Nehemi 12:47 - Yálá laawoo hɛɓɛ (dc)

⁴⁷ Zorobabɛlə da Nehemi di wɔ lɔwai hu, Israɛlə nuą di kɛi hɛnŋąą tɛɛ nwələ too nuą da bɛlɛ́ laaləi nuą di pɔ a hvóló tɛitɛi kəlee. Yii kɛ naakwɛlanmoɔ Yálá ɓa, ə kɛi lɛɛ Levi huwuhu nuą yəi, yai kɛ a Aarɔn lonnii di wɛi, diɛ dɛɛ di pɔ.

Yálá laawoo hɛɓɛ

⁴⁷ Zorobabɛlə da Nehemi di wɔ lɔwai hu, Israɛlə nuą di kɛi hɛnŋąą tɛɛ nwələ too nuą da bɛlɛ́ laaləi nuą di pɔ a hvóló tɛitɛi kəlee. Yii kɛ naakwɛlanmoɔ Yálá ɓa, ə kɛi lɛɛ Levi huwuhu nuą yəi, yai kɛ a Aarɔn lonnii di wɛi, diɛ dɛɛ di pɔ.

Bible

⁴⁷ Zɛrubabɛɛ da Niɛmaya dítãi ma, Eezuɛ-ƃelai kélee da kâa ŋ̀ule too-ƃelai, Ŋ̀âla-pɛrɛ Kɛ́tɛi ŋɔsiɣãŋ mɛi káa ƃelai da Liiva-ŋai díɣele kélee mii sãai tɛ̀ɛ dípɔ a fólo kélee. A gɛ̀ tí, Liiva-ŋai da díwɔ̂ mii sãai ŋáa kɔ̀lɛ dí da tɛɛ zâla láa soŋ-ƃelai pɔ́.

Nehemi 12:47 Iomraidhean Croise

Tɔɔɓɛlaa veelɛ 25:30

Bələ ɓə Yoyakin nwɔ hvóló tɛitɛi kɔ̨nɔ̨n ə kɛ la tɔɔmun Ewilə-Merodakə nwuɔ̨ hvóló kəlee ə lɛɛ la ɉu ə haa.

Tɔɔɓɛlaa veelɛ 7:10

Di pa, di ɉįi la nuą təli, diɛ diɛ: «Kwaa li, kwaa həli Aramə nuą di wɔ kɔ́ɓuwui la, nui lɔpee ta hvo laa, nu woo kpɛli hvo tɔɔi laa; ɉooɠaa lɔ ɓə kɛ laa da ɉoohvaalənŋąą, di yiliɛ ɉəɠə pɛlɛ́ɠaa diɛ, daa di lɛɛ laa.»

Ɛsdrasə 2:2

Nuąi kɛ di ɲɛ̨itɔwɔ diɛ ɓa kɛ a: Zorobabɛlə, Ɉosue, Nehemia, Seraya, Reelaya, Mordokai, Bilsan, Misparə, Bigwai, Rehumə, da Baana. Israɛlə nuą kwɛdɛn ga:

Nehemi 11:23

Mąąhɔlɔɓo, tɔɔmun mə kɛi di wɔ koló kɛ pələ lɛ, ɛlɛɛ, hɛɓɛ́ ta ə kɛi nwələ too nuą di wɔ hvóló lɛ diɛ.

Nehemi 12:1

Ɉaláá laa həli nuąi pa, da Levi huwuhu nuą diɛ həɠə nuwɔ laa hu, da Saltiɛlə lon Ɉerubabɛlə, da Ɉosue ni, diɛ ka: Seraya, Yirmeya, Ɛzra,

Nehemi 12:12

Yoyakimə nwɔ lɔwai hu, ɉaláá la həli nuą, bɛlɛ nąmįną ɓaa kɛ a: Seraya nwɛi ɓaa kɛ a Meraya; Mirmeya nwɛi ɓa kɛ a Hanania;

Nehemi 12:26

Nuą tii ɓə kɛ goló ɓa a Ɉosue lon Yoyakimə nwɔ lɔwai hu, Yosadakə lon, ə lɛɛ, da Nehemi ŋɛ̨i kɛ a gbahanama da ɉaláá laa həli mun Ɛsdrasə di wɔ lɔwai hu.

Galatə 6:6

Nui di kaa mąąkwɛli Yálá laa woo ɓa, mąąnɛ̨ɛ̨i, ə kpɔnmąą tɛɛ mąąkwɛlimun bɔ a ɲəi hɛn nɛlɛɛmun.

Dutɛrɔnome 18:8

Da Levi yiiɠaa tii ə di kaa laa, di kɔ̨nɔ̨n a kɛ a bɛliɛ a gee. Kɛlaa, ɉɛnŋąą nui tii ə nɔwɔtɔɔ a nąn bulu hɛn, yili laa kulaa ɉu.