Nehemi 3:15 - Yálá laawoo hɛɓɛ (dc)

¹⁵ Ɲa nwun gulɔi pələ, Kɔlə-Hoze lon Salumə ŋɛ̨i kɛ a Mispa nwun nąmu, ya ɓə nąą koló kɛ. Ə dɔɔ, ə mɛ̨i kɛ, ə gbonŋąą too, ə gwɛliɠaa laa bulu da naa kpulu kwɛliɠaa. Ə pənə ə daa mąąkpɛ hįį pɛli, ə həɠə ɲálɔwa kɛnɛ̨ ɓa, tɔɔmun nwɔ nɔw yɛai kwɛlɛ, ə həli la Davidə taa pələ ɓa.

Yálá laawoo hɛɓɛ

¹⁵ Ɲa nwun gulɔi pələ, Kɔlə-Hoze lon Salumə ŋɛ̨i kɛ a Mispa nwun nąmu, ya ɓə nąą koló kɛ. Ə dɔɔ, ə mɛ̨i kɛ, ə gbonŋąą too, ə gwɛliɠaa laa bulu da naa kpulu kwɛliɠaa. Ə pənə ə daa mąąkpɛ hįį pɛli, ə həɠə ɲálɔwa kɛnɛ̨ ɓa, tɔɔmun nwɔ nɔw yɛai kwɛlɛ, ə həli la Davidə taa pələ ɓa.

Bible

¹⁵ Saluŋ ƃé ziɣãŋ kpɛ̀tɛ da dòli a Ǹya Tôŋ ma Siɣãŋ, é vaâŋ kula ma. Dí gbôŋ sɛ̂lɛŋ wuru kpono-ŋai tɔ̂ɔ. È kɛ̀ tí, dí ziɣãŋ-ŋai lá kpôŋ-ŋai sɛ̂lɛŋ dí zɔɔ̂ŋ too sãai kpɛ̀tɛ. Gwaa da ma káa naa da ǹaa tòli a Sila Poai. È ziɣãŋ ŋí tɔ̂ɔ kɔ́ɔ pìlaŋ naa é seri la gâloŋ pɛrɛi pôlu. È tɛ̀ɛ la naa é lí é seri berei ma nyii a tɛ̂ Gâloŋ Deeƃé ŋɔtaa-lêei sui. Saluŋ è kɛ̀ a Misipa lɔii kpiniŋ mɛi nûu. Saluŋ ǹâŋ láa ƃé kɛ̀ a Kowozɛ.

Nehemi 3:15 Iomraidhean Croise

Samia Veerɛi 5:9

Davidə ə hee gulaa kwəlii, ə nąą laa hee a «Davidə taa.» Yili pulu, Davidə ə pɛlɛ́ɠaa tɔɔ kpɔ nąą kwɛlɛ kəlee, ə həɠə gɛɛnąą laa hvɛɛ ɓa, yɛ li la daa kwəi pələ.

Tɔɔɓɛlaa veelɛ 25:4

Kalde nuą di nɛɛ mą, di wolo tee daa mąąkpɛ hį́i ɓa. Kwii hąą, Ɉuda kɔkulaaɠaa di pu. Bələi mąn Kalde kɔkulaaɠaa daa kɛ Ɉerusalɛmə taa mąątinɛn na, ɉį́i naaləi ɲii ŋɛ̨i kɛ a tɔɔmun yəi nɔw yɛa pələ, nąą bələ ɓə di tɛɛ la, ɉį́i hveelɛi ti lɔwai. Da tɔɔmun ni di ɉaŋą a Ɉurdɛn ɲa-ɓoloon bɔ pələ.

Kɔlɔnikɔ Veerɛi 32:30

Ezekiasə tii ɓə Gihɔn yaɠaa nwun gulɔi laa kpulun ɲánwuɔ̨ pələ, ə ɲa laa ɉɛɠɛɛ pələ, voló tooi pələ Davidə taa tənən ma. Mɛ̨nįɠaa kpɔ Ezekiasə ə ɲee too ɉu, ɉu ə nɛ̨ɛ̨ mą.

Nehemi 12:37

Ɲa nwun gulɔi gbon gɛɛnąą, yii kɛ di ɲɛ̨itɔwɔ, də li naa diɛ li laa pələ, di tɛɛ a Davidə yəi bɛlɛ́ laaləi pələ diɛ tɛ ɉįi nwuɔ̨, Davidə nwɔ pɛ́lɛ́i nwun mɛ̨i pələ, ə lɛɛ di həli la nwɔ kpon ɓa, hvóló kulɔi pələ.

