Nehemi 13:26 - Yálá laawoo hɛɓɛ (dc)

²⁶ Kɛlɛi mɛ̨nį huwui ŋɛ̨i ɓə wɔlɔ gɛ, Israɛlə tɔɔmun Salomɔn yɛ nɛ̨ŋɛ̨n ɉəɠə-ee? Kaa kpinįi ka gaa, hį́i lɔpee gəlee lɔwai, tɔɔmun da nwɔ tɔɔlaa hvo həli Salomɔn nwɛi pɔ, nwɛli ə kɛ nwɔ Yálái ɓa, ə lɛɛ, Yálá ɓə ɉee Israɛlə nuą nwun na a tɔɔmun. Kɛlɛi yaa tii ɓə nwɛ̨ą nɛ̨ąą di ŋąą nɛnɛn, di nɔ nɛ̨ŋɛ̨n ɉu.

Yálá laawoo hɛɓɛ

²⁶ Kɛlɛi mɛ̨nį huwui ŋɛ̨i ɓə wɔlɔ gɛ, Israɛlə tɔɔmun Salomɔn yɛ nɛ̨ŋɛ̨n ɉəɠə-ee? Kaa kpinįi ka gaa, hį́i lɔpee gəlee lɔwai, tɔɔmun da nwɔ tɔɔlaa hvo həli Salomɔn nwɛi pɔ, nwɛli ə kɛ nwɔ Yálái ɓa, ə lɛɛ, Yálá ɓə ɉee Israɛlə nuą nwun na a tɔɔmun. Kɛlɛi yaa tii ɓə nwɛ̨ą nɛ̨ąą di ŋąą nɛnɛn, di nɔ nɛ̨ŋɛ̨n ɉu.

Bible

²⁶ Ŋá m̀o dîa ńyɛɛi, “Sîi da kpɛ́ni nɛni kúlaa ƃé gɛ̀ Gâloŋ Saloma kɛ́ Ɣâla ŋɔtɔ̂ŋ kâra. Lɔii ŋuŋ da mɛi kâloŋ fé kɛ́ ní a zeriɛɛ bɔ́. Ɣâla è ŋ̀wɛli a ŋ̀ánaa é gɛ́ a Eezuɛ lɔii gwaa kélee mɛi kâloŋ. Berei máŋ è kɛ̀ tí lai, sîi-nɛyaa kula mɛni è gɛ̀ sɔnyɔ̂ŋ è ǹyée mɛi ɣále.

Nehemi 13:26 Iomraidhean Croise

Tɔɔɓɛlaa dɔlɔɔ 21:25

Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Tɔɔɓɛlaa dɔlɔɔ 3:12

yili mąą mɛ̨nį ɓa, bələi tii ə́ mo la, gáá kpɔlɔɔ gɛi tii, gáá kili tɛɛi ə́ pɔ, ɲɔ̨nwɔ̨mąn hvo ta kɛ li nu ta ɓa, gɛɛ hvo pa kɛ hɔlɔɓo, hvo nwɔ̨nɔ̨ pai kɛi nu ta ɓa ə́ haa pulu hvo həli ə́ pɔ.

Tɔɔɓɛlaa dɔlɔɔ 3:13

Yii kpɛli hvó ɉu hvɛli li mą́ą́, gáá dɛɛi ə́ pɔ; ya ɓaa: hɛn kɔ́w, da mąąwiɛ. Ɉɛnŋąą tii kaa kɛi ə́ yəi, ə́ wɔ yɛnɛ̨ɛ̨ kəlee yee mu, tɔɔmun da hvo pai kɛ lɔi mɛ̨i, yɛ həli ə́ pɔ.

Tɔɔɓɛlaa dɔlɔɔ 4:1

Salomɔn ɓə kɛ a tɔɔmun Israɛlə lɔi kəlee nwun na.

Kɔlɔnikɔ Veerɛi 1:12

Mɛ̨nį hukpɛ kili da ɲąąkaa kili, gáá dɛɛi ə́ pɔ, ŋį́ bɛlɛ hɛngɔw, lɔi da mąąwiɛ ɓa. Gáá dɛɛi ə́ pɔ, ə tɛɛ la tɔɔɓɛlaai daa tɛɛ kɛ ə́ tɔwɔ, ɲɔ̨nwɔ̨mąn hvo ta kɛ li da yəi, ə mą kɛ yiiɠaai pai lɛɛi ə́ pulu.»

Kɔlɔnikɔ Veerɛi 9:22

Tɔɔmun Salomɔn ə kɛnɛ̨ ə tɛɛ yɛnɛ̨ɛ̨ tɔɔɓɛlaa kəlee diɛ hɛn gɔw mɛ̨nį hu, da kili kɛ ɲəi mɛ̨nį hu.

Hanwon 31:3

'Hvó ə́ hvaŋą tɛɛ nɛ̨ąą pɔ, nɛ̨ąąi da tɔɔɓɛlaa too, 'hvó hvilɛn di pulu.

Ikilisiati 7:26

Ŋį́ gaa gɛ́ diɛ: nɛ̨ɛ̨nu gbąnąą, ɲɔ̨nwɔ̨ɔ̨i dɛɛ haa ɓa. Mąąhɔlɔɓo, gaa a hɛlɛn, nwɔ wɛlikɛmąą yɛ ɓo yɛ diŋɛ̨n, ɲeeɠaa di ɓo a nu yili yɛli. Nui nwɛli kaa Yálá ɓa, hva too nɛ̨ɛ̨nu taaləi tii yəi diŋɛ̨n ɉu. Kɛlaa, nɛ̨ŋɛ̨n ɉəɠəmun mə a too ɉu.