii kpɔ gu kaa nii gu hvulú kɔwɔ ɲą, 'ká gu kolo kɛ, dɔlɔ ə həli nu kəlee ɓa, gəlee ə mą kɛ, nuąi di lɛɠɛɛ guɔ, laa na la hu.

Dutɛrɔnome 24:7

Da nu ta kaa aa nɔi lon da, yii gaa a Israɛlə lon da aa nwuɔ̨, yɛ ɲee pənə ɉu, a wala kɛ tii, yɛ nɔwɔtɔɔ; ka nu nwuɔ̨ mun tii paa, ka mɛ̨nį ɲɔ̨n gulɔ ka lɔwai.