Nehemi 13:1 - Yálá laawoo hɛɓɛ (dc)

¹ Nąąlɔwai, di Moisə nwɔ hɛɓɛ́i ɓo nɔi lonnii kəlee lííla, di gaa ɉɛɓɛ́ hu diɛ mą: Amɔn nuą da Moabə nuą, mąą hvo nɛ̨ɛ̨li di hvo lɔ Yálá nwɔ nu kpului lɔwai.

Yálá laawoo hɛɓɛ

¹ Nąąlɔwai, di Moisə nwɔ hɛɓɛ́i ɓo nɔi lonnii kəlee lííla, di gaa ɉɛɓɛ́ hu diɛ mą: Amɔn nuą da Moabə nuą, mąą hvo nɛ̨ɛ̨li di hvo lɔ Yálá nwɔ nu kpului lɔwai.

Bible

¹ Maa ɣelei tí, dí Mose ŋɔtɔ̂ŋ kɔlɔi lôno ǹûai dîɛ Ŋ̀âla-pɛrɛ Kɛ́tɛi mu. Dí gɔlɔi ŋí gwaa da ma lòno nyíi m̀o a gɛɛ Ɣâla ŋɔnûai da Amɔŋ da Môa ni dísuui su-ƃelai dífe wɔ́lɔ Ɣâla fɛli gîe ma.

Nehemi 13:1 Iomraidhean Croise

Tɔɔɓɛlaa veelɛ 23:2

Yili pulu, ə Ɉuda nuą həɠə, da Ɉerusalɛmə nuą, də li Yai-Laa yəi bɛlɛ́n; ɉaláá laa həli nuą, Yálá kwəi mɛ̨nį hukulɔ nuą, ə mą kɛ nɔi lonnii kəlee, bɛlɛɛɠaa mąn gbɛa-kpɛaa mąn. Mįnɛ̨ həɠə hɛɓɛ́i di gaa Yai-Laa yəi bɛlɛ́n, di ɉu woo ɓo di kəlee di ɲɛ̨i ɓa.

Nehemi 13:23

Ɲələi tii ɓə nwɔ̨nɔ̨, ŋį́ Ɉuifəɠaa kaa la, diɛi Asdɔdə, Amɔn da Moabə nɛ̨ąą həɠə la a di nɛ̨ąni;

Nehemi 2:10

Nąąlɔwai Sanbalatə ŋɛ̨i kɛ a Horɔn mun, da Toviya, Amɔn mun, yii kɛ ɲee mu. Di bələi tii mɛ̨n, di kwəi hvo nɛ̨ɛ̨ kpɔ tiikpə, gili kɔ́lɔn di mo, diɛ kɛ nu ta aa pa, yɛ Israɛlə lonnii mąą mɛ̨nį lɛlɛɛ ɲɛ̨i kulɔ.

Nehemi 2:19

Nąąlɔwai, Sanbalatə yai kɛ a Horɔn mun, da Toviya Amɔn mun yii kɛ ɲee mu, da Gɛsɛmə yii Arabə mun, bələ mɛ̨i di mo, di kɛi di woo həɠə ku wɔ, diɛ ku hviiɓo diɛ kɛ diɛ: «Lə ɓə ka káá gɛi? Kaa kɛ kulɔ tɔɔmun nwoo mu?»

Nehemi 4:3

Ku ku wɔ Yálái hvɛli nąąlɔwai, ə lɛɛ, ku nuą tɔɔ, diɛ nąą mąąkpɛ a hvóló da kpinį; diɛi tii di mąą mɛ̨nį ɓa.

Nehemi 8:2

Ɉaláá laa həli mun Ɛsdrasə ə pa a dɔ́n ɉɛɓɛ́ nu kpɔn gəlee ɲɛ̨i ɓa; hinąą mąn, nɛ̨ąą mąn, ə mą kɛ nui lɔpee a mɛ̨nį hukpɛ, di kəlee di kɛ laa, ɲąnįn mɛ̨ihveelɛ naa nwɔ dɔlɔɔ tɔlɔɔ li kɛ.

Nehemi 9:3

Di di muhəɠə, di lɛɛ tɔɔni, di Yai-Laa di wɔ Yálái nwɔ tɔ́n ɉɛɓɛ́i hu woo ɓo diɛ, ə həɠə yələwala pɔ, ə həli la nįŋɛ̨ lon bɛlɛi lɔwai ɓa. Ə həɠə nɔwai tii ɓa, ə həli la hvóló tɛɛ nwun ma ɓa, di pɛlɛɛ Yai-Laa di wɔ Yálá lííla, diɛ hvaa di kɛ nɛ̨ŋɛ̨n ma.

Azaya 34:16

Ka Yai-Laa nwɔ hɛɓɛ́i hu kaa, ka ɉu woo ɓo, dɔ̨nɔ̨ kpɛli hvo pai lɛɛi pulu, di ta hvo pai kɛi mɛlan gɛɛmąąnįn kɛi, Mąąhɔlɔɓo, Yai-Laa ɓə di tí la nwɔ Kilii ɓə di ɲąąkpɔn.

Ɉeremi 48:1

Mɛ̨nįi Yai-Laa Mɛ̨nį Kəlee ŋą Hééɓomun, Israɛlə nwɔ Yálá kaa moi yɛ hvilɛn na Moabə ɓa, ya ka, yɛ diɛ: Mąąwɛli mɛ̨nį aa laa Nebo taa ɓa, daa nwolo, daa Kiriataimə hon, daa nwumɛ̨ tɛ la. Gbakolo taai aa too, nwumɛ̨ aa ɲɛ̨i paa.

Amɔsə 1:13

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ haŋą Amɔn nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di Galaadə koonɛ̨ąɠaa kwəi ɓɛla, ə gɛ, diɛi tii, di di wɔ lɔi ta kɛ mą.

Lonon mo 22:5

Ə nuą tɔɔ Beɔrə lon Balaamə pɔ, Petɔrə daai, ɲá kwɛlɛ, nąą ɓə ɉuwu ə həɠə laa. Ə də li, yɛ mą: «Kwaa nu huwu ta kaa ɓɛ, daa həɠə Eziptə lɔi hu, daa nɔi kpɛɛ mą, daa tɔɔ ɓɛ nwɔ́ lɔi tənən ma.

Lukə 10:26

Jesus ə nwoo pulu pənə yɛ mą: «Lə mɛ̨nį ɓə bɛ̨ɛ̨ guɔ tɔ́n hu? Ya kɛi galan, ya kɛ ŋąą kaai ləi?»

Gɛlaɠaa 13:15

Dɔ́n ɉɛɓɛ́ da Yálá kwəi mɛ̨nį hukulɔ nuą di wɔ hɛɓɛ́i ɓoɔ pulu, Yálá hvɛli pɛlɛ́ nwun nąmįną di nu tɔɔ di pɔ, diɛ kɛ diɛ: «Ku nąn nonnii, liɛwoo a kɛ ka la, káá kɛ ká mo nuą diɛ, bələ kaa ká yəi.»

Gɛlaɠaa 15:21

Hvo gaai, ə gɔwɔ tɔɔ gu kalaɓɔlɔni di wɔ yələi ɓa, mąąkwɛli kɛ nuą di kaa Moisə yəi daaɠaa hu, gbala ə tɔɔ, da kɛ ɉɛɓɛ́ ɓoi a vįitɔɔ yələ, Yálá hvɛli pɛlɛ́ɠaa mu.»