Nehemi 2:14

Ŋą́ tɛɛ a ɲa nwun gulɔi kpon da tɔɔmun nwɔ powaya kɛɛnąą pələ, yili pulu, ɉooi ŋį́ kɛ mɛ̨i, dɛɛi hvo kɛa kɛɛ laa.

Nehemi 2:17

Ya ɓə ŋį́ kɛ diɛ: «Mɛ̨nį ɲąąnwąnąąi gu ɉu, ka káá gaai! Ɉerusalɛmə taa aa pu, gbonŋąą kələn ŋąą, ka gu pənə, ka gu Ɉerusalɛmə mąąkpɛ hįį tɔɔ. Gu hvo kɛa kɛ a nwunmɛ̨ lɔwɔ.»

Nehemi 3:12

Nąą kwɛlɛ, Salumə Ha-Lohɛsə lon, yii kɛi Ɉerusalɛmə bələ tɔ̨nɔ̨ ɲąąwooɓo, da nonnii nɛ̨ąą ɓə naa tɔɔ.

Nehemi 3:14

Rekavə lon Malkiya, yai kɛ a Bɛtə-Kɛrɛmə kwəli ɲąąwooɓomun, ya ɓə duluŋa kpon gɛɛnąą tɔɔ, ə gbonŋąą too na, ə gwɛliɠaa laa bulu, ə naa kpulu a gwɛliɠaa.

Nehemi 3:19

Nąą kwɛlɛ, Yesua lon Ezɛrə, yai kɛ a Mispa taa nąmu, ya ɓə nąą tɔɔ, a ɉələ veelɛ naa; ə həɠə ɓɛi nu ya pɛlɛ laa ɲee ɓa, ə həli gɔ́ kɔ́ hɛnŋąą pu pɛlɛ ɓa, bɛlɛ́ nwąną hveelɛ yɛ gee kaa laa.

Nehemi 3:7

Di kwɛlɛ Melatia yai a Gabaɔn mun, ɛlɛɛ, Yadon Meronotə mun da Mispa nuąi kɛ Eufratə pulu pələ, diɛ koló kɛ Transəfratɛnə gbahanąmą heei kwɛlɛ pələ.

Nehemi 3:9

Di kwɛlɛ, Hurə lon Refaya, ɓə kɛi koló kɛ laa, yaai kɛ a Ɉerusalɛmə taa bələ tɔ̨nɔ̨ nwun nąmu.

Ikilisiati 2:6

Ŋą́ yálɔwaɠaa tee, diɛ ɲá pu nwulu, da ɉin ŋąą nįnɛ̨ɠaa diɛ.

Azaya 8:6

Yii nuąi ɲɛ̨́i kaa lənəi Siloe yai a tɛɛ ɲąą mą, ɛlɛɛ di kwəi nɛ̨́ɛ̨́ mɛ̨nį ə ɓo a Resin mɛ̨nį da Remaliahu lon mąą mɛ̨nį.

Ɉeremi 40:6

Ɉeremi ə li Mispa, Ahikamə lon Gedaliasə pɔ, ə lɛɛ bɔɔli da nuąi tii lɛɛ nɔi.

Lukə 13:4

«A wala kɛ tii, gaa ka kwəi nu pow kɔ́w mɛ̨ihaaɓai ŋɛ̨i Siloe hįį ə pu di mɛ̨i, di hɔn mə kɛ ɲɔ̨nwɔ̨ɔ̨i dɛɛ Ɉerusalɛmə nuą kəlee diɛ?

Ɉaan 9:7

Yɛ mą: «'Li, ə́ ə́ waa Siloe bówa hu.» Siloe mukulaa ɓaa: «Di dɔɔ.» Ɲɛ̨ipumun tii ə li ə nwaa, gɛɛ pənəi yɛ pa, ɲɛ̨i hvolonŋąą.

Nwun mąąɓo 20:1

Israɛlə lonnii kəlee woo tɔɔi ə kɛ tanɔ̨n, di kəlee di di ŋąąkpɔn Mispa daai, Yai-Laa lííla. Di kɛi həɠə Dan lɔi hu, ɲələi pələ, ə lɛɛ la ɉu ə həli Beɛrə-Seva ɉɛɠɛɛ pələ, da Galaadə lɔi hu, voló həɠəi pələ.

Nwun mąąɓo 20:3

Bɛnɉamɛn nu huwu ə bələ mɛ̨n, diɛ di kayɔwɔɠaa Israɛlə nuą daa di ŋąąkpɔn Mispa daai, Israɛlə nuą di mąąni gɛ kɛ, diɛ mą: «Mɛlɛkpɛɛmąą mɛ̨nį ŋɛ̨i kɛ pələ ə kɛ ləi?»