Nehemi 5:10 - Yálá laawoo hɛɓɛ (dc)

¹⁰ Ɲą́ą́ gbɛli mąn, kwa ną́n nonnii, ku wɔ kwələ kaa diɛ, kɛlaa, ku kaa nɛɛi diɛ a mɛ̨inɛ̨ɛ̨.

Yálá laawoo hɛɓɛ

¹⁰ Ɲą́ą́ gbɛli mąn, kwa ną́n nonnii, ku wɔ kwələ kaa diɛ, kɛlaa, ku kaa nɛɛi diɛ a mɛ̨inɛ̨ɛ̨.

Bible

¹⁰ Ńyãa máŋ, kwa ḿarâai da ŋátii kɛ́-ƃelai kwa sɛŋ káo da mii sãa kpa pìli. Kɛ́lɛ ŋa m̀ôi kâa a gɛɛ kú tée gêni mɛnii pôlu.

Nehemi 5:10 Iomraidhean Croise

Nehemi 10:32

Nɔi nuą di pa a lɔwɔ tiɛ̨ da hɛn ɉuwui lɔpee, di lɔwɔ́tɔɔ mɛ̨nį ɓa a túwɔ lɔwɔ yələ, da ɉɛli yələɠaa, ku hva hɛn da ya di yəi. Ə lɛɛ, gwɛlan mɛ̨ihveelɛ yələ, kwa kwələ huwu lɔpee gələ lɛɛ nuą diɛ a kpɛli.

Nehemi 5:11

Háákələi, ka di wɔ tíiɠaai tɛɛ di pɔ, da di wɔ viɲə yɛɛɠaai di wɔ pɛlɛ́ɠaai. Ɛlɛɛ di wɔ waliɠaai, da nɔɔ nįnɛ̨, da wulɔɠaai ka gwələtɔɔ diɛ, ka dɛɛ di pɔ.»

Nehemi 5:7

Ŋą́ gaa, gɛ́ diɛ, mą nɛɛ ŋį́ haŋą kalanɉonŋąą da ɲɛ̨itɔwɔ nuą diɛ. Yili ɓə gɛ, ŋį́ mo diɛ, gɛ́ diɛ: «Tiɲɛ̨ wiaa ka ŋɛ̨i ka káá ɉeei ka kee nwuɔ̨.» Yili pulu, ŋį́ di kəlee di təli ŋąąkpɔn kɛnɛ̨ ɓa.

Nehemi 5:9

Ɛlɛɛ, gɛ́ diɛ: «Yii ŋɛ̨i ka káá gɛi, hvo pɛli li ɉu. Kɛlaa, mąąnɛ̨ɛ̨ ka gu hiɛ gu wɔ Yálái nwɔ ɲɔw mąą laa hu, ə gɛ, gu hvo pa nwunmɛ̨ hį́i takpɛliɠaa ɲɛ̨i ɓa, diɛi di kaa a gu yowoɠaa.

Mąątɛ̨nɛ̨ 15:5

Hva kwələ tɔɔ a tɔ̨nɔ̨ hɔlɔɓo pələ ɉu, hva kwəi kwələmun ŋą hɛn gulɔ ɲəi, əgɛ, yili yee ə lɛɛ ɉu. Nui a túwɔ́ tii, dɔɔi lɔ gbilin a yələ kəlee, hva dumo dɔɔi.

Azaya 58:6

Ɉin nɔ pələi gaa a nííɓa mɛ̨nį, ya ka: 'ka wea laa yɔwɔn volóon, nuąi daa hee di mɛ̨i, 'ka di kulɔ ɉu, nuąi kɛ mɔ̨nɔ̨ hu 'ka ka yee ɓo diɛ, 'ka nu mɔ̨nɔ̨ ɓo hɛn gəlee kulɔ laa.

Izikiɛ 18:13

Yɛ tɔ̨nɔ̨ kwɛli kwələ tɔɔ hu, yɛ tɔ̨nɔ̨ hɔlɔɓo a hulu, mąą lon a pɛli lɛɛi yɛnɛ̨ɛ̨? Hva lɛɛ yɛnɛ̨ɛ̨. Ə mɛ̨nį ɲɔ̨n ɉuwui tii kəlee kɛ, gaa pai haai ɉəɠə mąą hvo ɉu; ɲąmą wulu ə lɛɛ gbɔwɔ nwuɔ̨.

Izikiɛ 18:7

Hva ɲee pənə nu ta hu, hva tolaa hɛn ɉon, hva nwuɔ̨ kɛ, yɛ gɔ̨nɔ̨n da tɛɛ pulu həɠə mun bɔ, nui həɠə hvo mą, yɛ həɠə kɛ mąą nu ɓa,

Izikiɛ 18:8

hva kwələ tɔɔ a tɔ̨nɔ̨ hɔlɔɓo pələ ɉu, hva kwələ kpɛ a da laa pələ mɛ̨i, yɛ ɲee kulɔ hulu mɛ̨nį hu; yɛ nuą lɔwai mɛ̨nįɠaa ɓo a tɛ̨ą,

Mise 2:1

Nuąi da mɛ̨nį ɲɔ̨nwɔ̨ɔ̨ mąą kiliŋąhiɛ kɛ, Di nwun na ɲɔ̨nwɔ̨ɔ̨i; di ɓo di yəi gbin ŋą, diɛ mɛ̨nį ɲɔ̨nwɔ̨ɔ̨ pənə di kwəi diɛ doo. Yələ a lɛɛ kpɔlɔɔ ɓɔi, diɛ di yee pɛlɛ mɛ̨nį ɲɔ̨n gɛɛ ɓa, mąąhɔlɔɓo, mąą laa kaa di yəi.

Korɛntə veelɛ 5:11

Yii kani, bələi mąąnɛ̨ɛ̨ gu ɲɔw la gu Nąmu ɓa, nu kəlee ə gɔlɔn, kwa tɔɔ a ku nwąnąi, kuɔ nuą kilaa pono, ɛlɛɛ, Yálá ɲɛ̨i ɓa, ku mąą mɛ̨nį hu ponoɔi. Nwɔ́ɔ́ kwəi pələ, mą́ą́ mɛ̨nį hu ponoɔi káá kpɛlimąn ká kili hu pələ.

Korɛntə veelɛ 5:20

Yili ɓa, Kristə laa hu ɓə, ku kaa la ɓɛ lɔi mɛ̨i, a ɲɛ̨i kɔw, ɛlɛɛ, ku pɔ pələ ɓə Yálá a ká təli la. Kristə laa hu, ku kaa nɛ̨ɛ̨mąą hvəə káá, kuɔ, 'ká ká kpɔwɔ lɛɛ laa, di ká lɔwai ponnaa kulɔ, ká Yálá ni ká yee ə lɔ gee hu.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Dutɛrɔnome 15:2

Gwələ lɛɛ mɛ̨nį nuą diɛ a kpɛli, gɛ pələ ka: Nui a kwələ tɔɔ mɛlan mun ma, a gwələ lɛɛ mą a kpɛli. Da gwələ lɛɛ mɛ̨nį a kpɛli loloɓo Yai-Laa laa hu. Mąą nu hva pɛli mɛlan, awala kɛ tii nąn non ganąn ɉii.