Nehemi 12:26 - Yálá laawoo hɛɓɛ (dc)

²⁶ Nuą tii ɓə kɛ goló ɓa a Ɉosue lon Yoyakimə nwɔ lɔwai hu, Yosadakə lon, ə lɛɛ, da Nehemi ŋɛ̨i kɛ a gbahanama da ɉaláá laa həli mun Ɛsdrasə di wɔ lɔwai hu.

Yálá laawoo hɛɓɛ

²⁶ Nuą tii ɓə kɛ goló ɓa a Ɉosue lon Yoyakimə nwɔ lɔwai hu, Yosadakə lon, ə lɛɛ, da Nehemi ŋɛ̨i kɛ a gbahanama da ɉaláá laa həli mun Ɛsdrasə di wɔ lɔwai hu.

Bible

²⁶ Ǹûai ŋí dí wɔ́lɔ kɛ̀ ɣele ma a Zasua ǹóŋ-surɔŋ Zioakiŋ nyii kɛ̀ a Zosada ǹóŋ ŋɔlóŋ ŋɔtãi. È kɛ̀ máŋ a tãi Niɛmaya è kɛ̀ la a ǹɔii mɛi kâloŋ, da tãi Ɛzura è kɛ̀ la a sâla láa soŋ-nuu gɛ́ ƃò ŋɔ́nɔ a Dɔ̂ŋ lɛ́ nuui.

Nehemi 12:26 Iomraidhean Croise

Kɔlɔnikɔ Veerɛi 9:26

Ə hee tɔɔɓɛlaa kəlee mɛ̨i, ə həɠə ɲa kɛnɛ̨ɛ̨i ɓa, ə həli la Filisti nuą di wɔɔ lɔi ɓa da Eziptə nuą ɲɛ̨n mą.

Ɛsdrasə 7:11

Tɔɔmun Artasɛrsɛsə ə hɛɓɛ́ tɛɛ ɉaláá laa həli mun da ɉɛɓɛ́ pɛ̨ɛ̨ mun Ɛsdrasə ɓa, yai kɛ a Yai-Laa Israɛlə nwɔ Yálá nwɔ tɔ́nŋąąi kɔ́lɔn mun gɛnɛ̨. Ɉɛɓɛ́i tii hu woo ka:

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Nehemi 8:1

Nɔi lonnii kəlee di di ŋąąkpɔn nɔ yɛ nu tɔ̨nɔ̨, di pa a Moisə nwɔ tɔ́n ɉɛɓɛ́i, yaai tii Yai-Laa ə naa Israɛlə lonnii nwuɔ̨.

Nehemi 8:9

Ya ɓə Nehemi ŋɛ̨i kɛ a gbahanama da Ɛsdrasə ɉaláá laa həli mun yai lɔ kɛ a ɉɛɓɛ́ kɛ mun, da Levi huwuhu nuąi tii kɛi ɉɛɓɛ́ hukulɔ wooɠaa ɓo nuą diɛ, di kɛi kɛ nɔi lonnii kəlee diɛ: «Volói ŋɛ̨i kaa a Yai-Laa ka wɔ Yálá nwɔ hvóló. Mąą hvo nɛ̨ɛ̨li, ka hvo kɛ liihɛlɛn ɉu, kaa wɔlɔ. Mąąhɔlɔɓo, nuą kəlee di kɛi wɔlɔ, dɔ́n ɉɛɓɛ́ hu woo mąą mɛ̨nį ɓa.»